APOCALIPSIS 10

1Lawitu' xwilni yayiloj hune'xa ángel yul satcan̈an, ay scan̈il yeyi, aycoj asun yin̈, ahatoj caj ch'elep yin̈ swi'. Haca' schaw tz'ayic schaw sat. Ha' sb'ul b'oj sunil yoj haca' k'a' k'a' jilni. 2Ángel tu' yetb'i hune' te' ni'an hum, holb'iltoj te'. X'ayoj swatx' yoj yib'an̈ ha' mar, smec yoj yib'an̈ tx'otx'otx'. 3Lawitu' x'awi yin̈ ip haca' yawi no' b'alam. Yet x'awi tu' hujel xk'an̈ c'uh, xalni stzoti'. 4Lawitu' xwal hin tz'ib'n̈e'can tzet xal tu'an, yaja' xwab'e hune' tzoti' x'ayiloj yul satcan̈an, xalni wetan: —Eb'a tzetet xhalot tu', macha tz'ib'n̈e. 5Ha' ángel lin̈ancan̈ yib'an̈ ha' mar b'oj yib'an̈ tx'otx'otx' xwil tu'an, xican̈ swatx' k'ab' satcan̈, 6xawten sb'ih Comam Dios yin̈, Comam ch'ehc'oj stohb'alk'inal, Comam xwatx'en satcan̈ b'oj tx'otx'otx' b'oj ha' mar b'oj sunil tzet ib'il yu. Xalni ángel tu' yin̈ hacti': —Matxa nahatwoj yoj, 7haxca chin̈e yiche'coj shuj ángel yok'tzenoj strompeta, lemb'il chija' sb'a tzet nab'il yu Comam Dios ewantic'a ye yu, haca' xu ya'ni yohtajn̈e hej schejab'lom. 8Hune' tzoti' xtic'a wab'e tu'an b'oj x'ayiloj yul satcan̈, xalni wet hunecxaan: —As itij te' ni'an hum holb'iltoj aycoj yul sk'ab' hune' ángel lin̈ancan̈ yib'an̈ ha' mar b'oj yib'an̈ tx'otx'otx'. 9Yuxin xquin to hin k'ana' te' ni'an hum tet ángel tu'an, xalni wetan: —Tiyala, cuchtoj te'. Caw chi' scuchot te', haca' schi'al no' cab' chawab'e', yaja' yul ha c'ul caw c'ah chub'can yu te'. 10Lawi hin chanic'oj te' tet ángel tu'an, xin cuchnitoj te'an. Caw chi' scuchot te', haca' no' cab' xuk'al te' xwab'ean, yaja' yul hin c'ulan caw c'ah xucanoj. 11Yin̈n̈ena tu' xhalot wetan: —Yilal hawalni hunecxa tzet xal Comam Dios yin̈ hej con̈ob', hej nación, hej ab'xub'ale b'oj yin̈ heb'naj rey.


Copyright
Learn More

will be added

X\