SAN MATEO 10

1Lawitu' syamb'ancoj Comam Jesús heb'ya' cab'lan̈wan̈ ẍcuywi yin̈. X'oc ya'noj scan̈il ye heb'ya' yin̈ yiniloj yespíritu naj matzwalil yin̈ anma, b'oj yan̈ten yin̈ tzantzet yab'ilal aycoj yin̈, b'oj scolwa yin̈ mac aycoj sya'tajil yin̈. 2Ha' ti' sb'ih heb'ya' cab'lan̈wan̈ apóstol: B'ab'el, ya' Simón ẍhalot Pedroal, b'oj yuẍtaj Andrés, ya' Jacobo b'oj yuẍtaj Juan, sc'ahol ya' Zebedeo, 3ya' Felipe, ya' Bartolomé, ya' Tomás, ya' Mateo, ya' xtic'a iniloj ch'en melyu yet tohlab'al, ya' Jacobo sc'ahol ya' Alfeo, ya' Tadeo, 4ya' Simón aytic'acoj yin̈ partido cananista, b'oj naj Judas ah Queriot x'anicoj Comam yul sk'ab' camical. 5Ha' heb'ya' cab'lan̈wan̈ ti' xatoj Comam Jesús, xa'ni schejb'anil heb'ya' yin̈ b'aytet chub', xalni Comam: —Yet chex ec'oj b'etu', machex ocoj yul hej con̈ob' b'ay mat israeloj anma, machca chex ec' yul scon̈ob' heb'naj Samaria. 6Hatcachan xol jetcon̈ob' Israel chex eq'ui, haxca haca' canelu c'aynajtoj yeyi. 7As halwej to yocojxa Comam Dios Yahawoj b'eti'. 8An̈tewej hej yawub', ta ay mac ẍcami, a'wej pax sk'inal. Mac aycoj yab'il lepra yin̈, an̈tewej. Cheyiniloj yespíritu naj matzwalil yin̈ anma. Hune' scan̈il heye ẍwa' ti'an, matanil yeyi, yuxin mache k'an he tohol yet chex colwa yin̈ anma. 9Yet chex toyi, mach melyu cheyitoj yetoj he b'eh. 10Mach he tz'ispa cheyitoj, mach he helb'al cheyi'a, mach hunk'uujxa he xan̈ab' cheyitoj, machca he k'ojoch cheyi'a. Ẍwal hune' ti' teyetan, haxca naj munlawom yettic'a ay schani naj tzet slo yin̈ smunil. 11Yet chex apni yul hunuj con̈ob', mato yul hunuj wayan̈b'al, mat nananojn̈e b'ay chex ehi, k'amb'ewej eyab'e b'ay ay anma c'ul ch'an sc'ul, hat chex cani. 12Yet chex apni b'ay chex ehoj tu', halwej tet yahaw n̈ah: Ocojab' ak'anc'ulal te xol, quex chi. 13Ta yeli c'ul sc'ul anma tu', chija' sb'a haca' heyalni tu', ta machoj, machija' sb'a tzet cheyal tu'. 14Ta machex schab' anma, mato mach sje yab'etoj tzet cheyala, meltzoan̈wej sti' hune' n̈ah tu' mato yul hune' con̈ob' tu'. Hasta pojoj ẍcan yin̈ heyoj pan̈wejiloj, syeb'aniloj to xax heyiloj heyijatz heyalni tet hunk'aan anma tu'. 15Yin̈ caw yeli ẍwal teyetan, yet chinojtij Comam Dios scuenta yin̈ anma, ec'b'alto sya'tajil ch'a'laxoj tet anma tu' sataj con̈ob' Sodoma b'oj Gomorra. 16Ab'ewej tzet ẍwal ti'an. Chex wa'a'toj haca' canelu xol no' ojan. Yuxin itz'at cheyute he b'a haca' no' lab'ah, yaja' huncuentan̈e cheyute he c'ul haca' no' palamuẍ. 17Nann̈e heyu, haxca chex ilaxojtoj tet heb'naj swi'con̈ob' Israel, hasta chex smak'a' heb'naj yulaj hej capiya. 18Hasta chala' sc'ul chex ilaxojtoj tet heb'naj gobernador, mato tet heb'naj yahaw, haxca cheya' yuluj he c'ul win̈an. Hactu' chu hin he tzotenoj yin̈ sat heb'najan b'oj tet yak'b'il anma mat israeloj. 19Yaja' yet chex alaxojcoj tet heb'naj yahaw tu', mach ẍb'isb'on he c'ul tzet cheyala', mato tzet chu he colnoj he b'a, haxca yet ch'apnoj yorail, Comam Dios ch'a'noj he tzoti', 20haxca mat hexoj chex tzoteloj, to Yespíritu Comam stzoteloj teyin̈. 21Yet chuluj stz'ayical tu', ay heb'naj cha'a'coj yuẍtaj yul sk'ab' camical, hej mame cha'a'coj yuninal yul sk'ab' camical, pax hej uninale ẍpac'ojcoj yin̈ smam smi' cat yanojcoj yul sk'ab' camical. 22Sunil anma ẍchiwaojcoj sc'ul teyin̈ haxca cheya' yuluj he c'ul win̈an. Yaja' mac ẍtechaoj yu masanto ch'apnojcan slahub'al, ẍcolchaoj. 23Yet chex cajlax yul hune' con̈ob', elan̈wej cat he to yul hune'xa con̈ob'. Haxca yin̈ caw yeli ẍwal teyetan, maẍto xtxolchaloj sunil scon̈ob' jetcon̈ob' Israel heyu, cat wuluj lemna hayin Ab'ilintij yu Comam Dios xol jet-anmail ti'an. 24Mach hunuj naj ẍcuywi chu spalc'on yib'an̈ scuywaom, machca hunuj naj c'amte' chu spalc'on yib'an̈ yahaw. 25Ta ay hunuj naj ẍcuywi, sc'uxanayi slahb'aab' sb'a naj b'oj naj scuywaom tu'. Hac pax tu' chute' sb'a naj c'amte' b'oj yahaw. Hayin ti'an haca' naj yahaw n̈ah wean, hexti' haca' hin chejab' heyean. Ta ẍhal-laxi to yahaw yespíritu naj matzwalil wean, hajxam hex, ¡tzitam ẍhala'xoj teyin̈! 26Yuxin machex xiw tet anma. Sunil tzet ewanto ye tinan̈ masan ch'eloj yen̈el, b'aytet mat ohtajb'iloj, masan ch'ohtajn̈e'laxoj. 27B'aytet yin̈ ewantaj ẍwal teyet tinan̈an pujb'awejc'oj tet anma. B'oj hunk'aan ton̈e chin sah yul he txiquinan, ip che pujb'ac'oj yulaj calle. 28Yuxin machex xiw tet anma spotx'ni he nimanil, yaja' machu spotx'ni heyanma. Tet Comam Dios yet ay he xiwi, haxca chu sc'ayniloj Comam he nimanil b'oj heyanma, cat hex yanojtoj Comam yul infierno. 29Iwejiloj heyet yin̈ no' niẍtej ch'ic, yet xtxon̈lax no' hasta ẍji' no' cac'on̈ yin̈ centavo, yaja' mach hunuj no' ton̈e ẍcamayoj ta mataj co Mam Dios ẍhalni. 30- 31Hajxam hex to k'a' ec'b'al heye sataj no', hasta hunun xil he wi' b'isb'il yu co Mam, yuxin machex xiwi. 32Mac ẍhalni yin̈ sat anma to win̈ aycojan, haquinan, ẍwala' yin̈ sat hin Mam ay satcan̈an ta win̈ aycojan. 33Yaja' mac ch'eb'an yin̈ sat anma to win̈ aycojan, ẍwala'pax yin̈ sat hin Mam ay satcan̈an to mat win̈oj aycojan. 34Mache yala ta chin hul wa'a'coj anma yin̈ ak'anc'ulal satyib'an̈k'inal ti'an. Machoj. To yu yoc anma yin̈ howal yuxin xquin hulan. 35Xquin hul wa'a'coj naj c'ahole yin̈ howal b'oj smaman, ix unine b'oj smi', ix alib'e b'oj ix mi'e. 36Yuxin xoltic'a anma ay yu sb'a ch'ah mac ẍcajni. 37Mac k'a' choche smam smi' mato k'a' choche yuninal tin satajan mat chu yoc tzujnuj win̈an. 38Mac mach shin sb'a scam yin̈ culus, haca' yec'oj ya' wanmaan, mat chu yoc tzujnuj win̈an. 39Mac k'a' sya'iln̈e snimanil, sc'aya'toj sk'inal. Wal mac hinan scam yu hin yochenan, schab' k'inal mach stan̈b'al. 40Mac chex chani, hayin lan̈an schanian. Mac chin chanian, lan̈an schani mac xquin anitijan. 41Mac ẍchani hune' schejab'lom Comam Dios haxca schejab'lom Comam yeyi, lahan spaj schab' b'oj hune' schejab'lom Comam tu'. Mac ẍchani hune' anma tohol sb'elwi haxca tohol snab'al hune' anma tu', lahan spaj schab' b'oj mac tohol sb'elwi tu'. 42Mac ch'a'ni hunuj vaso chewala' tet hunuj anma haxca ẍcuywi win̈an, waxan̈ca comon anman̈e yilot, yin̈ caw yeli ẍwal teyetan mac ch'a'ni tu' schab' spaj selel,


Copyright
Learn More

will be added

X\