SAN MARCOS 16

1Lawi yec' tz'ayic xewb'al, xb'ey ya' María ah Magdala, ya' Salomé b'oj ya' María smi' ya' Jacobo slok'o' an̈ xuk'sam, xto heb'ya' yanojcoj yin̈ snimanil Comam Jesús yalni. 2Ha' sajb'iloj b'ab'el tz'ayic yet semana, xto heb'ya' b'ay mujinaj Comam. Xax ahiloj tz'ayic x'apni heb'ya'. 3Chalni heb'ya' tet hunun: —¿Mactaxca ch'inojiloj ch'en ch'en aycoj smajiloj sti' b'ay ayictoj Comam? 4haxca caw nimejal ch'en. Ha' yet xilnitoj heb'ya', ib'ilxaloj ch'en. 5X'octoj heb'ya' b'ay ayictoj snimanil Comam. Xilni heb'ya' tz'on̈anay hune' naj tzeh yin̈ co watx' jocapnoj, aycoj xil k'ape saj nimejal shoji yoj yin̈ naj, caw xiwcan̈ heb'ya' yilni. 6Yaja' xal naj tet heb'ya': —Machex xiwi. Wohtajan to ha' Comam Jesús ah Nazaret x'alaxcan̈ yin̈ culus che saya, xax pitzc'acan̈ Comam, matxac'oj b'eti'. Ilwejc'anab' b'ay x'aotictij. 7As halwej tet heb'ya' ẍcuywi yin̈ Comam, b'oj tet ya' Pedro ta ẍb'ab'ojtoj Comam te sataj Galilea. Hat cheyila' he b'a b'oj b'etu', haca' xute yalnicanoj. 8Lawitu' x'eltij heb'ya' yin̈ an̈e; toxan̈e ẍc'uyc'un heb'ya' xiwquilal b'oj c'aynajiloj sc'ul heb'ya'. Mach mac tet xal heb'ya' hune' ti' haxca caw aycoj xiwquilal yin̈ heb'ya'. 9[Lawi spitzc'acan̈ Comam Jesús yin̈ sab'sahc'alil yin̈ b'ab'el tz'ayic yet semana, b'ab'el sye sb'a Comam tet ya' María ah Magdala, yin̈ ya' ti' elnaj hujwan̈ yespíritu naj matzwalil yu Comam. 10Xto ya' yalnoj tet heb'ya' x'ec' yin̈ Comam, b'isc'ulal ye heb'ya' tu', ch'ok' heb'ya'. 11Ha' xab'en heb'ya' to itzitz Comam b'oj x'ilot Comam yu ya' María tu', mach xa' heb'ya' yuluj sc'ul. 12Hunecxa nanxa yoc xu syeni sb'a Comam tet cawan̈ heb'ya' lan̈an sto yul hune' wayan̈b'al. 13Yet xmeltzo heb'ya' yalnoj tet heb'ya' yetb'i, maẍtic'a xa' pax heb'ya' tu' yuluj sc'ul. 14Lawitu' syeni pax sb'a Comam Jesús tet heb'ya' hunlan̈wan̈ ẍcuywi yin̈ yet aycoj heb'ya' yin̈ meẍa. Smayni Comam heb'ya' haxca caw wi'e heb'ya', mach xa' heb'ya' yuluj sc'ul yin̈ tzet chal heb'ya' x'ilni to xax pitzc'acan̈ Comam. 15Xalni tet heb'ya': —Aswej sunil satyib'an̈k'inal ti' cat heyalnic'oj tet sunil anma tzoti' c'ul yet colb'anil. 16Mac ch'a'ni yuluj sc'ul cat yi'ni ha' ẍcolchaoj. Mac macha'a' yuluj sc'ul, chi'a'cantoj smul yib'an̈. 17Ha' ti' ẍyenoj yin̈ mac cha' yuluj sc'ul win̈an: Yin̈ hin b'ih chi'a'loj yespíritu naj matzwalil yin̈ anmaan, stzoteloj yin̈ hunmajanxa ab'xub'al. 18Waxan̈ca stzab'a' no' lab'ah, waxan̈ca ch'a'laxoj howla an̈ yuc'u', matzet chub' yu, b'oj cha'a'coj sk'ab' yib'an̈ yawub' cat swatx'oj sc'ul. 19Lawi stzotelcan Comam Jesús b'oj heb'ya', x'iottoj satcan̈, x'oc tz'on̈noj yin̈ swatx' Comam Dios. 20Lawitu' xto heb'ya' spujb'anojc'oj tzoti' c'ul yet colb'anil sunil satyib'an̈k'inal ti'. Hatic'a Comam aycoj yetb'ioj heb'ya', cha'ni Comam yip stzoti' yu hej tzetet c'ayb'alc'ule chu


Copyright
Learn More

will be added

X\