SAN MARCOS 13

1Yet lan̈an yelti Comam Jesús yul yatut Comam Dios, yalni hune' naj iscuywom Comam: —Mamin, ¡ilc'anab huntek'an ch'en ch'en yeb huntek'an nimeta n̈a ti' lah! ẍi naj. 2Istak'wi Comam: —Huntek'an nimeta n̈a ti' chiuchc'alaxtoj, matxa hunu ch'en ch'en latz'bil ti' chican yiban̈ yet ch'enal, ẍi Comam. 3Lahwi tu' xin, isto Comam Jesús yeb ebnaj iscuywom yin̈ istzalanil won̈an Olivo ayco yetc'ulal satac'ti' yatut Comam Dios; yay tz'on̈no Comam bey tu'. Isk'amben naj Pedro, naj Juan yeb naj Andrés tet Comam yet ischuquilxan̈e: 4—Mamin, hal jetan̈ bak'in chihul huntek'an chawal ti', ¿tzettaxca yechel chiyu yet chijni isba? ẍi ebnaj. 5Istak'wi Comam: —Caw cheyil heba, machojab mac chexak'ni subchahoj. 6Yuto caw tx'i'al ebnaj chuli cat isbalnico ebnaj inbihan yin̈, cat yalni ebnaj haca' ti': “Haninti'an Cristo hinan,” ẍi ebnaj. Caw xin tx'i'al mac chisubcha yu ebnaj. 7Hayet cheyabeni ta ay howal hecawilal maca nahata, mach chexxiwi yuto yilal yuni huntek'an ti', cat iswejchacan̈ anma, yaja' maẍto istan̈balo hune' yul sat yiban̈k'inal ti'. 8Chak'lecan̈ howal ej tx'otx' nimeta con̈ob yeb huntek'anxa tx'otx' nimeta con̈ob, cat yanipaxico howal hune' con̈ob yin̈ hune'xa con̈ob. Caw xin tx'i'al bay chiec' chixcab yeb wahil, yaja' huntek'an tu' yichebaniln̈e isya'tajil. 9Caw cheyil heba yuto chexálaxico sata ebnaj yahaw con̈ob, cat hemak'lax yulaj capilla. Chexalaxpaxico sata ebnaj gobernador yeb sata ebnaj rey, yu ayexxaco yul ink'aban. Hac tu' xin chu quinheyalnilojan tet ebnaj. 10Yet maẍto chitan̈ilo yul yiban̈k'inal ti', yilal ispujbalaxic'o Tzoti' c'ul yet colbanile yulajla tx'otx' nimeta con̈ob. 11Hayet chexalaxico sata ebnaj yahaw con̈ob tu', mach cheyaco yin̈ hec'ul yin̈ tzet cheyala; wal xin ha' tzet chihallax teyet yu Comam Dios ha' cheyala, yuto maẍtajex chextzoteli, to ha' Comam Espíritu Santo. 12Ha' yin̈ hune' tiempohal tu', ay ebnaj chaco yuẍta yul isk'ab camical, ay mame mi'e chaco yuninal yul isk'ab camical, aypaxo ebnaj uninale chiyaco howal yin̈ ismam yeb ismi' cat yak'ni camoj. 13Caw sunil anma chioc ishowal teyin̈ yuto ayexico yul ink'aban, yaja' mac chitecha yu masanto yet islahobal, chicolchahi. 14Tz'ibn̈ebilcano yu hune' ischejab Comam Dios chiyij Daniel, tato yilal yul naj chietanto yatut Comam Dios yu istx'ojal chiswatx'e. Ha' mac chiilni hune' ti' txumchahojabilo yu. Yin̈ hune' tz'ayic tu', mac hex ayex bey Judea ti', chexelcan̈ cat heto iswi'la witz. 15Mac ayahto yiban̈ yatut xin matxahojab chiayti yik'alti hunu tzet ye tu'. 16Wal mac ayto xol ismunil, matxahojab chimeltzo yik'alti xil isk'ap yul yatut. 17¡Caw c'anch'an ebix ix ayxa tzet yehi, yeb ebix chito txutxwi niẍte yunin yin̈ hune' tiempohal tu'! 18K'anwe tet Comam Dios haxinwal maẍtaj yin̈ n̈abil chihul hune' tu'. 19Yuto caw chiec'ya' yanma anma yin̈ hune' tiempohal tu'. Huntek'an isya'tajil tu' maẍto hunelo chuhi yichitax iswatx'en Comam Dios hune' yul sat yiban̈k'inal ti', matxa xin bak'inal chuhi yet chilahwi yunicanoj. 20Ta mach chisc'otzba Comam Dios Jahawil yoj hune' tiempohal tu', machi hunu mac chicolchahi, wal xin chisc'otzba Comam yuto xahan ay yuninal Comam yu, huntek'an sic'bilxaloj. 21Yuxin ta ay mac chihalni teyet: “Ha' bey ti' ay naj Cristo lah,” maca ta “Ha' bey tu' ay naj lah,” ta ẍi, mach cheyayto yul heyanma. 22Yuto caw tx'i'al ebnaj lek'ti'wom chisbalico isba Cristohal. Aypaxo ebnaj chisbalico isba ischejabo Comam Dios cat isyeni ebnaj c'aybalc'ule yeb yechel yip naj matzwalil yun̈e issubcha anma yu ebnaj. Etza xin chisubchapaxo ebnaj sic'bilxa yu Comam Dios yu ebnaj. 23¡Caw cheyil heba xin! Yalan̈to chiwalnicanojan huntek'an ti' teyet, ẍi Comam. 24Hayet chilahwi yec'cano huntek'an isya'tajil tu', chik'ejholilo yoj tz'ayic, matxa chimujlipaxo ixahaw, 25cat istitc'ay ej tx'umel ay satcan̈, cat xin isbilipaxo sunil tzet ay yip ay yul satcan̈. 26Lahwi tu' cat yillax wulan xol moyan, Hanin Ak'bilintijan texol yu Comam Dios. Chinhulan yeb sunil isk'ak'al wipan, 27cat inchejni wángelan iscutxbanoco sunil mac sic'bilxalo wuhan yul sat yiban̈k'inal ti', sunil baytajtu'wal ay anma bay chiec' ebnaj. 28Txumwec'anab yin̈ te' higuera: Yet chielilo ischon isk'ab te' cat yul xaj te', cheyohtan̈eloj ta toxa chioc ha' n̈ab. 29Hac tu' ye huntek'an chiwalti'an. Hayet cheyilni yijni isba huntek'an tu', yilal heyohtan̈eni tato cawilxa yeti bay chinhulan. 30Yin̈ caw yeli chiwalan teyet; sunil huntek'an ti' chiyu yalan̈to maẍto chicam huntek'an anma ti'. 31Ha' satcan̈ yeb tx'o tx'otx' ti' chitan̈iloj, wal Intzoti'an xin mach chiec'to yet yijni isba tzet chala. 32Yaja' wal yin̈ tzet tz'ayical yeb tzet orahil chinhulan machi hunu mac ohtan̈e nitam ebnaj ángel ay yul satcan̈. Mach wohtapaxojan, Hanin Isc'ahol Comam Dios inti'an; wal xin han̈c'an̈e Inmaman ohtan̈e. 33Yuxin caw nann̈e heyu, majwan̈wej yuto mach heyohtajo tzet orahil chinhulan. 34Lahan haca' yet chito hunu naj yahaw n̈a yin̈ hunu isbel caw nahat. Yalan̈to maẍto chito naj chalnicano naj tzettaj munilal chu hunun ischejab, cat yalnicano naj tet naj tan̈em pulta tato caw chil naj isti' pulta tu'. 35Ebnaj chejab tu', mach yohtajo ebnaj bak'in chimeltzo naj yahaw n̈a, mach yohtajo ebnaj tato hayet yahbal ak'bal chul naj, maca yin̈ chuman ak'bal, maca yet chiok' no' chiyo, maca yet sahab sac'ayal. Haquexpax tu' mach heyohtajo bak'in chinhulan, yuxin majwahan̈wej, 36tajca tona nahul ayex cat wul lemnahan. 37Huntek'an ti', maẍn̈etaj teyet chiwalan, to chiwalpaxojan tet sunil anma. ¡Caw majwahan̈wej! ẍi Comam.

will be added

X\