SANTIAGO 2

1Hex wuẍtaj hex wanab', Comam Jahaw Jesucristo caw ay yelapnoj yeyi, yuxin ta yeli ẍja' yuluj co c'ul yin̈ Comam, caw yilal lahan ẍco xahann̈e jet-anmail. 2K'inaloj yamanon̈c'oj yet ch'ocapnoj hunuj mac caw k'alom, c'ul xilsk'ap aycoj yin̈, b'oj oro scolk'ab' aycoj, ẍjalni tet: Tz'on̈yan̈ sat hune' ẍila k'a' c'ul ti', ta con̈ chi. Yaja' lan̈antic'a tu', cat yocapnoj hunuj mac caw meb'a', b'ujb'entajn̈e xil sk'ap aycoj yin̈, ẍjalni tet: 3Canan̈can lin̈noj b'etu', mato ila' b'ay chach ay tz'on̈noj, ta con̈ chi tet, 4ta hactu' jalni, mat lahanoj ẍco yailn̈e jetb'i tu'. Yin̈ hactu' mat toholoj co nab'al. 5Hex wuẍtaj hex wanab', co txumuwejiloj, to sic'lecan Comam Dios anma meb'a' ay satyib'an̈k'inal ti', yun̈e k'a' scawxi sc'ul yin̈ Comam, cat yehojcoj b'ay ch'ocoj Comam Yahawoj, haca' xu yaltencan Comam tet mactaj ch'ocheni. 6Wal hex, che yah anma meb'a', che yiniloj spixan. Yaja' hunk'aan anma k'alom cheyoche tu', ha' chon̈ etani b'oj chon̈ tarnitoj tet naj alcal. 7Ha' heb'naj tu' xin, tx'oj stzotel yin̈ Comam Jesús, hune' mac b'ay ayon̈xacoj. 8Chalni Yum Comam Jahaw yin̈ hacti': Haca' he yan̈en he b'a, hactu' he xahann̈en mactaj aycoj he cawilal, ẍiayoj. Ta caw yeli, ẍco yijye hune' chejb'anile chal Comam tu' t'in̈an jecoj chaltu'. 9Yaja' ta mat lahanoj ẍco ẍahann̈e jetb'i, ẍjacoj co mul, b'oj chon̈ can tx'ojal tet schejb'anil Comam tu'. 10Waxan̈ca ẍco yijye sunil chejb'anil jalni, yaja' ta ayto hunuj chejb'anil ẍco man̈c'o, ẍtic'a jacoj co mul yin̈ sunil. 11Haxca ha' Comam xhalni: Machex ixli, mache say he winaj, ẍi, hatic'a Comam xhalni: Machex potx'wayi, ẍi. Yuxin waxan̈ca mach b'ay chon̈ ixli, yaja' ta ay mac ẍco potx'o, ẍtic'a jacoj co mul yin̈ schejb'anil Comam. 12Yuxin nann̈e ju yin̈ tzet ẍco tzote b'oj tzet ẍju, haxca yilal yil-laxoj tzet chon̈ tan̈oj yu Comam haca' yalni hune' chejb'anile chon̈ colni tu'. 13Ta mach stz'a' co c'ul yin̈ jet-anmail, maẍtic'a sk'ahul yilaxojtij cuenta jin̈, yaja' ta stz'a' co c'ul yin̈ jet-anmail, tz'aoj pax sc'ul Comam jin̈ yet ch'apnoj stz'ayicalil b'ay chila' Comam tzet chon̈ tan̈oj. 14Hex wuẍtaj hex wanab', ¿tzet chaliloj ta ayon̈ ẍjala to ẍja' yuluj co c'ul yin̈ Comam Dios, yaja' matzet c'ul ẍju yin̈ anma? ¿Tox chon̈ colchaoj ta ton̈e ẍhala' ta ẍcawxi co c'ul yin̈ Comam? Machoj. 15K'inaloj ay hunuj juẍtaj mato janab' mach xilsk'ap b'oj matzet slo yulb'al tz'ayic, 16yaja' ta ẍjal tet: Cuentan̈e hawu, c'ul chawute ha k'utxni ha b'a, wa'an̈ yin̈ c'ul, ta con̈ chi, yaja' matzet ẍja' tet, ¿tzet chaliloj hune' tu'? 17Hactu' ye ja'ni yuluj co c'ul. Matzet chaliloj ta mach ẍju hej tzetet c'ul smohoj. 18K'inaloj ay mac ẍhalni: Hachti' chawala ta chawa' yuluj ha c'ul yin̈ Comam Dios. Walinan, ẍwu hej tzetet c'ulan. Tinan̈ ye wetan to chawa' yuluj ha c'ul yin̈ Comam yaja' mach hunuj tzet c'ul chawu, cat hin yeni pax tawetan to ẍwa' yuluj hin c'ul yin̈ Comam yu hej tzetet c'ul ẍwuan, ẍimi. 19Ay mac ẍhalni ta cha' yuluj sc'ul to hune'n̈e Comam Dios aya. T'in̈an haca' yalni tu'. Hacpaxtu' yalni yespíritu naj matzwalil, yohtaj heb'naj to hune'n̈e Comam Dios aya, yaja' ẍk'uyc'un heb'naj yu xiwquilal. 20Ay haywan̈ex caw suc heya'ni. Txumwejc'anab'i tzet ẍwala' teyet ti'an. Ta ẍja' yuluj co c'ul yin̈ Comam Dios jalni, yaja' matzet c'ul ẍco watx'e', nab'an̈em ẍja' yuluj co c'ul. 21Tijab' yin̈ co c'ul tzet xa'le ya' jichmam Abraham. Xcan ya' c'ulal yul sat Comam Dios haxca syijye ya' ya'ni sc'ahol Isaac xahanb'alil. 22Xcawxi sc'ul ya' Abraham yin̈ Comam Dios, yuxin syijye ya' tzet xal Comam ta chu ya'. Yin̈ hactu' syeloj sb'a to lahan sb'elwi ya'ni ya' yuluj sc'ul b'oj syijyen ya' tzet xal Comam. Ha' syijyen ya', ha' stz'ajb'an ya'ni ya' yuluj sc'ul yin̈ Comam. 23Hactu' xu yijni sb'a tzet chal Yum Comam: Xa' ya' Abraham yuluj sc'ul yin̈ Comam Dios, yuxin xcan ya' c'ulal yul sat. Hactu' xu yalni Comam ya' yamigooj. 24Yuxin ixtan̈ yeyi, chon̈ can c'ulal yul sat Comam yu hej tzetet c'ul ẍju, matn̈etaj yu ja'ni yuluj co c'ul. 25Hactu' xa'le hune' ix tx'oj ye swi', Rahab sb'ih. Xcan ix c'ulal yul sat Comam haxca xa' ix b'ay ch'eh heb'naj schejab' ya' Josué, nanxa b'ehal b'ay xwab'aottoj heb'naj yu ix yun̈e mach stzab'lo heb'naj. 26Ta ẍjala ta ẍja' yuluj co c'ul yin̈ Comam yaja' matzet c'ul ẍco watx'e, nab'an̈em ẍhal yin̈ hactu'. Lahan mi ch'elcoj scawxob'al co c'ul tu' haca' hune' nimanile matxactoj yanma.


Copyright
Learn More

will be added

X\