HEBREOS 1

1Yet payxa tx'ihal el stzotel Comam Dios tet heb'ya' jichmam. Nanann̈e slow xu yalni yu heb'ya' schejab'lom. 2Yaja' yin̈xa slahub'al tz'ayic b'ay ayon̈ti', stzotel Comam jet yu Sc'ahol, hune' mac b'ay xa' Comam sunil tzetet. Yu Sc'ahol tu', swatx'e Comam sunil hantaj tzetet. 3Sc'ahol Comam syeb'anil smay sk'ak'al yeyi b'oj yechel Comam yin̈ tzet caw yeyi. Ha' i'n̈e sunil hej tzetet yu scan̈il ye stzoti'. Lawi yiniloj co mul, x'oc stz'on̈noj Comam yin̈ swatx' Comam Dios b'et satcan̈. 4Hactu' xu syelaxi to ec'b'alto ye Sc'ahol Comam sataj hej ángel, haxca ec'b'alto pax b'ihe ib'il yu Comam sataj b'ihe ib'il yu hej ángel tu'. 5¿Tox ay hunecoj xal Comam tet hunuj ángel haca' xu yalni tet Sc'ahol xin? Xalni Comam Dios tet Sc'ahol tu' yin̈ hacti': Hachti' hach hin C'aholan. Yin̈ hune' tz'ayic ti' cach wa' ohtajn̈elaxojan to hach hin C'aholan. Xalni pax Comam yin̈ Sc'ahol: Hin Smam najan, hin C'ahol pax najan. 6Chalnipaxoj yet xanitij Comam yiptzil Sc'ahol satyib'an̈k'inal ti': Hak'elaxojab' yu hej wángelan. 7Yin̈ tzet ye hej ángel chala: Haca' cak'e' ẍwute hej wángelan, haca' xaj k'a' k'a' ẍwute hej hin chejab'an. 8Wal yin̈ tzet ye Sc'ahol, chal Comam yin̈ hacti': Hach Dios Yahaw ach yin̈ stohb'alk'inal. Stoholal chu hawilnoj tzet ẍtan̈oj anma. 9Caw xawoche stoholal, xa yahni xtx'ojal, yuxin xcach hin sic'le, hayin ha Dios ti'an. Ec'b'al tzalalal xwa' tawet sataj hej hawetb'ian. 10Ay hune' Salmo b'ay chala: Hachti' Mam Wahaw, yettax x'ichitij xa t'in̈b'acan tx'otx'otx', swatx'eb'al ha k'ab' ye satcan̈. 11Sunil tu' ẍtan̈ojiloj, walach ayachn̈etic'a yin̈ stohb'alk'inal. Sunil tu' ẍlahwojiloj haca' xilk'ape. 12Cha pajniayoj haca' hune' k'ape caw xilxa. Cha hela' haca' shelni anma yin̈. Yaja' walach, hune'n̈etic'a haweyi, mach b'ak'in̈ chach tan̈ojiloj. 13Maẍtic'a hunecoj xal Comam tet hunuj yángel haca' xu yalni tet Sc'ahol: Ayan̈ tz'on̈noj yin̈ hin watx' ti'an, masanto ẍwa'a'coj mac aycoj sowal tawin̈ yalan̈ hawojan, ẍi Comam tet Sc'ahol tu'. 14Sunil hej ángel tu', espíritu ye schejab'oj Comam, ab'iltij yu scolwa jin̈ macon̈ lan̈an co chani co colb'anil


Copyright
Learn More

will be added

X\