COLOSENSES 4

1Hex yahaw munil hex, stoholal cheyu yin̈ he chejab'. Tijab' yin̈ he c'ul to chex ta'woj pax tet Comam Jahaw ay yul satcan̈. 2Mache b'ejcan heya'ni heyoración, itz'atn̈etic'a heyeyi, a'wej yuch'antioẍ tet Comam Dios. 3Cheya' pax heyoración jin̈an, haxin̈wal ch'oc Comam jetb'iojan yun̈e chu jalnic'oj tzet nab'il yu Comam Dios yin̈ Comam Cristo. Ha' hune' ti' x'a'lax johtajn̈e'. Yun̈e walnic'oj hune' ti'an yuxin ayincoj presuan. 4K'anwej tet Comam haxin̈wal chu walni hune' tzoti' tu' haca' caw yean. 5C'ulch'an cheyute he b'a yin̈ sat mac maẍtocoj yin̈ Comam. Mat nab'a'oj ayex. 6Yet chex tzotel b'oj anma tu', tzoti' c'ul cheyal b'oj, hunk'aan tzoti' mat tx'ojoj yoqui. B'oj hunxa, tz'ajan cheyute he c'ul he txumni tzet chu he pajtzen tzet chal hunun anma. 7Ya' juẍtaj Tíquico caw xahan ay wuan, ya' caw yijyom, b'oj xcolwa win̈ yin̈ stzoti' Comam Jahawan, ha' ya' ch'inojtoj tzoti' teyet tzet wecoj b'eti'an. 8Ẍwatoj ya' hex yila'an, yun̈e yak'locan̈ he c'ul yin̈ tzet chute ya' yalni jin̈an. 9Ẍto ya' Onésimo heyetcon̈ob' yin̈ ya', ya' juẍtaj caw ocheb'il, b'oj caw yijyom. Ha' heb'ya' ẍhalnoj teyet tzet jecoj b'eti'an. 10Ya' juẍtaj Aristarco wet presuwomalan, chatoj ya' he cawil, b'oj ya' Marcos yuẍtajto ya' Bernabé. Hexti' ayxa ab'ix teyet yin̈ ya' Marcos tu', ta ch'apni ya' hex yila', xahan cheyil ya'. 11Chapaxtoj ya' Jesús he cawil, ya' ẍhal-lax Justoal. Han̈c'a heb'ya' ti' xol mactaj ayxacoj yin̈ Comam xol heb'ya' wetcon̈ob' israelan, ẍcolwa win̈ yin̈ yalnic'oj tzoti' jocb'al yul sk'ab' Comam Diosan. Caw yak'lob'al hin c'ul ye heb'ya'an. 12Chapaxtoj ya' Epafras he cawil, hune' schejab' Comam Cristo Jesús ye ya'. Heyetcon̈ob' ya', ẍtic'a hex snatij ya' yin̈ yoración, yun̈e lin̈anexn̈etic'a, b'oj yun̈e tz'ajan chij sb'a b'aytet chal sc'ul Comam Dios teyin̈. 13Ẍwa' hin b'a yin̈ ya'an ta caw yeli to caw ayexcoj yin̈ sc'ul ya' b'oj heb'ya' ay yul con̈ob' Laodicea, b'oj yul con̈ob' Hierápolis. 14Ya' doctor Lucas caw ocheb'il, chapaxtoj ya' he cawil, b'oj ya' Demas. 15A'wej scawil heb'ya' juẍtaj janab' ay yul con̈ob' Laodicea. Cheya'nipax cawil sc'ul ya' Ninfa b'oj heb'ya' ayxacoj yin̈ Comam syamb'a sb'a yatut ya' tu'. 16Lawi heyilni hune' wum ti', awejtoj te' il-laxoj yul con̈ob' Laodicea tu'. Hactu' cheyutepaxoj, cheyilni pax hune' wum xwa'toj tet heb'ya'an. 17Halwej tet ya' Arquipo ta chitij ya' yanma syijyen munil ab'il tet yu Comam Jahaw. 18Hayin Pablo hin ti'an, hayin caw chin tz'ib'n̈etoj he cawil ti'an. Nawejtij to presu wean. Ayojab' sc'ulch'anil sc'ul Comam Dios teyet.


Copyright
Learn More

will be added

X\