HECHOS 25

1Ca'fi schani naj Festo gobernadoral yul con̈ob' Cesarea, xto naj yul con̈ob' Jerusalén. 2Yet ay naj b'etu', x'apni heb'naj swi'al yin̈ heb'naj sacerdote, b'oj heb'naj swi'con̈ob' xol anma israel, x'oc heb'naj a'wojc'ule yin̈ ya' Pablo. 3Lawitu' xk'ahxicoj heb'naj yin̈ sat naj Festo ta ch'ok' sc'ul naj yaniltij ya' Pablo cat yilaxtij ya' yul con̈ob' Jerusalén. Xal heb'naj hune' tu' yun̈e yocoj heb'naj smajnoj ya' yul b'eh cat spotx'noj heb'naj ya' yalni. 4Xta'wi naj: —Wal naj Pablo tu' presu ye naj Cesarea. Yaja' cab'e oxexan̈e b'ay chin meltzoan. 5Yuxin hato tu' ẍtoj heb'naj swi'con̈ob' win̈an. Ta ay smul naj, chu yalnoj heb'naj b'etu'. 6Ay mi waxajeb'oj mato lahun̈eb'oj tz'ayic ay naj Festo tu' xol heb'naj yul con̈ob' Jerusalén. Lawitu' xmeltzo naj yul con̈ob' Cesarea. Haxa hunxa tz'ayic, xto naj yul capiltu, xawten naj ya' Pablo. 7Ha' x'apni ya' yin̈ sat naj, x'oc hoynoj heb'naj israel yin̈ ya', heb'naj speto Jerusalén. Tx'ihal tzet shob'can̈ heb'naj yin̈ ya', yaja' mach hunuj tzet sye heb'naj ta yeli. 8Yaja' x'oc ya' scolo' sb'a, xalni ya': —Mach hunuj hin mul ẍwab'e wanicoj yin̈ sley heb'naj wetcon̈ob' israel ti'an, machca hin mul xwacoj yin̈ yatut Comam Diosan, machca hin mul xwacoj yul sat naj yahaw ay Romaan, 9Yaja' yun̈e scan naj Festo c'ulal yul sat heb'naj israel, sk'amb'e naj tet ya' Pablo: —Ta sje ha c'ul chach to Jerusalén, hat ch'ilaxoj tzet chach tan̈oj yin̈ hin satan. 10Xta'wi ya': —Hachti' hawohtaj to mach hunuj hin mul xwacoj yin̈ heb'naj wetcon̈ob' ti'an yuxin yin̈ sat naj yahaw ay Roma yet ay hin toan, haxca hatcachan b'etu' yet ay yil-laxi tzet chin tan̈ojan. 11Ta ay hin mul chin a'ni camojan, tox machu hin caman xin. Yaja' ta mach hin mul scawxecoj heb'naj wib'an̈an, mach mac chu hin yanicoj yul sk'ab' heb'najan. Yuxin chin k'antoj hin b'a tet naj yahaw ay Romaan, 12Ha' xab'en naj hune' tu', x'oc naj sk'umlanoj hunk'aanxa heb'naj yetb'i. Lawitu' xalni naj tet ya' Pablo: —Hach cha k'antoj ha b'a yin̈ sat naj yahaw ay Roma, yuxin hat chach wa'a'tojan. 13Ay xam hayeb'oj tz'ayic tu', x'apni naj rey Agripa yul con̈ob' Cesarea b'oj yixal Berenice, ya'a' scawil sc'ul naj Festo, haxca scha naj smunil gobernadoral. 14Yulb'al hayeb' tz'ayic x'ehcoj heb'jetb'i, x'oc naj Festo stzote' tet naj Agripa yin̈ ya' Pablo, xalni naj: —Yet xquin can sheleloj naj Félixan, scawxencan naj hune' naj chij Pablo yul presu. 15Yet xquin b'ey Jerusalénan, x'apni heb'naj swi'al yin̈ heb'naj sacerdote, b'oj heb'naj swi'con̈ob'. X'oc heb'naj a'wojc'ule yin̈ naj Pablo ti' wetan. Ay yala' heb'naj ta ẍwaliltojan ta ẍcam naj. 16Yuxin xwal tet heb'najan: Yaja' chal yul co ley hayon̈ romanoon̈ ti'an, ta mach ton̈e niman ẍjaliltojan ta ẍcam hunuj anma. Yilal schani sb'a naj ay smul tu' b'oj heb'naj ẍk'anni yin̈, haxin̈wal chu scolni sb'a naj b'ab'el, quin chi tet heb'najan. 17Yuxin ha' xhul heb'naj b'eti', mach xnahatilwi wuan. Haxa hunxa tz'ayic sab' xquin octoj yul capiltuan xwa'nitij naj Pablo tu'an. 18Ham walnian ta caw tx'ihal smul naj, yaja' tzet sk'an heb'naj yin̈ naj, matzet caw xiquiltaj xa' heb'naj smuluj naj. 19Han̈c'a ti' chal heb'naj to caw tx'oj chal naj yin̈ sreligión heb'naj. Xalni heb'naj to ay hune' naj Jesús sb'ih, xax cami, yaja' wal yalni naj Pablo, to itzitz naj. Hatcachan tu' smul naj xute heb'naj yalni. 20Mach xtxumcha wuan tzet ẍwute hin watx'en showal heb'najan, yuxin xin k'amb'e tet naj Pablo tu'an, ta sjetoj sc'ul naj Jerusalén hat ẍwatx'i hune' ti' b'etu'. 21Yaja' sk'an naj ta ha' naj yahaw ay Roma ẍwatx'eni. Yuxin xwalan ta ẍcan naj yul presu masanto yet chuuj wanojtoj naj tet naj yahaw b'et Roma tu'an., ẍi naj Festo tet naj Agripa 22Lawi yab'en naj Agripa tzet chal naj Festo, xalni naj: —Haquinan ẍwoche wab'e' tzet chal naj Pablo tu'an, ẍi naj. —Ta hactu', chawab'e' tzet chal naj hecal. 23Haxa hunxa tz'ayic x'octoj naj rey Agripa b'oj yixal Berenice yul despacho, caw nimej xiquiltaj xu yul heb'jetb'i. Ha'hun heb'naj yahaw yin̈ heb'naj soldado, b'oj heb'naj swi'con̈ob' ay b'etu'. Lawitu' xa'nitij naj Festo ya' Pablo. 24Yet ayxacoj ya' yin̈ sat heb'naj, xalni naj: —Mamin rey Agripa, b'oj hantaj hex yamanex b'eti', ha' naj ti' chal heb'naj israel ta caw ay smul. Hactu' xute heb'naj yalni wet Jerusalénan, b'oj hactu' xute heb'naj yalni b'eti'. Chilan chal heb'naj to yilal scam naj. 25Yaja' mach smul naj caw xiquiltaj ch'a'ni camoj xchalo wuan. Haxca sk'antoj sb'a naj yin̈ sat naj yahaw ay Roma, yun̈e yilni naj tzet ẍtan̈i, yuxin ẍwa'a'toj najan. 26Yaja' matzet chin tz'aj wala'ayoj yul te' hum ẍwatoj yumaloj naj tet naj yahaw tu'an. Yuxin ẍwa'tij naj yin̈ he satan b'oj yin̈ ha sat mamin Agripa. K'amb'ewej tet naj tinan̈ tzet chute naj yalni, ta ay hunuj smul naj c'uxan ẍnachatij, cheyal wetan, cat hin tz'ib'n̈enan, cat wanitoj tet naj yahaw tu'an. 27Haxca mach scha ẍwab'enan ta hacn̈e ti' chu wanitoj hunuj naj presuwoman, yilal chalayoj yul hum tzet smul naj.


Copyright
Learn More

will be added

X\