2 TESALONICENSES 2

1Tinan̈ hex wuẍtaj hex wanab, chijaltojan̈ heyabe' tzet chu yul Comam Jesucristo, yeb yet chon̈iscutxbanicoj. 2Chiwaltojan teyet machojab subutajo hexiwcan̈, yeb henani hunuxa tzet ye tu' ta chihallax teyet tato istiempohalxa yulbal Comam Jesucristo. Waxan̈ca chihallax teyet ta ay tzet illax yin̈ haca' wayique, maca hunuxa tzoti', maca hunu carta chiapni teyet hacojtam han̈on̈an̈ chijatojan̈ chihalni tato ayxayo istz'ayical yulbal Comam Jesucristo. 3Mach cheyak' subchaho heba, yuto yet yalan̈ato maẍto chihul Comam, ay hune' tiempohal bay tzetc'a mac chipaq'uico yin̈ Comam Dios, cat isyenican̈ isba hune' naj yahawil istx'ojal. Ha' hune' naj tu' yilal yalaxto naj yin̈ isya'tajil xol k'a k'a'. 4Ha' ton hune' naj tu' chiyican̈ isba cat yoc naj howal yin̈ huntek'an chihallax diosal, maca huntek'an bay chiyiyo isba anma. Chanic'to isba naj yul yatut Comam Dios cat yalni naj tato ha' naj caw dioscanoj. 5¿Tom matxa chitit hune' ti' yul hec'ul xin? Caw walan teyet yet ayinan texol. 6Yaja' heyohta mac chioc majno sata naj yun̈e mach chihul naj yalan̈to istiempohal bay halbilcano yu Comam Dios. 7Wal xin, chimunla naj yahawil istx'ojal yin̈ ewantajil xol anma tinan̈, cachanxan̈e xin chechma naj yilaxilo hune' mac mach chichahniti naj, cat yul lemna naj. 8Ha' to tu' xin chisyecan̈ isba naj yahawil istx'ojal tu', yaja' hayet chihul Comam Jesucristo yeb isk'ak'al yip cat isxuno camo Comam naj yahawil istx'ojal tu'. 9Naj Yahawil Istx'ojal tu', ha' yip naj matzwalil ayco yin̈ naj. Can̈ chute isba naj, caw ay tzet chi-la-iswatx'e naj, chic'ay isc'ul anma yilni. Chisyenipaxo naj huntek'an c'aybalc'ule yun̈e issubcha anma yu naj. 10Sunil yip ej istx'ojal chimunla yu naj yahawil istx'ojal tu', yun̈e yak'ni subchaho naj anma cat cam yetanto isba, cat istocano yin̈ isya'tajil. Yuto huntek'an anma tu' matxatic'a choche isc'ul ischab isyelal tzet chal Comam Dios, yuxin mach chischah iscolbanil tet Comam. 11Yu mach chischah anma isyelal Comam Dios, yuxin ton̈e chil Comam chiak'lax somchahoto isnabal cat yanito isba xol huntek'an lek'ti'al tu'. 12Hac tu' chub iscawxico ismul anma tu' yiban̈ yu machi yayto Istzoti' Comam Dios yul yanma, yu ec'na chocheto sunil istx'ojal. 13Hex wuẍtaj hex wanab, caw xahan ayex yu Comam Jesucristo. Yilal jak'nihan̈ yuch'andiosal teyin̈, yuto yet yalan̈tocanoj quexissic'nilo Comam yun̈e hecolchacano yu Comam Espíritu Santo, Comam quexpohnicanilo yeto Comam Dios, yeb yu heyanayto yul heyanma yin̈ isyelal. 14Yu hune' tu' yuxin quexyawte Comam, yu istzoti'al colbanile con̈ec'an̈ jala'c'ojan̈ teyet yuxin ay heyoc yin̈ issak'alil ayco yin̈ Comam Jesucristo. 15Yuxin hex wuẍtaj hex wanab, toholojab cheyute heba yin̈ Comam, mach chec'ayto cuybanile halbilcano teyet juhan̈ yeb cuybanile jatojan̈ teyet yul carta. 16Caw xahan ayon̈ yu Comam Jesucristo, yeb yu Comam Dios Mame, ha' chiak'ni yak'lobal janma yin̈ sunilbal tiempo. Chak'nipaxo hune' isc'ulch'anil jet bay chicawxi coc'ul. 17Ha'ojab Comam Dios chiak'ni yip heyanma cat quexislin̈bani, haxinwal c'ul tzet chewatx'e yul sat Comam yeb tzet cheyala.

will be added

X\