2 CORINTIOS 9

1Yin̈ ch'en yam melyu ch'ah tet heb'ya' jetb'i tzujanxa yin̈ Comam, mach yeẍtooj chin tz'ib'n̈etoj hunuj wum teyetan, 2haxca wohtajan ta sunil he c'ul chex colwayi. Sunil hin c'ulan chin tzoten tet heb'ya' ah Macedoniaan ta yettax hunb'i echmab'il heyu he colwa hex ay hex b'et Acaya tu'. Yuxin tx'ihal heb'ya' ay Macedonia x'oc yin̈ sc'ul scolwa yin̈ ch'en yam melyu ti'. 3Tinan̈, ẍwatoj hunk'aan heb'ya' juẍtaj ti' te xolan, yun̈e machin can lek'ti'al yin̈ hantaj tzet c'ul xax wal teyin̈ ti'an. Ha' ch'elicoj hune' tzet ẍwal ti'an yalan̈to che cutxb'ancan̈ ch'en, 4haxca taj ay heb'ya' ah Macedonia tzujan win̈an yet chin apnojan, tx'ixwub'al mi wetan ta maẍto ch'en ayc'oj heyu, haxca caw sunil co c'ulan quex jalni c'ulalan. Tx'ixwub'al pax teyet ta maẍto ch'en cutxan heyu. 5Yuxin ẍwalan ta ẍb'ab'itoj heb'ya' jetb'i ti' te xol, yun̈e scolwa heb'ya' teyin̈ he yamb'ancoj hune' ch'en melyu tx'ihal sb'isil halb'il heyu ta cheya'a. Wal tu' yet ch'apnoj stz'ayical, yamanxac'oj ch'en caw hex x'el yin̈ he c'ul cheya'ni. Haxca ta maẍto ch'en yet chon̈ apnojan haca'tic'a hayon̈ caw ẍco tejayoj ch'en teyin̈an. 6Cajxam yalni anma: Mac hanic'n̈e stz'unu, hanic'n̈e chi'a', mac tx'ihal stz'unu, tx'ihal chi'a'. 7Ja'a'wej hantaj ch'el yin̈ co c'ul ja'ni hununon̈, yocheb'al mat ya'oj yel ju, matca haca'oj chejb'il jub', haxca wal Comam Dios stzala Comam yin̈ mac tzalalal yeyi cha'ni yofrenda. 8Haxca ay scan̈il ye Comam ya'ni sunil hej tzetet c'ul jet, yun̈e matzet chon̈ mahlani, tx'ihal tzet ayon̈ yun̈e tzantzet ay jet chu co colwayi. 9Chal Yum Comam Dios: Mac mat echemoj chu ya'ni tet anma meb'a',Mach b'ak'in̈ snahuln̈e'laxojtoj. 10Ha' Comam Dios ch'a'ni ixim hin̈at tet naj ch'awalwi yun̈e ay tzet slo naj. Ha'tic'a Comam ch'a'noj pax jet tzet ẍja' jofrendaoj haca'tic'a lan̈an co tz'unni hunuj in̈at. Cha'noj pax Comam syaxil yib'an̈ co tz'unub' tu', yun̈e tx'ihalb'ojiloj yu hantaj sc'ulal ẍju. 11Haxca caw tx'ihal cheyia', caw tx'ihal chu heya'nojpaxoj, yuxin caw tx'ihal heb'ya' juẍtaj, janab' ch'a'noj yuch'antioẍ tet Comam Dios yet schanoj heb'ya' hantaj cheya'a'toj tet. 12Yet ẍjinojtoj hantaj cheya' tu' tet heb'ya'an, matoj ton̈e chon̈ colwa yin̈ hantaj ẍmahlan heb'ya'an, to ẍjiptze heb'ya' yin̈ ya'ni yuch'antioẍ tet Comam Dios yu tzet cheya' tet. 13Cha'a'paxcoj heb'ya' smay Comam Dios haxca lan̈an heyeniloj to yijyomex tet tzoti' c'ul yet Comam Cristo b'oj yu hantaj chex colwaoj haxca tx'ihal mac stz'a'ojtoj yin̈. 14B'oj hunxa, caw sunil sc'ul heb'ya' cha'noj heb'ya' yoración teyin̈, haxca tx'ihal sc'ulch'anil sc'ul Comam Dios sye teyet. 15Caw tx'ihalojab' yuch'antioẍ ẍja' tet Comam Dios yu hune' colb'anil sa jet. ¡Mach sb'ih hantaj sc'ulal!


Copyright
Learn More

will be added

X\