1 JUAN 4

1Hex xahan ay wu ti'an, ta ay heb'naj ch'ec' halnoj ta schejab' Comam Dios ye heb'naj, mat ton̈c'aoj cheya' yuluj he c'ul yin̈ tzet chal heb'naj. B'ab'el che pichiloj ta ha' Comam ẍchejni heb'naj. Haxca tx'ihal heb'naj lek'ti ch'ec'oj halnoj ta schejab'lom Comam ye heb'naj yalni. 2Ha ti' b'ay ẍco txumu ta aycoj Yespíritu Comam yin̈ heb'naj: Anma ye Comam Jesucristo yet x'ehc'oj satyib'an̈k'inal ti', ta ẍi heb'naj, waltu' aycoj Yespíritu Comam yin̈ heb'naj chaltu'. 3Yaja' ta mach sta'wecoj heb'naj hune' ti' yin̈ Comam Jesús, machcoj Yespíritu Comam yin̈ heb'naj, to yespíritu naj ẍpaq'uicoj yin̈ Comam Jesucristo aycoj yin̈ heb'naj. Hune' espíritu tu' xax heyab'e to chuluj, yaja' matoj b'ak'in̈to, to ayxac'oj satyib'an̈k'inal ti'. 4Hex xahan ay wu ti'an, hon̈ yet-xa Comam Dios, k'a' ec'b'alto yip Comam aycoj jin̈ sataj naj aycoj yin̈ anma ẍcajni Comam, yuxin xax ay heb'naj lek'ti' tu' ju. 5Heb'naj tu' yetb'i sb'a heb'naj b'oj mac ẍcajni Comam. Ha' tzet nab'il yu anma, ha' chal heb'naj, yuxin sak'al yab'entoj anma ẍcajwa yin̈ Comam tu' tzet chal heb'naj. 6Walon̈, hayon̈ ti' hon̈ yet-xa Comam Dios, yuxin mactaj xax ohtajn̈eniloj Comam, chab'etoj tzet ẍjala. Mactaj mat yetoj Comam, mach sje yab'e'toj tzet ẍjala. Hactu' chu johtajn̈eni mactaj aycoj Espíritu ẍalni st'in̈anil yin̈, b'oj mactaj aycoj espíritu ẍalni lek'tial yin̈. 7Hex xahan ay wu ti'an, jochewej co b'a hunun on̈, haxca yin̈ Comam Dios ẍtit jochen co b'a tu'. Ta ẍjoche co b'a hunun on̈, yuninalxa Comam je chaltu', caw johtajxa Comam. 8Ta mach ẍjoche co b'a, matto johtajoj Comam yin̈ hactu', haxca ẍtic'a yoche Comam anma. 9Ha' ti' b'ay sye Comam to chon̈ yoche, haxca xatij yiptzilch'an Sc'ahol satyib'an̈k'inal ti' ya'a' co k'inal mach stan̈b'al. 10Ixtan̈ yeyi ta yin̈ yanma Comam xtit hon̈ yocheni, haxca mat hayon̈oj b'ab'el xjoche Comam, to ha' Comam b'ab'el xcon̈ ocheni, xanitij Sc'ahol stohlanoj co mul. 11Hex xahan ay wu ti'an, ta hactu' hon̈ yochen Comam, yet aya hactu' jochen pax co b'a hununon̈. 12Waxan̈ca maẍto mac ch'ilni Comam hunecoj, yaja' ta ẍjoche co b'a hunun on̈, aycoj Comam jin̈ chaltu', b'elay k'a tz'ajan syeloj sb'a yanma Comam co xol. 13Johtaj ta ayon̈coj yin̈ Comam, b'oj aycoj jin̈ yu Yespíritu xa' jet. 14Haxca hayon̈ caw xjil Sc'ahol Comam Diosan, yuxin ẍjalan to ha' Comam Dios x'anitij Sc'ahol yu ya'ni scolb'anil anma ay satyib'an̈k'inal ti'. 15Mactaj ẍhalni: Comam Jesucristo Sc'ahol Comam Dios yeyi, ta ẍi, hunk'aan tu' aycoj yin̈ Comam, b'oj aycoj Comam yin̈. 16Hactu' chu johtajn̈eni b'oj ja'ni yuluj co c'ul to chon̈ yoche Comam.Haxca ẍtic'a yoche Comam anma, yuxin ta ẍjoche jet-anmail, ayon̈coj yin̈ Comam b'oj aycoj Comam jin̈. 17Haxca ẍtz'ajnacanoj syeni sb'a tzet yecoj yanma Comam jin̈, yuxin machon̈ xiwoj yet ch'apnoj stz'ayical yinitij Comam cuenta jin̈, yu haxca haca' xu yehc'oj Comam Jesucristo, hactu' chu jehc'oj satyib'an̈k'inal ti'. 18Yet ẍjochen Comam Dios, matzet tet chon̈ xiwi. To ha' jet, yet ẍjochen Comam yin̈ caw st'in̈anil, mach b'ay chaltij sb'a xiwquilal jin̈. Ta chon̈ xiwi, ixtan̈ yeyi to chon̈ nanonoj tzet chu ya'lax ec'oj ya' janma chaltu'. Yuxin ta ay mac ẍto xiwi, maẍto choche Comam yin̈ st'in̈anil. 19Hayon̈ ti' ẍjoche Comam haxca ha' Comam b'ab'el xcon̈ ocheni. 20Yaja' ta ẍjala: Hayin ti'an ẍwoche Comaman, ta con̈ chi, yaja' caj ẍjil jet-anmail, lek'ti'on̈ yin̈ hactu'. Haxca ta mach ẍjoche hune' jet-anmail ẍjilicoj yin̈, ¿tzet chu jochen Comam Dios mach ẍjilicoj yin̈? 21Ha' Comam Jesucristo x'a'ni chejb'anil jet. Ta ẍjoche Comam Dios, yilal jochen pax jet-anmail.


Copyright
Learn More

will be added

X\