1 CORINTIOS 5

1Xhul sk'umal b'eti ta ay hune' mac te xol xacoj smul, shunb'a sb'a b'oj yixal smam. Hune' mule x'oc te xol tu' caw xiquiltaj, hasta xol anma mat ohtajn̈eoj Comam Dios mach b'ay chu hactu'. 2Hexti' heyohtaj tzet xu hune' naj tu', yaja' caw can̈to heye heyab'en pax he b'a. Ta yeli caw c'ul hexxa, b'isc'ulalmi heye yu hune' tx'oj xu te xol tu'. Mac x'ayc'ay yin̈ hune' mule tu', yilal heyiniltoj te xol. 3Waxan̈ca machin b'etu'an, yaja' wanmaan aycoj te xol, yuxin xax waliltoj yib'an̈ hune' mac xacoj smul tu'an, 4ta yilal he yamb'an he b'a yin̈ sb'ih Comam Jesús, haca'tic'a ayinpaxcoj te xolan. Aypaxcoj Comam Jesús Jahaw heyetb'ioj yun̈e he watx'encanoj hune' tu'. 5Mak'b'il heyanicoj hune' naj tu' yul sk'ab' naj matzwalil, yun̈e yetan naj snimanil naj, haxin̈wal ẍcolchaoj yanma naj yet chuluj Comam Jahaw tu' hunecxa. 6Hexti' mat yetoj aya cheyacoj he may. Haxca ni'ann̈e yan̈al pan ch'oc xol hun tenan ixim harina, sunil ixim ẍk'uwi yu. 7Hactu' ye hune' mac yehn̈e yuni tx'ojal haca' heye yalan̈to, yilal he yiniloj hune' mac tu' texol yun̈e mach chex b'ak'lotoj yu. Yin̈ hactu' haca' ixim pan mach yan̈al ẍwalax yin̈ k'in̈ snab'aniltij scolb'anil heb'ya' israel cheyucanoj. Yin̈ caw yeli hactu' heyeyi, haxca ha' Comam Cristo xpotx'lax co xahanb'aloj yu yiniloj co mul. 8Yuxin yet ẍjek'tzen co nanitij scamical Comam, mat yin̈oj xtx'ojaloj ẍco natij haxca hunk'aan xtx'ojal tu' lahan b'oj ixim pan aycoj yan̈al. Yaja' ha' jet to yin̈ st'in̈anil ẍjal syelal, ta hactu' ẍjute lahan chon̈ elcoj haca' ixim pan machcoj yan̈al. 9Yul hune' wum xaxtic'a watoj teyetan, hat xwaltojan ta mache hunb'a he b'a b'oj mac ch'ixli, b'oj heb'ix sayni swinaj, 10mac ch'ochentoj tzet ay yetb'i, mac elk'om, mato mac ẍhak'en hej tioẍ. Yaja' mataj anma machcoj yin̈ Comam Dios xwalan, haxca ta ha' hunk'aan tu' ẍwalan, yilal mi heyeltoj yul satyib'an̈k'inal ti'. 11Machoj. To ha' mac chala to tzujanxa yin̈ Comam, yaja' yehn̈e yixli, yehn̈e sayni swinaj, ẍto yochetoj tzet ay yetb'i, ẍto shak'e hej tioẍ, ẍto yal k'umale, ẍto scamtze swi' yu te' uq'ue, ẍto elk'ani mato hunujxa tzet tx'oj chu, matxa che hunb'a he b'a b'oj, machex wa' b'oj. 12- 13Mat hayon̈oj ẍjila' tzet ẍtan̈oj anma mach'oc tz'ujnuj yin̈ Comam Dios, to ha' Comam ch'ilnoj tzet ẍtan̈oj. Ha' mac tzujanxacoj yin̈ Comam aycoj te xol, ha' hunk'aan tu' yet ay heyanicoj heyet yin̈. Yuxin iwejiltoj anma ahmul aycoj te xol tu'.


Copyright
Learn More

will be added

X\