SAN MATEO 1

1Ha' icham Abraham yeb naj rey David, ha' yichmam Comam Jesucristo. Hac ti' ye istxolal yichmam Comam haca' ti': 2Icham Abraham, ha' icham ismam naj Isaac, naj Isaac ha' naj ismam naj Jacob, naj Jacob, ha' naj ismam naj Jud'a yeb huntek'anxa yuẍtaj. 3Naj Jud'a, ha' naj ismam naj Fares yeb naj Zara, ha' xin ismi' ebnaj cawan̈ tu' ha' ton ix Tamar. Naj Fares ha' naj ismam naj Esrom, naj Esrom ha' naj ismam naj Aram. 4Naj Aram, ha' naj ismam naj Aminadab, naj Aminadab, ha' naj ismam naj Naas'on, naj Naas'on, ha' naj ismam naj Salm'on. 5Naj Salm'on, ha' naj ismam naj Booz, wal ismi' naj Booz, ha' ton ix Rahab. Naj Booz, ha' naj ismam naj Obed, wal ismi' naj Obed tu', ha' ton ix Rut. Naj Obed, ha' naj ismam naj Isa'i. 6Naj Isa'i, ha' naj ismam naj rey David. Haxa naj David, ha' naj ismam naj Salom'on, ismi' naj Salom'on tu' xin, ha' ton ix yixaltic'a naj Ur'ias yet yalan̈tocanoj. 7Wal naj Salom'on, ha' naj ismam naj Roboam, naj Roboam, ha' naj ismam naj Ab'ias, naj Ab'ias, ha' naj ismam naj Asa. 8Naj Asa, ha' naj ismam naj Josafat, naj Josafat ha' naj ismam naj Joram, naj Joram, ha' naj ismam naj Uz'ias. 9Naj Uz'ias, ha' naj ismam naj Jotam, naj Jotam, ha' naj ismam naj Acaz, naj Acaz ha' naj ismam naj Ezequ'ias. 10Naj Ezequ'ias, ha' naj ismam naj Manas'es, naj Manas'es, ha' naj ismam naj Am'on, naj Am'on ha' naj ismam naj Jos'ias. 11Naj Jos'ias, ha' naj ismam naj Jecon'ias yeb huntek'anxa yuẍtaj. Ha' yin̈ istiempohal naj Jecon'ias tu' ilaxto ebnaj Israel preso yul con̈ob Babilonia. 12Hayet yelti ebnaj yalan̈ yip Babilonia tu' xin ha' naj Jecon'ias, ha' naj ismam naj Salatiel, naj Salatiel, ha' naj ismam naj Zorobabel. 13Naj Zorobabel, ha' naj ismam naj Abiud, naj Abiud, ha' naj ismam naj Eliaquim, naj Eliaquim, ha' naj ismam naj Azor. 14Naj Azor, ha' naj ismam naj Sadoc, naj Sadoc ha' naj ismam naj Aquim, haxa naj Aquim, ha' naj ismam naj Eliud. 15Naj Eliud, ha' naj ismam naj Eleazar, naj Eleazar, ha' naj ismam naj Mat'an, haxa naj Mat'an, ha' naj ismam naj Jacob. 16Naj Jacob, ha' naj ismam naj Jos'e, naj Jos'e tu' ha' naj yichamil ix Mar'ia. Ix Mar'ia tu' ha' ix ismi' Comam Jes'us, ha' ton Comam Cristo. 17Wal xin ay can̈lahon̈wan̈ mame yin̈ istxolal yichmam Comam Jesucristo chiichiti yin̈ icham Abraham masanta yin̈ naj rey David. Tzujanilo yinta naj rey David tu' yichipaxti can̈lahon̈wan̈ mame istxolal yichmam Comam masanta yet yilaxto ebnaj Israel preso bey Babilonia. Tzujanxa yet yilaxto ebnaj Israel preso yul con̈ob Babilonia tu' yichipaxti can̈lahon̈wan̈xa ebnaj mame yin̈ istxolal yichmam Comam Jesucristo masanto yin̈ istiempohal yet ispitzc'a Comam. 18Hac ti' ye istzoti'al yin̈ yet ispitzc'a Comam Jesucristo. Wal ix Mar'ia tak'webilxa yu ix ismohyi yeb naj Jos'e, yaja' yet maẍto chiyik' isba, ispitzc'ati' nich'an unin yin̈ ix yu yip Comam Esp'iritu Santo. 19Wal naj Jos'e waxan̈ca caw yijem naj tet isley naj Mois'es, yaja' mach isje isc'ul naj isk'ana' yin̈ ix Mar'ia tu', yoc yin̈ isnabal naj isbejnicano ix yin̈ ewantajil. 20Hayet lan̈an yec' hune' tu' yin̈ isnabal naj, isyeni isba hune' y'angel Comam Dios tet naj yul iswayic; yalni naj 'angel tu' haca' ti': --Jos'e, hach titnajach yin̈ yuninal naj rey David, mach chinanon hac'ul hamohyi yeb ix Mar'ia, yuto ha' nich'an unin ijbilico yu ix yet Comam Esp'iritu Santo. 21Nich'an unin chipitzc'a tu', Jes'us chawaco isbihoj, yuto ha' naj chicolnilti yet con̈ob yalan̈ ismul, ẍi naj 'angel. 22Hac tu' yu yijni isba tzet yalcano Comam Dios tet hune' ischejab yet payat, yet istz'ibn̈encano haca' ti': 23Ay hune' ix k'opo maẍto hunu winaj chik'le, yaja' chipitzc'ati nich'an winaj unin yin̈ ix, nich'an unin chipitzc'a tu' Emanuel chiyij isbi, ẍiayoj. Emanuel, ha' chaliloj ayco Comam Dios coxol. 24Lahwi tu' yel iswayan̈ naj Jos'e, isyijen naj yin̈ tzet yal y'angel Comam Dios, ismohyi naj yeb ix Mar'ia. 25Yaja' mach ishunba isba masanto yet ispitzc'a nich'an yunin ix. Ha' nich'an unin pitzc'a tu' xin, Jes'us yaco naj isbihoj.

will be added

X\