TITO 3

1Muu inslawtiseek iwa ilaiwa/amér kon dír geerá múk aleesleemuú kooma, nee kudá' /uuruú kooma'a, nee ta iialooeesi nee tiwa amohhe'eesiya' umuúqo gadiyér hhooe. 2Inooín muu mukuwa daandeemo axweés, ala inooín masók a múk wayda nee oo hhó', nee umuúqo daqto masók a múk tsatsaa'arén dír muu sleémeerowo. 3Aáng atén sleeme a daktana, slám ilaiwa/ame a koomanaaká. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee ngiri aahhaán. 4Ala qoomár hhooeemaá Mungú Ba/amusmoorén kiwa geehhooeés, nee sla'aarirós, 5inós atén tiri ba/amís. Ala gár tisa ba/amís a gídaabaheeká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó', 6oo yaariír, kudá' naa atén i ku'uús, ar loohír Yesu Kristo, Ba/amusmoorén. 7Tina gan'amuuse tleéhh as gurtleemuuwós, nee atén tina aaluusér slafíngw alhhe'eesay wásl tleéhh, adoodár haraxu'utirén i kat. 8Tí sleémeero ar naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii' ki slai, tlehhema'aá hho' kiwa tlehhiiti. Adoorí ka hhoo' nee slám i gídaabár koón dír muko. 9Ala kuúng ti paratl nee muruuduú dakti'iima, kudá' tlaampa'aamisuú huwahuúw, nee faarór digir wakeetíngw tlahhi'iiwo, nee gila. Slám ti paratl nee tlaampa'amisuú daanduú hara'aya. Asma muruuwí alee/iisoó i huuwi i kaahh, nee slám gídaabár i kon i káhh. 10Heé partlór huwahuúw bir deer, naanaaqeek har geeraawo, tam sagaáwa tsár sleeme. Ala bira sií', sieek. 11Asma a xú' gídaabá heé adoosíng a heé aa hhitiruut. I tlakweemaá tlehhiit, nee slám gi xuu'. 12Qoomár Artema laqaá Tikiko burngwa ya/aáw amoorók i alé, ilakaaharu tleehheek ar niwa amor'eé' hardat baraá gixsár Nikapoli. Asma aníng gár ni slaa' an hotángw áw didá' i alé qoomár tsaaqwaro. 13Sena, kudá' hara'ayár xuú', nee Apolo alee/iiseek ar ilakaaharu baraá aaii'ine, matawa gaa /aarúy. 14Nee mukrén sleeme gár kuwa hariím masók gan intsaahh ar tlehhema'aá hho' kiwa tleehhi didaádá' kiwa hariím, as matawa tawó hoót baraá slafingw'ine. 15Muu sleémeero oo nee aníng dinkwa kuungá' nu intsihhiimiis. Mulqeerén tidá' atén ti slaa' ar baraá haratlintaao intsihhiiseek. Mungú kuungá' sleémeero nu tsuuqi.

will be added

X\