GEEHHOEEMAÁ 16

1Aníng afór ur ngiri axaás baraá Doó Mungú i alé. Afoorí malaykeedá' faanqw gari beér, “Tlawsé', slooqi'iidá' faanqw awa buhhtaá Mungú gawaá daanduú yaamu ti ku'use'.” 2Malaykamoó geera iri tláy, slooqomoowós guri ku'uús gawaá daanduú yaamuú i alé. Mukdá' layár makito'oodá' ga koóm, nee oo murslaaqatuuwós kudá' gwa i tumbarara'amiit, mukwí um'aá tlakw nguri ayé', awa slahhe'eemisá'. 3Malaykamoó tsár slooqomoowós guri ku'uús baraá tlawi. Nee ma'aá tlawi niri tseere tleehhitiyé' adór tseerér heé aa gwaa'. Nee mura' sleémeero kudaádá' slaáf oo baraá tlawi iri qaátl. 4Malaykamoó tám slooqomoowós guri ku'uús baraá yau nee baraá kutlaay. Ma'aay niri tseere tleehhitiyé'. 5Aníng malaykamooduú aleesleemuú koóm daanduú ma'aaywo nguri axaás i kaahi, “Kuúsíng hhoohhoó', kuúng a kudá' dáw nee a kudá' qaroó daadáw. Kuúng a gan'amuú koón asma kuúng kwasleemár adoorí kawa tléhh. 6Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariím dir'ine.” 7Aluuwo afoo ngiri axaás ar baraá meésár ilahhooár daahh, i kat, “Aakoó Mungú, Aleesleemusmoó mura' sleemeero, sakwasleemarók ar ló' nee i gan'amuú koón.” 8Malaykamoó tsiyáhh slooqomoowós guri ku'uús gawaá daanduú tsee/amaá i alé. Tsee/amaá ya/aám gari sláy ar muu nguwa da/a/an ar asla. 9Muu kuri da/a/án ar da/a/ángw urén, ala tam adoorihe inooín umuú Mungú nguri /oslisliné', kudá' aleesleemuú koóm daanduú muxtaarihe, nee slám taa hhu'u'unká, nee Mungú kwa xirfuú i haniisiiká. 10Malaykamoó kooán slooqomoowós guri ku'uús gawaá daanduú kitangwduú aleesleemu oo makito'oodá'. Waawuti'iimarós kari giwtír i kwaáhh. Muu tsifreeri'ín giri kikiíhh as slahha'amu, 11Mungú oo gawaá doori kuri /ooslislín as slahha'amuuín kudá', nee as um'idá' naa slaslayé', slám tlehhemi'ii'ín kudá' kaa hhu'u'unká. 12Malaykamoó lahhoó' slooqomoowós guri ku'uús baraá yaaeedá' ur ar ta babay Frati. Ma'aá yaaeedá' niri kahiyé', as waawituú da/aá daáhh loohir'ín kawa tleehhi. 13Aluuwo qeeruú tám oo slasla/arén nguri ár, oo slaqás nee amaxupai. Qeeruuwí amór i dahhi a baraá afkwá dayshimoodá' úr, nee baraá afkwá makito'oodá' nee baraá afkwá aarusmooduú lama. 14Qeeruuwí a qeeruú neetlaame, kudá' layár tlehhiít. Inooín tan tlatláy amór waawitá sleémeero oo baraá yaamu, as nguwa dinkwár i haragaasi as slaqwara. Slaqwararí i tleehharut a baalaadá' ur ar Mungú Aleesleemusmoó mura' sleemeero. 15“Qaytsiít, aníng ni hardáh adór fisusmoó ar alé. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.” 16Qeeruudá' waawitádá' guri burumbuúr didá' ta babay Harmagedoni tsifrír Ebraníaro. 17Malaykamoó faanqw slooqomoowós guri gawtí tsifaaqaás. Afór ur niri baraá Doó Mungú dáhh baraá kitangwduú aleesleemu. Afoorí iri ó', “Aa hhooeér tleehharuutaro.” 18Qoomaadár kilae mankari niri hardát, nee xuuraai nee kududuhaay. Nee kunseelír ur niri hardát. Kunseelirí ka ló'wa ur, tam kunseelír ur ar adór tí naa baloó ti'itiká iimír hee kuwa tleehhi baraaká' yaamuuwo. 19Gixsadá' ur kari qasmiís badu tám, nee gixsadaá xoordu niri yaamí paahhiyé'. Mungú gixsadár Babeli, tidá' ur, gari insláy, gari xooslmoó wahángw i haniís oo buhhtaawós. 20Umuúqo yaamaá kaahaar awa tla/ángw tlawtí diriiá' niri ilaá wa qwaariyé', nee tlom'i sleeme kari ariiká. 21Tluwoó tlaa/e oo úr ló'wa ale oo gawaá dooraá daáhh, iri tluúw gawaá múk i alé. Tlaa/aá tluwaywí iiloeemaawo a adór kilór mibeeraá kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur kángw kilá' wa ale.

will be added

X\