1 TIMOTEO 1

1Ánuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu haraxu'utirén. 2Barwaárí ngina gooiím amoorók Timoteo, garmaaeé' oo kilá' oo baraá haratlintaao. Mungú Baabá nee Aakoorén Kristo Yesu kuungá' nu tsuuqi, nee nu gurtlay, nee nu waydí haniisi. 3Qoomár án niwa Makedoniár kaw, án kuúng una firiím gídaabá Efeso awa hooteek. Hám daxta un malé firiím. Asma kuúng muu bahh'alé kuwa hara'ayiyiin as intsaahhasár hatlá' mingiwa huúw. 4Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao. 5Gár hara'ayaarí ngisa haniís masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muunaá, nee haratlintaaór waaqoodár koomaaká. 6Ala muu bahh'alé baraá loohirí ganaa' gaa geexáy, inslawoó muu kudá' gídaabár koomaaká kuri eehaár. 7Inooín ka slaa' tawa intsaahhatuusér hara'ayár Mungú. Ala inooín awa kilá' axweesanaydá' ta axweesi ku xuuiiká, nee slám inslawaydá' ta aleekal/an ku tsatsahhanká. 8A xuaán gídaabá hara'aya ka hhoo', hee bir ngir gadiyuus ar loohír ganaa'. 9Gár atén tiwa hariím masók an tsaahhaán gídaabá hara'aya kaa qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'. 10Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' múk fisiisiím nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká. 11Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú iidíguú xirfuú Mungú kudá' tsuuqaá koóm. 12Aníng Kristo Yesu Aakoorén un sluufimiís, kudá' aníng iga /uuruú i haniis. Slám un sluufimiís asma aníng ina harafaár tawa heé inkihhimuúa koóm, iri qaás baraá gadiyeérós i alé, 13aniídá' aáng geeraawo inós ugwa /ooslaasliim, nee ugwa gusiisiim, nee ugwa slahhe'eemiis. Ala Mungú aníng ina gurtláy, asma tí sleémeero ana tleéhh as xuawasler'eé'. Asma qoomaadae aníng Yesu ugwa haratlinti'iiká. 14Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo. 15Kaangwí a oo ló', oo hariím haratlintaaooro, slám i ló'wa harín ya/aamaro gídaabá Kristo Yesu nina hardáh baraaká' yaamí alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo. 16Gawaá adoorihe gaarí an gár án gurtleemu ngusa sláw, as Yesu Kristo qiqitliingós nguwa laqán dir'eé' alé, aníng tawa heé geera, as aníng niwa slaqsaay tleehhiit dír múk hatlá' oo aluú wa haratlintiia, nee slafíngw alhhe'eesay wásl kuwa slay. 17Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin. 18Timoteo, garmaaeé', án hara'ayaarí ngi kuúng i haniís asma nee aaru'uumadá' ti slaslayá', tidá' taa daanduuwók i oó' geerí alé. Aaru'uumadá' eehareek, nee slaqwaradá' hho' ka slaqw. 19Mungú haratlintatieek, nee afoodá' hho' ar baraá muunuúwók kawa eeharahat. Kumiít baraá haratlintaaooroge nee afoodá' hho' ar baraá muunuúwók na iiár i qamimeek. Asma mukko i deer oo afór hho' ar baraá muner'ín gaa sii', haratlintaaor'ín dukuutse gari sleér, kari qwaareés. 20Baraá tla/angw'ine Himenayo nee Iskanda i dayá'. Ala inooín aníng iga paraátl amór Neetlángw i alé, as ngiwa tsaahhiya' Mungú mukuwa /ooslislín.

will be added

X\