1 YOHANA 1

1Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén. 2Slafiingwí nina geehhooúy, atén kway araán, slám ngun dirhúng i lamabu'uumaán nee ngun alki/iitaán slafingwdá' alhhe'eesay wásl, kudá' geeraawo amór Mungú Baabá i dirií', tinda amoorén i geehhooutís. 3Tidá' taa araán nee taa axaasaán ngin dirhúng i alki/iitaán, asma kuungá' niwa haragwa'a' diirén, dír dinku'uumaarén, tidá' ar dinkwa nee Baabá, nee Garmaawós Yesu Kristo. 4Tí ngin amorhúng i gooiimaán asma qwal/amaayeerén iwa bo/. 5Iidíguú taa dirós wa axaasaán oo ni kuungá' i alki/iitaan an kwí, Mungú a gwa/ateema, tam giwtír baraawose dáw i káhh. 6Atén bar kaahaan a al dinku'uumiisaán nee Mungú, amorqae atén a baraá giwtír wa kumiitaán, daqaní a lama an kaahaán, nee adór ló' a tlehhiitanaaká. 7Atén bar baraá gwa/atamaayér wa kumiitaán, adoodár inós ir baraá gwa/atamaayér i dirii'i, daqaní atén an kilootén dinku'uumisaán, nee tseerér Garmaawós Yesu, tlakweemaarén sleémeero gin hamátl. 8Atén bar kaahaan tlakweema i koomanaaká, ti kilootén al/agiimaán, tam looeema baraarene i kahhiyá'. 9Tlakweemaarén bira hhu'u'uumaán, inós an kudá' axweesantós boo/eemiís, nee kudá' gan'amuú koóm, inós tlakweemaarén aqo gin gurtláy, tiri hamaatl muruú tlákw sleémeero kudá' ta tlehhahhitaana. 10Atén bar kaahaan tlakweema iga tleehhaniiká, inós una lamusmo tleehhaán, tam axweesantós i káhh baraarene.

will be added

X\