Psalms 138

1Apu Dios, nakka mansalamat ni hi-gam di puhuk niyad nemnem ku. Ey ia-appeh ku hu penaydayaw kun hi-gam di hinanggaddan edum ni dios. 2Nakka ihhanggad appit ni Tempol mu ni nanyuungngak ni menaydayaw ni hi-gam, tep eleg melullumman hu impeminhed mu niya kamannananeng hu muka pemaptek ni tutu-um. Ey impeang-ang mu e hi-gam hu keta-ta-geyyan niya kakkayyagud ni peteg hu tugun mu. 3Nandasallak ey hinumang mu et petuled muwak. 4Emin idalli hu papatul di puyek ey daydayawen daka, tep dedngelen dallin emin hu tugun mu. 5Em, i-ena-appeh dalli hu meippanggep ni impahpahding mu niya et-eteng ni dayaw mu. 6Anin ni eta-gey kan peteg e Apu Dios et muka ipapaptek ida hu tutu-un daka pebabah hu annel da. Nem eleg mudda hengnguda hu tutu-un kamampahhiyya. 7Niya anin ni liktuben da-ak idan buhul ku et wada kan umbaddang et nakka meihwang di hipan lawah ni pinhed dan pehding ni hi-gak, tep hi-gam hu kamekihhanggaddan nunman ni mangkabunget ni buhul ku et mudda kaapputa tep et-eteng kabaelan mu. 8Apu Dios, hi-gam hu kamengippeamnun emin ni pinhed mun meippahding ni hi-gak, tep kamannananeng hu impeminhed mu. Et humman hu, entan anhan tuwak iwalleng, tep hi-gam hu nanletun hi-gak.

will be added

X\