Psalms 137

1Yan eman ni wada kamid gilig idan wangwang di Babilon ey yimmudung kami et mannannangngih kami, tep ninemnem mi hu bebley mid Zion. 2Nan-ihabley midda hu gitalah middad keyew ni willow, 3tep eleg mi pinhed ni ia-appehan ida hu buhul min nampap ni hi-gami, anin ni dakemi kapillitan man-a-appeh. Dakemi kaheneghegnudan kanday “Ia-appehi dakemi meippanggep ni bebley yud Zion.” 4Nem hipa inna-nu min mengia-appeh ni penaydayaw min Apu Dios eyad bebley idan edum ni tutu-u? 5Anin ew katteg ni meendi hu laing kun manggitalah, hedin liwwanen ku hu Jerusalem e Zion e bebley mi. 6Niya anin ni meendi hu laing kun man-a-appeh, hedin liwwanen ku hu Jerusalem niya beken law ni ya bebley mid Jerusalem hu kamengippeamleng ni hi-gak. 7Apu Dios, entan anhan tu liwwan hu impahding idan helag Edom eman ni nanggepan dan Jerusalem et mantetekkuk ida e kanday “Pakabbahbah tayu eya bebley!” 8Hi-gayuddan tutu-ud Babilon ey mekabbahbah kayulli. Man-am-amleng ali hu tuun mengibleh ni impahding yun hi-gami. 9Em, man-am-amleng ali hu memilliw ni u-ungnga yu et itangnging tud batu.

will be added

X\