Psalms 136

1Pansalamat itsun Apu Dios tep ya kakinayyaggud tu. Ya impeminhed tu ey kamannananeng ni ingganah. 2Pansalamat itsun Apu Dios e Dios ni emin ni dios. Ya impeminhed tu ey kamannananeng ni ingganah. 3Pansalamat itsun Apu Dios e Ap-apun emin ni aap-apu. Ya impeminhed tu ey kamannananeng ni ingganah. 4Pansalamat itsun hi-gatu, tep ebuh tun han-ipahding tu hu kaketngain tuu. Ya impeminhed tu ey kamannananeng ni ingganah. 5Lintu tu hu kabunyan tep ya laing tu. Ya impeminhed tu ey kamannananeng ni ingganah. 6Pansalamat itsun hi-gatu, tep intuun tu hu puyek di dalinat ni baybay. Ya impeminhed tu ey kamannananeng ni ingganah. 7Pansalamat itsun hi-gatu, tep hi-gatu nanletun aggew niya bulan. Ya impeminhed tu ey kamannananeng ni ingganah. 8Impambalin tu hu aggew ni heni ap-apun kawwalwal. Ya impeminhed tu ey kamannananeng ni ingganah. 9Impambalin tu hu bulan niyadda bittuwen ni heni ap-apun hileng. Ya impeminhed tu ey kamannananeng ni ingganah. 10Pintey tudda hu pengulwan ni u-ungngaddan iEgypt. Ya impeminhed tu ey kamannananeng ni ingganah. 11Impangulu tudda hu tutu-u tun helag Israel et hi-yanen da hu bebley di Egypt. Ya impeminhed tu ey kamannananeng ni ingganah. 12Inusal tu hu et-eteng ni kabaelan tun nengipenguluan tun hi-gadan neni-yanan dan nunman e bebley. Ya impeminhed tu ey kamannananeng ni ingganah. 13Pansalamat itsun hi-gatu tep ginadwa tu hu danum di gawwan Madlang ni Baybay et pandalnan idan tuu tu eman ni nan-agwatan dadman. Ya impeminhed tu ey kamannananeng ni ingganah. 15Nem inenud tudda hu sindalun iEgypt niyadda etan patul da. Ya impeminhed tu ey kamannananeng ni ingganah. 16Pansalamat itsun hi-gatu, tep hi-gatu nengipenguluddan tutu-u tun helag Israel di desert. Ya impeminhed tu ey kamannananeng ni ingganah. 17Pansalamat itsun hi-gatu tep pintey tudda hu et-eteng kabaelan dan papatul. Ya impeminhed tu ey kamannananeng ni ingganah. 18Anin ida etan ni nandingngel hu ngangaddan dan patul et pintey tudda. Ya impeminhed tu ey kamannananeng ni ingganah. 19Humman idan patul ey hi Sihon e patul di Amor, Ya impeminhed tu ey kamannananeng ni ingganah. 20et hi Og e patul di Bashan. Ya impeminhed tu ey kamannananeng ni ingganah. 21Ya puyek idan nunman e patul ey indawat tuddan tuu tu. Ya impeminhed tu ey kamannananeng ni ingganah. 22Em, indawat tuddan bega-en tun helag Israel hu puyek idan nunman ni patul. Ya impeminhed tu ey kamannananeng ni ingganah. 23Eleg daitsu liwwanen eman ni neapputan tayu. Ya impeminhed tu ey kamannananeng ni ingganah. 24Daitsu kabaddangi et itsu kameihwang di buhul tayu. Ya impeminhed tu ey kamannananeng ni ingganah. 25Tuka iddawat hu kennen idan emin ni mategun lintu tu. Ya impeminhed tu ey kamannananeng ni ingganah. 26Emin itsu ey pansalamat itsun hi-gatu e Dios di kabunyan. Ya impeminhed tu ey kamannananeng ni ingganah.

will be added

X\