Psalms 114

1Yan eman ni inenamutan idan helag Israel ni neni-yanan dan Egypt e nekibebleyan da, 2ey pinilin Apu Dios hu Judah ni penaydayawan dan hi-gatu niya pinili tu hu Israel ni pan-ap-apuan tu. 3Inang-ang etan ni Madlang ni Baybay ida tutu-un Apu Dios ey imma-allaw ma-lat wada dellanen da. Hanniman dama etan Wangwang e Jordan e nealay nengintetedduk. 4Hedin yadda dama duduntug ey henidda lakkitun gelding niya impah ni kalneroh ni kamampaypaytuk. 5Hipa neipahding e Madlang ni Baybay et endi maptek ey kaimma-allaw? Ey kele dama nealay kanatduk e Wangwang e Jordan? 6Niya hipa dama neipahding ni hi-gayun duduntug et heni kayu lakkitun gelding niya impah ni kalneroh ni kamampaypaytuk? 7Hi-gam e puyek, panggegeygey kad hinanggan Ap-apu e Dios nan Jacob. 8Humman ni Dios hu nengipeukat ni dakel ni danum di batu et maweda hu kulukul niya lebeng di gawwan desert.


Copyrighted Material
Learn More

will be added

X\