Job 13

1Inang-ang kudda niya dingngel kudda lan nunman emin eya in-inhel yu. Ey nakka ewwasin emin e heni-ak ni hi-gayu, niya dakel dama inamtak. Kaw kanyu nem kulang inamtak nem hi-gayu? 3Ya pinhed kun pekihhummangan ey hi Apu Dios e kabaelan tun emin, beken ni hi-gayu. Pinhed kun hi-gatu mismuh hu pengibgaak ni pinhed kun ibbaga. 4Hedin hi-gayu man itek hu yuka e-e-helan meippanggep ni hi-gak. Heni kayuddan kaman-eggah nem endi daka eggahi, anin ew ngun hakey. 5Heballi um-i-ineng kayu et eleg meamta e endi inamta yu. 6Pandengel kayu et ehelek hu pinhed kun e-helen. 7Kele maitek kayu? Kaw kanyu nem dammutun i-ehneng yu hi Apu Dios ni penghelan yun itek? 8Ey kaw hi-gayu hu mengi-ehneng ni hi-gatud kasuh tu? 9Kaw makulug makkaw ni endi hu ang-angen Apu Dios ni lawah ni hi-gayu? Ey kaw kanyu nem dammutun i-ittekan yu hi Apu Dios henin yuka pehding ni tutu-u? 10Anin ni ittalu yud nemnem yu hu lawah ni elaw yu et ibbunget dakeyu damengu. 11Kaw eleg kayu umtakut ni kasina-gey nan Apu Dios? 12Endi silbin yuka e-e-hela. Heni dep-ul e endi silbitu niya heni bangan pula e kabbabahbah. 13I-ineng kayu et hi-gak dama umhel. Ngenamungngak, anin ni hipa meippahding ni hi-gak. 14Nandaddannak di hipan meippahding ni hi-gak. 15Anin ni petteyen tuwak Apu Dios ni nanlilihan kun hi-gatu. Ey anin ni endi namnamah kun mebaddangannak nemet ehelen ku lilih kun hi-gatu. 16Nem nakka medinnel e meihwangngak tep inamtak e endi bahul ku, tep gullat ni wada bahul ku et eleg mabalin ni nak mekihhanggan hi-gatu. 17Pakadngel yu eya e-helek. 18Naka-iddaddan ku e-helen kun hi-gatu ey inamtak e neiptekkak. 19Kaw wada kahing eyan inhel ku? Hedin wada hemmaken yun kei-ang-angan tu e neihalla-ak ey anin ni pemeggak i-ineng ingganah metteyyak.” 20Immehel mewan hi Job ey kantuy “Apu Dios, dewwan ebuh ibbagak ni hi-gam ey hedin tetbalem, ey e-helen kun emin et endi nak ittalun hi-gam. 21Isiked mu anhan ni mengastigun hi-gak niya entan tuwak petattakut. 22Hi-gam pamengulun um-ehel ni hi-gak et humangek, winu iebulut mun um-ehellak et humangem. 23Kaw hipa nanliwatak niya hipa lawah ni impahding ku? 24Kele muwak inwalleng, ey kele heni buhul muwak ni muka pehding ni hi-gak? 25Ey kele muwak katennattakkuta ey endi damengu silbik tep heni-ak bulung ni keyew ni kameihhuyyahuyyaw? Niya kele heni muwak kapeppepduga ey heni-ak nema-ganan ni dagemi ebuh. 26Dakel hu lawah ni muka pebehhul ni hi-gak, anin idan impahding kun keu-ungngak. 27Heni mu binangkiling hu helik niya muka hellipat-i keglidan ku, anin ya gassin ku. 28Mambabbabballak ni mettey e heni-ak keyew ni kamangkedunnut niya heni-ak luput ni kinelakelat ni ballaing.

will be added

X\