Genesis 6

1Dimmakkel law hu tuud puyek ey wadadda hu kakat-agun bibi-i. Et yan eman ni nenang-angan idan wadad kabunyan idan nunman ni bibi-id puyek ey nan-iahwadadda pinhed da. 3Kan Apu Dios ey “Nemahhig law hu kalinawah idan tuu. Et humman hu, wada pappeg ni pengan-anusan ni Ispirituh kun hi-gada. Iddawtan kuddan ebuh ni hanggatut et dewampulun toon ni pantuttuyyuan dan liwat da.” 4Humman newadaan ni etta-teng ni tuu eyad puyek ni nahlag ida etan ni bibi-in inahwaddan etan ni nalpud kabunyan. Yadda helag da ey et-eteng kabaelan da et mukun nandingngel ida. 5Yan nenang-angan Apu Dios ni kalinawah ni emin ni tuud puyek e lawah ni emin hu wadad nemnem dan ingganah, 6ey nemahhig hu tuttuyyu tun nanletuan tun hi-gada. 7Et mukun kan law Apu Dios ey “Bahbahen ku ew emin hu tuun lintuk et meendidda, anin idan animal ni kamandinallan ey kamambinulluh, niyadda sisit, tep nakka mantuttuyyun nanletuan kun hi-gada.” 8Nem kaum-amleng hi Apu Dios nan Noah tep kayyaggud hu elaw tu. 9Huyya hu meippanggep nan Noah. Wada tellun u-ungnga tu e hi Shem, hi Ham, et hi Japet. Hi Noah ey kayyaggud ni tuu. Yan nunman ni ketaggu tu ey hi-gatun ebuh hu kayyaggud nekidagyuman tun Apu Dios. 11Nem yadda edum ni tuu ey nemahhig hu kalinewah da. Mabunget ida niya mapetey ida. 12Kaang-ang-angan Apu Dios ey lawah eya puyek ni pambebleyan tep lawah idan emin hu tutu-u. 13Et kantun Noah ey “Bahbahen ku ew hu puyek et mepappeg hu biyag idan tuu tep ay lawah idan peteg e ida kamampapatey. 14Et humman hu, kapya kan bapor e ya kayyaggud ni keyew hu ussalen mu et kuwakuwaltuhen mu. Pudlitim ni pukut ida nambattanan ni dingding ma-lat endi an umhegep ni danum. 15Ya kadinukkey tu ey epat ni gatut et neliman piyeh. Ya kalinakkeb tu ey nepitu et liman piyeh. Ya kasina-gey tu ey na-pat et liman piyeh. 16Atepim, nem entan tu pakaddingding hu hampulut walun pulgadah di nanlinikweh di ta-pew tu ma-lat kawwalwal di bawang. Ey kapyam ni tellun gladuh niya kapya kan habyen di pinigging tu. 17Pengapya dakan bapor tep lelbengan ku puyek et mebahbah emin hu mategu. 18Nem wada planuh kun hi-gam ni peamnuk. Et humman hu, ihhehwang dakeyu. Hegep kayun ahwam, yadda u-ungngam niyadda ahwa da etan di bapor. 19Pekippahgep yudda nambulubulug ni emin ni nambakbaklang ni animal niyadda sisit ma-lat tumegudda. 21Ipahgep yud bapor emin hu kennen yu niya kennen da.” 22Et ipahding Noah emin hu inhel Apu Dios. CO00625c.TIF

will be added

X\