Genesis 36

1Huyyadda nahlag nan Esau e hi Edom hu hakey ni ngadan tu. 2Inahwa tudda tellun biin iKanaan. Hi Adah hu hakey e u-ungngan Elon e Hittite. Ya meikkadwa ey hi Oholibamah e u-ungngan Anah niya inap-apun Sibeon e Hibite. 3Et ya meikkatlu ey hi Basemat e agin Nebayot e u-ungngaddan Ismael. 4Ya u-ungngad Esau nan Adah ey hi Eliphas. Ya u-ungnga dan Basemat ey hi Reuel. 5Ya u-ungnga dan Oholibamah ey hi Jeus, hi Jalam ni hi Korah. Emin ida huyyan u-ungngan Esau ey neiungngaddad Kanaan. 6Entanni ey ninemnem Esau ni man-e-tan di edum ni bebley ma-lat meidawwin Jacob. Inewit tudda ahwatu, yadda u-ungnga tu, niyadda kamampanha-ad di baley tu. Impeki-la tudda halun tu niyaddan emin hu kinedangyan tun limmu tudman. 7Mukun nan-etan ey tep kulang law hu puyek dad Kanaan ni pengippattulan dan han-agin halun da tep dimmakkel ni peteg. 8Et an mambebley hi Esau di nangkedunduntug di Edom. 9Huyyadda nahlag nan Esau e nahlagan idan iEdom. 10Hi Eliphas e u-ungngad Esau nan Adah ey nahlag et wada liman lalakki, e hi Teman, hi Omar, hi Sepho, hi Gatam et hi Kenas. Ya meikka-nem ey hi Amalek e u-ungnga dan Timna e hakey mewan ni ahwa tu. Hi Reuel e u-ungngad Esau nan hi Basemat ey nahlag et wadadda dama epat ni lalakki e hi Nahat, hi Serah, hi Sammah et hi Missah. 14Yadda u-ungngad Esau nan Oholibamah e u-ungngan Anah niya inap-apun Sibeon ey hi Jeus, hi Jalam et hi Korah. 15Yadda u-ungngad Esau nan Adah ey hi Eliphas e pengulwan. Nahlag hi Eliphas et hi Teman, hi Omar, hi Sepho, hi Kenas, hi Korah, hi Gatam et hi Amalek. 17Ya u-ungngad Esau nan Basemat ey hi Reuel. Nahlag hi Reuel et hi Nahat, hi Serah, hi Sammah et hi Missah e hi-gada hu ap-apuddan helag da. 18Yadda dama u-ungngad Esau nan Oholibamah e u-ungngan Anah ey hi Jeus, hi Jalam et hi Korah. 19Emin ida huyyan netenten ey helag idan Esau e yad Edom hu nan-ap-apuan da. 20Yadda sigud ni nambebley di Edom ey nahlag idad helag Seir e Horite. Huyyadda ey hi Lotan, hi Sobal, hi Sibeon, hi Anah, hi Dishon, hi Eser et hi Dishan. 22Dewwa u-ungngan Lotan e di Hori nan Homam. Wada agin Lotan ni bii e hi Timna ngadan tu. 23Yadda u-ungngan Sobal ey hi Alban, hi Manahat, hi Ebal, hi Sepho et hi Onam. 24Hi Sibeon ey wadadda dewwan u-ungnga tu e di Aiah nan Anah. Huyyan hi Anah hu nenamak etan ni kaman-utbul ni maetung ni danum ni tu nengipattulan idan kebayyun ametud endi bebley. 25Yadda u-ungngan Anah ey hi Dishon et hi Oholibamah e bii. Yadda u-ungngan Dishon ey hi Hemdan, hi Esban, hi Itran et hi Keran. 27Yadda u-ungngan Eser ey hi Bilhan, hi Saaban et hi Akan. 28Yadda u-ungngan Dishan ey di Us nan Aran. 29Huyyadda aap-apuddan Horite di Edom: Hi Lotan, hi Sobal, hi Sibeon, hi Anah, hi Dishon, hi Eser et hi Dishan. Huyyadda nisi Horite ni nan-ap-apud Edom. 31Yan endi ni patul di Israel ey wadadda ngu dedan hu nanhuluhulul ni patul di Edom. 32Ya nemangulu ey hi Bela e u-ungngan Beor e iDinhaba. 33Netey hi Bela et maihullul hi Jobab e u-ungngan Serah e iBosrah. 34Netey hi Jobab et maihullul hi Husham e iTeman. 35Netey hi Husham et maihullul hi Hadad e u-ungngan Bedad e iAbit. Huyyan hi Hadad hu nengapput idan iMidian eman ni nanggugubatan dad Moab. 36Netey hi Hadad et maihullul hi Samlah e iMasrekah. 37Netey hi Samlah et maihullul hi Saul e iRehobot e bebley di kad-an ni Wangwang e Euphrates. 38Netey hi Saul et maihullul hi Baal Hanan e u-ungngan Akbor. 39Netey hi Baal Hanan et maihullul hi Hadad e iPau. Ya ahwan Hadad ey hi Mehetabel e u-ungngan Matred ey inap-apun Mesahab. 40Hi Esau hu nahlagan idan iEdom e yadda nengipappangngulun hi-gada ey hi Timna, hi Albah, hi Jethet, hi Oholibamah, hi Elah, hi Pinon, hi Kenas, hi Teman, hi Mibsar, hi Magdiel et hi Iram. Nangkeingedan hu ngadan dad nampambebleyan da.

will be added

X\