ROMANOS 7

1Amatùaù, onódùomoùza, da come dama naù ie tàiñeniadù, ocuilla uai naù íemo dúide. 2Ja omoù onóigafue jino llóitùcue, áfedo jùáùfuena omoù onóillena. Da ùnírede rùngo, ie ùni caana llezica, ocuilla uaido ie ùnimo cuinaca izói jaùnaide. Mei ie ùni tùilla mei, afe íemo jaùnáitate ocuilla uáimona afengo jae oni jàrecaide. 3Afe llezica afengo jùáùe ùímamo ùnírena ñuera. Afengo daùí ùníreilla jùruíreñede. Mei íadù ie ùni naù ítemo afengo jùáùe ùima dùga illa afengo ùere jùruírede. 4Cue ámatùaù, birui Jesucristo abùmo dájena jaùnáidùcaù; ua ùníredùngo ùnimo jaùnaina izói jaùnáidùomoù. Afe Crístomo omoù jaùnáinamona, ie tàillado tàidùnona mamécaomoù. Ie jira ocuilla uai dùbénemo tàidùno izói itùcaù. Fueñe bie ocuilla uaimo, rùngo ùnimo jaùnailla izói, jaùnáidùcaù. Mei íadù ja birui tàidùno izói caù íllamona afe ocuilla uaimo jaùnáiñedùcaù. Dama tàillanomona meine abùdo cáadùmùena jaide Crístomo jaùnáidùcaùza. Afe bie Crístomo caù jaùnáinana Juzíñamui caùmo comuítate. Ua comuítate caùdo ie comecù jitáinafue ñue àcoùmo caù fuitállena. 5Mei nanómona comùnù comécùmo itùfue dùbénemo caù ífùrena llezica, afe ocuilla uai caù abùmo ite fùeni óiacanafuiaùna cazítate. Aféfuiaù caùna ana tàillùnomo uite. 6Mei íadù ja birui afe ocuilla uai dùbénemo tàidùno izóidùcaù. Fueñe afe ocuilla uai anamo rùire itùcaù, mei íadù ja birui afe uáimona ñue oni jàrecaidùcaù, Ñuera Joreño cómuena méidoga caùmo itàfuedo Juzíñamui ocuícamacùna caù íllena. Jaiai cuega ocuilla uaido Juzíñamui ocuícamacùna ínidùcaù. 7Iemona ¿mei nùe izói dáùitùcaù? ¿Ocuilla uaina fùénidùfue daùíredùcaù? ¡Daùínidùcaù! Mei íadù afe ocuilla uaido fùénidùfuena onótagacue. Afe uai naù jino lloñena llezica fùénidùfuena onóñedùcue. Ja omoù onóigafue jino llóitùcue, áfedo jùáùfuena omoù onóillena. Ocuilla uai naù cuena dáùiñeniadù, aùno come raana óiacana onóñedùcue. Mei íadù afe daùí llua mei fùeni óiacana onódùcue. 8Afena cue onónamona, bie ocuilla uai llúado, cue comécùmo ite naga fùeni jítainana uáfodo cazítaga. Mei ocuilla uai naù cuemo lloñena llezica, fùénidùfue tùide izói uái illano fùgo onóñedùcue. 9Nauídùruimo, ocuilla uai cúemona naù oni eneno illa llezica, cue comecù úrilla caùmare ite. Mei íadù ocuilla uai ja lluáùbillado fùénidùfue meine abùdo comuide. Afefue meine comuíllamona fállena cue orede. 10Dùnómona bie izói cuemo zúide. Daje cuena ñue zíiñona illàfuemo úirede uaillaù, ñue illàfuemo cuena uiñede. Mei jùáùfodo cue dùbénemo, cuena ana tàillanomo uite. 11Mei jùù, fueñe fùénidùfue cuemo iñede daùdùcue. Mei íadù ocuilla uaina cue fàdùamona, cuemo ite fùénidùfuiaùna onódùcue. Afe àcoùnia Juzíñamui fáiacagamùena itùcue. 12Afemona onoiga, afe ocuilla uai ùere ñuera. Daje izói lletara uai jamánomo ñuera. Afe uai ñue jaàcùna jóidùuai. 13¿Meita bie ñuera ocuilla uai cuena ana tàillùnomo úirede? Ñue onóigaza, úinide. Mei jùáùfodo cuemo ite fùénidùfuedo ana tàillùnomo uigacue. Afemona uáfuena càotagaza, bie fùénidùfue ua nahí fùénideza. Afe cuena ana uillafue ñúefuedo fùnoca. Daùí Juzíñamui ocuilla uai, nana fùénidùfuiaù jamánomo àaùre nana caùna onótate. 14Afe ocuilla uai Juzíñamui Ñuera Joréñomo dúidùfue. Afena onódùcaùza. Mei jùáùfodo nanómona cue comécùmo itùfue Ñuera Joréñomo dúiñede. Mei izire rairuícamùe izói àaùfue fànuanamo fecácamùe izóidùcue. 15Birui cuemo íficaidùfuena onóñedùcue. Ñue cue comecù jítainafuena fùnóñedùcue, mei íadù cue comecù éoillafuena áfena fùnófùredùcue. 16Mei cue comecù jítaiñenafue cue fùnóadù, afe cue fùnócafue fùéninana onódùcue, mei Juzíñamui Ocuilla uai cuena áfemona rairuídeza. Iemona afe bie ocuilla uaina nahí ñuera daùdùcue. 17Mei daùí áfena dama fùnóñedùcue, mei jùáùfodo cuemo ite àaùfue aféfuemona comuide. 18Mei onódùcueza, dama cuemo ñúefuena iñede. Bíedo daùíacadùcue, nanómona cuemo itùfue ñúeñede. Mei jùù, cue comecù ñúefue fùnóacade, mei íadù áfena jaca fùnónidùcue. 19Cue jitaiga ñúefuena fùnóñedùcue; mei íadù cue jítaiñega fùénidùfuiaùna fùnócadùcue. 20Iemona cue fùnóacañega fùénidùfue cue fùnóadù, dama cúeñedeza, cuemo ite fùénidùfuemona comuide. 21Daùí jaca bie izói cuemo íoicaide: mei ñúefue cue fùnóacania, áfena baiñeno dama cuemo ite àaùfuiaù báifùredùcue. 22Mei jùáùfodo cue comécùdo Juzíñamui ocuilla uaina gáùdùcue. 23Mei íadù afe llezica cue comécùmo ite jùáùe nùné cue úiacade uaina comécùdo onódùcue. Afe uai cue ùfocù úrilla ñúefuena nùné féitaoide. Afe bie fùeni cue rairuíoide uai cue abùmo ite. Afe uai cuena llavéoide. 24¡Naù ùere ióbiñedùcue! ¿Bie ana tàillamo cue uite abàmona, ¿bu oni cue jàrecaitalle? 25Dama Juzíñamui ie Jitó caù Ocuíraùma Jesucrístodo bífuemona cuena oni jàrecaitarede. Iemona, ja birui Juzíñamuina “Ùere fùgora” daùdùcue. Iemo cue illafue bie izói ite: Juzíñamui ocuilla uai anamo cue itábicaillena dama Juzíñamui jóonega cue comecù ñue úrillado fùnóredùcue. Mei íadù dama cue abù dùbénedo nanomona cuemo itàfuedo llavécaigacue. Dùnómona fùénidùfue cuemo íoicaide. Ioicaillamona fùénidùfuiaùna jaca fùnóicaidùcue.

will be added

X\