APOCALIPSIS 13

1Monáillai fuédamo cue naidáillano monáillaimona ùere jacùre eroide rùlle caifo bíllana cùódùcue. Afémùe ùfo jubekuiro iemo mena dàgade, daje izói afémùe nagakuiro dùga zícaùrede. Afe illa dùga zícaùmo illaùma jùtáracuifoù jàina. Afémùe ùfócùaùmo Juzíñamuina fùeni daùna mámecù cúeina. 2Afe cue cùona jacàrede rùlle jánallarina eroide. Ie àdaùaù oso àdaùna eroina, íemo ie fue león fuena eroide. Bímùemo dragón íemo ite ràino naa ie illáùmaillano dùga afémùemo fecade. Afe llezica rùire ocuífùrenafue afémùemo lloga. 3Afe jacàrede rùlle ùfócùaùmona daacù tùtade áillue boáfena eroide illa. Mei íadù afe tùtáacade áillue boafe raùre jacaide. Iemona nana énùe náùraùaù áferi ùere jacànaitiaùoù. Jacànaillano afémùemo àùnotiaùoù. 4Afémacù dragón uícomo énùemo fueco dùné bàjùcaillano íemo caùmátaidiaùoù, mei dragón rùire ocuille ràino afe jacàrede ràllemo ígaza. Iemo daje llezica jacàrede ràllemo caùmátaidiaùoù. Caùmátaillano daùdíaùoù: ¿Bu mei bie jacàrede rùlle izoina? ¿Bu mei afémùe dùga fuirírena? ¡Afémùe anáfenonide! daùdíaùoù. 5Afe llezica afe jacàrede rùlle afémùe úrilla bu llétañega. Iemona Juzíñamuina ùáùre daùna uaina llote, naa fùeni abù àùnuafuiaùri. Afe izói cuarenta y dos dùga fùui, daùí ie ocuilla buna ráiruiñega. 6Iemona afémùe bie izói fùnode; Juzíñamuina uáitano, ie mámecùna ùáùre daùíoide. Daje izói Juzíñamuimo úriranona ùaùre daùíoide. Iemo monamo itànuiaùna daje izói ùáùre daùíoide. 7Iemo jùáù daje izói Juzíñamuimo jaùnáidùno dùga ie fuirilla buna ráiruiñega. Daje izói afémacù ie anáfenolle buna ráiruiñega. Iemo nágazie ocuille ràino afémùemo fecaca. Daje izói nana comùnù jófuiaù ócuifùreite, íemo daje izói nana jùáùfodo úritùnuiaù ócuifùreite, íemo daje izói nana náùraùaùna ócuite. 8Nana bínùemo itùno afe jacàrede ràllemo caùmátaidiaùoù. Afémacù mámecùaù zíiñona íitùno rabénicomo cúeñega. Ua énùe taùneina llezica baimacù mámecùaù afénicomo cúeñega, mei afémacù àùnoñena jira. Afénico naui tùtaca Cordero ie. 9Bífuemo cacáacadùmùe mai bíemo cácarei. 10Jùáùmacùna maùtá uitùno méifodo nane maùtá uille. Iemo jùáù lloéfaido jùáùmacùna tùtádùno méifodo afémùe daje izói lloéfaido tùtalle. Mei jira Juzíñamuimo jaùnáidùno comécùna járidonidiaùoù; daje izói jùáù ñue àùnorediaùoù. 11Afe méifodo jùáùe jacùre eroide rùlle énùemona caifo bíllana cùódùcue. Afémùemo mena zicaù ite; cordero zícaùna eroide. Mei íadù afémùe dragón úrilla izói úrite. 12Naui monáillaimona bite nanoide jacùre éroide ràllemo ite rùire ocuille ràino, daje izói bie méifoidùmùemo ite. Iemo nanoide jacàrede rùlle uícori, bímùe íemo ite ràino ácatate. Ie ràino ácata llezica afémùe nana énùemo itànuiaù, nanoide jacàrede ràllemo caùmátaillena ocuide. Afe nanóidùmùe ùfomo ite áillue boafe raùre jacáidùmùe. 13Iemo afe méifoidùmùe daje izói ùere jácùmùe daùítate raana càotate. Mei uafue, afémùe nana comùnù eróicana monámona iraicù ana énùemo cocàtate. 14Iemo afe nanoide jacàrede rùlle uícomo buna ráiruiñega ie fùnócaigado nana bínùemo itànuiaùna jàfuete. Afémacùna jàfuiano afe aillo bofédaite jacàrede ràllena eroide jánaraùna afémacùna fùnótate. Afe bofédaite jacàrede rùlle lloéfaido aillo bofeca, mei íadù naù caade. 15Iemo afe méifoide jacàrede ràllemo, afe jánaraù cáatalle ràino íemo iga. Iemona afe jánaraùna cáatano, afémùe afe jánaraùna úritade. Daje izói nana afe jánaraùmo caùmátaiñedùnona afe jacàrede rùlle jánaraù íaùoùna fatátate. 16Nana afe baùmo, nana náùraùaùna bie izói itátate; nana jabóidùmacù naa jamánomoidùmùiaù dùga, nana ráaredùno naa dúeredùno dùga, nana ráiruiñegano naa rairuícano dùga, íaùoù onoù nabézimo daa onótate número jóonetade. Afe onótate número nabézimo jóoneñenia íaùoù ozócùmo jóonerede. 17Naga afe onótate númerona cúeñegamùe jaca ùbárinide, daje izói raana fecánide. Afe número nanoide jacàrede rùlle ie. Afe número afémùemo dúide mámecù daùíacade. 18Bifue onóillena ùere báitajamo dúide. Afena onódùmùe, mai afe jacùre eroide rùlle número faca. Afémùe número ùima ie. Afe número seiscientos sesenta y seis.

will be added

X\