SAN MATEO 3

1Aféruido Juan Bautista Judea énùemo ite táùzicùmo lletámaizaùbite. 2Daùde: Omoù comecù ífuiaù mai méidori, mei monamo ite Juzíñamui illáùmana illùrui ja íanori íteza, daùde. 3Bie Juan jaiai Juzíñamui uai llóraùma Isaias llogámùe. Afémùe jùca ia bie izói Juaado cuete: Fùcùre úritùmùe uai táùzicùmo cácacaide. Afémùe daùde: “Juzíñamui bille io ñue fànua izói, omoù comecù ñue omoù fùnori. Afémùemo io jaàcùna dénua izói, Omoù comecù àaùfuiaù omoù féitari”, daùde. 4Aféruillaùdo Juan jùtáoigaroi camello itàraùaù níinaroi. Ie cùraigù ife rùlle igoù fùnoina. Afémùe jaca fíuaù ràfùrede. Daje izói càiji jírofùrede. 5Jerusalén comùnù afémùe úrillamo cacáreizaùbitiaùoù, daje izói nana Judea énùe imacù, íemo jùáù Jordán imani abù comùnù ie úrillamo cacáreizaùbitiaùoù. 6Iaùoùmo ite fùénidùfuiaù jino íaùoù llua méifomo afe Juan Jordamo íaùoù ùfona jokode . 7Mei íadù fariséuaùmona, jùáù saducéuaùmona aillo comùnù Juan dùné ie ùfo jokoanomo bitíaùoù. Afémacù bíllana Juan càoillano, íaùoùna daùde: ¡Tùtade jaiónùaùmona comuídùno izóidùomoù! Ja áùnozide duere zefuíllùfuemona omoù botállena ¿bu omoù llua? 8Omoù comecù ifue méidoiacanana ñúefuedo uáfodo jino ácatari. 9Danù ómoùmona “Abrahámona comuídùnodùcaù caù íllamona Juzíñamui íena itùcaù,” afe izói daùíñeno iri, mei táùnoza. Mei bie nofàcùaùmona, Juzíñamui jitáiadù Abraham comànùna comuítaredeza, daùí ómoùna daùdùcue. 10Fùénide amena tùéllena jata jicaùda jóonia izói, fùénidùno duere fùnoille jae ñue mameca. Nana fùgo llùzíñede amena tàiano iraimo zocana uillano jobaica. . 11Uáfuena bimacù comecù ifue íaùoù méidua jira, jáùnoido íaùoùna ùfo jokodùcue. Mei jùáùfodo cue méifodo bíitùmùe, comànùna Ñuera Joreño úicaitaite. Daje izói iraimo raa ñue zia izói afémùe comànùna ùáùnino ñue fànoite. Afémùe ùere cue baùmo ràinorede, cue bie jamáimùedùcueza afémùena dama ñue jacàruiredùcue. 12Afe cue méifodo bíitùmùe arroz biájidùmùe izói ja ie llocofe llàicabite. Afémùe arroz bíamona ícuaù oni eneno ua izói, ñúemacùmona fùénidùnona oni eneno óite. Ñúemacùna ie illánomo ñue ráiruite, mei jùáùfodo fùénidùcuaù izóidùnona jaca dúiñeite iraimo jóbaite, dùnori Juan úrite. 13Jesús Galiléamona imani Jordamo Juan illánomo bite, afe Juan ie ùfo jokoyena. 14Jesús bítemo Juan íe ùfona jokoacañede . Jira Jesuna daùde: Cue bie odo ùfona jokoregacue. ¿Nùbái mei cue dùne bitùo? daùde. 15Jira Jesús íena daùde: Dama daùítadeza, birui cue daùna izói fùno, mei nana Juzíñamui jitaina izói fùnóredùcocoza. Afe coco fùnolle cócomo ñue jóbide, daùde. Iemona Juan ja faùríote. 16Afemona Juan Jesús ùfo jokode . Ùfo jokua mei Jesús jáùnoimona jino bite. Afe llezica mona raùre túijicaide. Afe dáaruido Jesús Ñuera Joreño fàùcùri ana billa izói bíllana cùode. Afémùemo ráùnazaùbite. 17Mei íemona monámona daa úrilla uai cácacaide. Afe úrilla daùde: Bie ùere cue izíruiga Jitó. Afémùemo jamánomo ióbioidùcue, .

will be added

X\