SAN MATEO 27

1Mona monáizailla llezica, nana lletáriraùnù illaùnù, naa judíuaù eicomànùri, dáanomo gaùríllano Jesús tùtállena nana daje izói maméritiaùoù. 2Afe mei Jesús maùáno, afe énùe úiñote illaùma Poncio Pilátomo izájidiaùoù. 3Judas, Jesús fecádùmùe, Jesuna íaùoù coráùaillana càoillano comecù ifue méidote. Iemona treinta dùga úcubetuni meine lletáriraùnù illáùnùmo izájide, ocuide eicomànùmo dùga. 4Izájillano daùde: ùere fùénidùfue fùnódùcue; nàfuenidùmùe tùtállena fecádùcueza, daùde. Jira afémacù uai otíaùoù: ¿Afefue caùmo mei nùbái? Dama ófue, daùdíaùoù. 5Ie jira Judas afe úcube gaùríracomo ana jutade. Afe mei afémùe jaillano dama cùmoù cúinajano aménamo ágüicaide. Daùí afémùe tùide. 6Lletáriraùnù illaùnù, afe jutaca úcube ùráùano daùdíaùoù: Juzíñamuimo fia iga úcube jóoneracomo bie úcube jóonenidùcaù, mei come tàtaja úcubeza, daùdíaùoù. 7Afe mei afémacù afe úcubedo énùe ùbállena dájena comécùidiaùoù. Iaùoù ùbaca énùe mámecù Nógora Orano. Afébùrù ùbádiaùoù jùcánemacù tùíadù afénomo ráùllena. 8Afe jira naù biruimo afébùrù Dùébùrùna daùífùrena. 9Daùí íaùoù fànuamona jaiai uai llóraùma Jeremías lloga uai ñue àcoùmo fuite. Be nàùuai: “Israel naùraù cue íaùoù fécaja úcube abùdo llàùnotiaùoù. 10Llàùnuano Nógora Orano ùbádiaùoù. Daùí Juzíñamui cue ocuide.” 11Afe mei énùe úiñotùllaùma uícomo Jesús uitíaùoù. Afénomo afémùe Jesumo jùcánote: ¿O meita judíuaù illaùmadùo? daùde. Jira Jesús daùde: O daùna izói nàùmùedùcue, daùde. 12Iemo lletáriraùnù illaùnù naa ocuide eicomànùri Jesumo fùénide uaillaù jóonia llezica, afémùe jaca uai oñede. 13Jira Pilato íena daùde: ¿Aquíe omo íaùoù jóonegafuiaùna cacáñedùo? daùde. 14Mei íadù Jesús jaca afe llezica uai oñede. Iemona uai ie oñénari énùe úiñotùllaùma fáùgacaide. Ie daùille uai onóñede. 15Aféruillaùdo afe rafue ana, llaveca fùénidùnomona dáamùe Pilato zuitáfùrede. Afémùe comùnù uaido zuitácamùe. 16Mei afénomo ite mámecùna jùca jalleide fùénide maùgámùe. Afémùe mámecù Barrabás. 17Illáùcomùnù dáanomo gaùrilla llezica Pilato afémacùmo jùcánote: Bíaillùnoùmona ¿nàùmùe ómoùmo jino zúitaitùcue? ¿Barrabás, mei nùbaù Cristo daùna Jesús? daùde. 18Mei Pilato, comùnù úradoillamona Cristo íaùoù fécajana ñue onode. 19Pilato, rùire jùcánofùredùmùe ráùiranomo ráùina llezica, Pilato aù uai orede. Afe be nàùuai: “Afe jadímùe nàfuenidùmùeza afémùemo jíricaiñeno iri. Mei ja naùo afémùena cue nùcáùrilla llezica ùere duere zefuídùcue,” daùde. 20Mei íadù lletáriraùnù illaùnù naa ocuide eicomànùri, nana jùáùe comùnù Pilátona daùíllùuai rùire llotíaùoù. Barrabás zuitállena Pilátomo jùcátatiaùoù. Daje llezica Jesús tùtállena jùcátatiaùoù. 21Afe énùe úiñotùllaùma nane dáanomo jùcánote: Bíaillùnoùmona ¿nàùmùena cue zuitátatùomoù? daùde. Jira: Barrabás zuita, daùdíaùoù. 22Iemo Pilato íaùoùmo jùcánote: ùemona bie Crístona mámecùredùmùe Jesús ¿nùe izói nàbaùtùcue? daùde. Jira nana uai otíaùoù: ¡Cruzmo coraù! daùdíaùoù. 23Iemona Pilato íaùoùna daùde: ¿Nùbái mei? ¿Nùe fùénidùfue afémùe fùnode? daùde. Mei íadù comùnù dáanomo rùire daùdíaùoù: Cruzmo coraù, daùdíaùoù. 24Pilato ie uaina íaùoù àùnoñenana cùode. Daje izói nana comùnù aféfuiaùri jamánomo cáillùana cacade. Ie jírari “Onoù cue jocólleza jaùnoi atù” daùde. Jócua llezica daùde: Afe bie nàfuenidùmùe tùille cuemo jàiñede. Danù ómoùfueza, daùde. 25Iemona nana comùnù uai otíaùoù: Afémùe tùille caùmo jàite, daje izói caù úruiaùmo, daùdíaùoù. 26Afe jira Pilato Barrabás zuitade. Afe mei Pilato Jesús rázùdo fatátate. Fatata mei Jesuna afémacùna coráùtate. 27Afe mei énùe úiñotùllaùma fuiríraùnù áillue gaùríracomo Jesús uitíaùoù. Afénomo nana jùáùe fuiríraùnùaù afémùe onífenedo gaùrídiaùoù. 28Afe mei ie ùniroi dúiñuano, illaùma jùtáfùrega jíaùcuiro afémùemo jùtádiaùoù. 29Afe llezica ùfo icuifoù eegù níinacuifoùna afémùemo jùtádiaùoù. Iemo jùáù illaùma llàùifùrega bùgùna íena llàùnotadiaùoù. Daùí ñiano afémùe anamo dújudiaùoù. Dújuillano jùfánodoùano íena daùdíaùoù: Judíuaù Illaùma are íitùoza, daùdíaùoù. 30Afe llezica afémacù ie túallaùtiaùoù. Afe dáanomo ie llàùiga bùgù báùruano, ie ùfocù púcoùdiaùoù. 31Daùí ie íaùoù jùfánodoùa mei, afémùemo íaùoù jùtaca jíaùcuiro dúiñuano, dama ie ùnícuirona jùtádiaùoù. Afe mei afémùe coráùaidiaùoù. 32Jofue jinomo íaùoù coráùailla llezica, Cirene énùe ímùe baitíaùoù. Baillano Jesús uiga cruzna rocátatiaùoù. 33Daùí Gólgota mámecùredùnomo dúcùdiaùoù. Gólgota daùna “come ùfócoraù illano.” 34Afénomo eràredena jaùcuica vínona Jesús jirótatiaùoù. Mei íadù Jesús áfena due fácano, jiróacañede. 35Jesús ja íaùoù coraùa méifodo, fuiríraùnù Jesús ùniroi illa dàgamùe íaùoù máiñuana onoíllena, onótarajù dotádiaùoù. Daùí jaiai uai llóraùnù lloga uai ñue àcoùmo fuite. Afe be nàùuai: “Onótarajù dótajano, cue ùniroi conímaùaùmo fecádiaùoù.” 36Afe mei afémùedo éroillena afénomo ráùiediaùoù. 37Ie ùfo acónimo cuegábùcù netádiaùoù. Afébùcùmo nàùfue àcoùnia duere fùnoca daùna cúeina. Afébùcùmo cuega bie izói daùde: “Bie Jesús, Judíuaù illaùma.” 38Afe llezica afénomo mena meràrifùredùmùe coráùdiaùoù. Dáamùe Jesús nabézimo coráùdiaùoù. Jùáùmùe ie jaràfezimo coráùdiaùoù. 39Afe llezica áfeodo jaide comùnù Jesuna ùáùre úritiaùoù. Uaido ùere rùire íena táigoùdiaùoù. 40Daùí fùeni ie táigoùano íena daùdíaùoù: Juzíñamuimo gaùríraco júdaùano daaruiámani ille mei meine níitùcue daùífùredùoza; mai, o abù jíllota. Daje izói Juzíñamui Jitona o íadù, jadíe cruzmona ana bi, daùdíaùoù. 41Daje izói lletáriraùnù illaùnù, íemo ocuica uai llófuetùno, íemo fariséuaù naa ocuífùrede eicomànùri íena áùfeduano conímana daùdíaùoù: 42Dùga jùáùmacùaùna afémùe jíllotafùrede, mei íadù dama ie abùna jíllotanide. “uafue Israel Illaùma o ia, jadíe crúzmona ana bii, áfemona omo caù àùnolleza,” íena daùdíaùoù. 43Naù ie áùfeduano íena úritiaùoù: Mei afémùe Juzíñamuimo àùnoteza, mai mei birui Juzíñamui ie jíllota, Juzíñamui ie jíllotaiacania. Afémùe caùna “Juzíñamui Jitódùcue” daùde, daùdíaùoù. 44Daje izói ie dùga coraùca meràrifùrede íaillùnoù íena ùáùre úritiaillùnoù. 45Afe llezica nánùena jítùreficaide. Jitoma jaàcùri íllamona batà ana ítemo jítùreficaide. 46Ja jitoma aràfemona ana ítemo Jesús rùire caillùde: Elí, Elí, ¿lama sabactani? daùde. Afe uai daùíacana: “Cue Juzíñamui, cue Juzíñamui, ¿nùbái mei cue zóofetùo?” 47Afénomo itànomona dáarie áfena cacáillano daùdíaùoù: Bímùe jaiai Juzíñamui uai llóraùma Elías jàùrite, daùdíaùoù. 48Daùí daùna llezica afémacùmona dáamùe aizùda esponja daùna fíillùcùde raa uájide. Eràrede vínomo rùáitano Jesús jiróllena caifo rázùdo ñuitádiaùoù. 49Mei íadù jùáùmacù daùdíaùoù: Dama íteza. Jetáñeno, Elías ie jíllotaùbiadù, caù càoilleza, daùdíaùoù. 50Afe mei Jesús dáanomo rùire caillùde. Daùí cáillùa méifodo ja tùide. 51Ie tùilla llezica Juzíñamui gaùríraco eromo fetácaroi caifona ana eróicana atóroido oni cúajicaide. Afe llezica énùe docaide, íemo jùáù jéerie nofàcùaù bócoùzite. 52Iemo daje llezica, comùnù raùáfuaù túicoùzite. Afe llezica aillo tùide Juzíñamuimo àùnotùnuiaù meine abùdo cáadùmacùna jáidiaùoù. 53Afe bimacù íaùoù raùáfuaùmona jino bitíaùoù. Iemo Jesús abùdo caana mei, ñuera Jerusalén jófuemo jáidiaùoù. Afénomo aillo comùnù bie como meine abùdo cáadùmacùna cùódiaùoù. 54Iemona fuiríraùnù illaùma naa afémùe dùga Jesús úiñotùnori, énùe docailla, naa jùáùe comuídùfuiaùna càoillano, ùere jacànaitiaùoù. Jacànaillano daùdíaùoù: Uáfueza bie Juzíñamui Jitó, daùdíaùoù. 55Afénomo dùga rùngónùaù jùcana eróiediaùoù. Aféngotùaù Galiléamona Jesudo jáidiaùoù. Aféngotùaù Jesuna canófùrediaùoù. 56Aféngotùaù càgùmo, Magdalena énùe ingo María ite. Iemo jùáùe María, Santiago José íaillùnoù ei ite. Iemo jùáù Zebedeo aù ite. Afengo mena jitórede. 57Ja nauilla llezica Arimatea énùe ímùe José bite. Afémùe ráaredùmùe, íemo jùáù afémùe Jesudo jáicaifùrede. 58Afe jira Pilátomo Jesús abù jàcajide. Iemona Pilato Josemo afémùena ite. 59Iemo José Jesús abù ana uano ñuera áilloroina junide. 60Juníllano dama ie comue raùafomo jóonete. Afe raùafo nofàcùmo fùnoca. Raùa mei áillue nofàcùna naze ùbáillano jaide. 61Afénomo Magdalena énùe ingo María naa jùáùe María dùga raùafo uícori ráùidiaùnguaù. 62Afe jùáùruido, ocózinaillaruimo jitaica raa fànua mei, lletáriraùnù illaùnù, naa fariséuaùri Pilátomo úrizaidiaùoù: 63Ocuídùmùe, afe taùno llóraùma Jesús dáùnamo úibicaidùcaù. Afémùe caana llezica, “Daruiámani ille mei, tàillanomona meine abùdo cáaitùcue,” daùífùrede. 64Ie jira afe raùafo daruiámani fùdù rùire o fùnori, ie llófuegamacù ie abù naùo mérùaùbiñelleza. Mérùano comànùna “Ja Cristo tùide meine abùdo caade,” dáùitiaùoù. Ie llófuegamacù daùí fùnóadù, íaùoù íiraùnomo lloga táùnofue, fueñe lloga táùnofuiaù baùmo fùénite, daùí daùdíaùoù. 65Jira Pilato daùde: Batà omoù úiñote fuiríraùnù ite. Afémacùdo afe raùafo omoù onona izói rùire omoù fùnori, daùde. 66Iemona raùáfomo jaillano, afénona rùire fùnódiaùoù. Afe mei afe raùafo emodo ùbailla nofàcùmo túiñoñeillena jana fùnódiaùoù. Afe mei jóoneoide fuiríraùnù afénomo fàiano oni jáidiaùoù.

will be added

X\