SAN MATEO 10

1Afe mei Jesús nagakuiro iemo mena dàgade ie llófueragamacù uáidote. Uáiduano fùénide jóriaù comànùmona oni orelle ràino íaùoùmo fecade. Daje izói nana jùáùforiede duico ogano jíllotalle ràino afémacùmo fecade. 2Be afe nagakuiro iemo mena dàgamacù oni oréllùno mámecùaù: Nánoramùe Simón, dáamùena Pedro daùna, íemo ie ama Andrés, íemo Zebedeo jitó íaillùnoù Santiago Juan dùga, 3íemo Felipe, íemo Bartolomé, íemo Tomás, íemo gobierno ùbátaga úcube llàùnoraùma Mateo, íemo Alfeo jitó Santiago, íemo Lebeo dáamùe mámecù Tadeo, 4íemo ùere Járidotùmacùmo jaùnáidùmùe Simón, íemo uire Jesús fécaitùmùe Judas Iscariote. 5Jesús bie nagakuiro iemo mena dàgamùena ie oréacana llezica íaùoù táùjùlle izói llote. Daùde: Judíoñedùno énùemo omoù jáiñeno iri. Daje izói Samaria énùemo ite jófuiaùmo jáiñeno iri. 6Mei jùáùfodo Israel náùraùmo ovejaù féirailla izói féiraitùnomo omoù jairi. 7Monamo ite Juzíñamui illáùmana illùrui áùnozillana llocana omoù uiri. 8ùráredùnuiaù omoù jíllotairi. Tàidùnuiaù meine abùdo omoù cáatari. Daje izói ùáùre chíinaitùmùiaùna ñue omoù fùnori. Daje izói comànùmo ite fùénide jóriaù jino oreri. Bie izói omoù táùjùlle ràinona raiñóñeno ómoùmo fecádùcue, íemona áfedo jùáùmacùna raiñóñeno omoù canori. 9Jabe omoù jaille llezica úcubena uiñeno iri. 10Omoù cùràtico uiñeno iri. Jaca daa o abùmo jàidùroi dùga jairi. Daje izói ùdaù icona uiñeno iri, íemo jùáù macara jùgüida uiñeno iri. Mei jùáùmacùna omoù cánua jira, áfemo táùjùraùma jaca raiñóñeno écafùregaza. 11Omoù jáillùnomo ite comùnù jófuemo omoù dúcùa llezica, ñue àùnofùregamùe illano omoù jeno. Afénomo naù oni omoù jáiñeille dùno uái omoù iri. 12Jofo jaillano, afémacù ñue daùí uáidori. “Caùmare uái omoù iri,” afémacùna daùíri. 13Afe jofo comùnù caùmare omoù llàùnoiadù, omoù afémacù ie ñue mameca uai afémacùmo fùébiteza. Mei íadù omoù daùna uai afémacù náfueñenia, afémacùmo omoù mameca ñue uai abùdo ómoùmo bíiteza. 14Mei íadù afémacù ómoùna llàùnoacañenia, daje izói omoù llógamo cacáreacañenia, afe jofómona, daje izói afe jófuemona oni omoù jai. Omoù jailla llezica omoù éùbamo ite àaùe afémacùmo teténocairi. Afedo íaùoù comécùmo ite àaùfue naù íaùoùmo íllana ónoitiaùoù. 15Mei ua ómoùna dáùitùcue, íiraùcaiño rùire jùcánollùruimo dúcùna llezica, bie ómoùna ruifíruite comùnù, Sodoma Gomorra dùga jofue comùnù duere zefuilla baùmo, ùere duere fùnólliaùoù. 16Omoù cacarei. Ovejaù illáùrede jazicù jùco càgùmo ória izói ómoùna orédùcue. Jaio abù rairuilla onona izói abù omoù onoiri. Mei íadù afe llezica fàùcùri illáùenina izói omoù iri. 17Ñue abà omoù rairuiri, mei comùnù jabóidùllaùnùmo ómoùna fécaitiaùoùza. Juzíñamui uai lloraco eromo omoù fáitiaùoùza. 18Iemo ràillaùnùmo, daje izói jamánomo ocuídùllaùnùmo cue àcoùnia ómoùna uitíaùoùza. Iemo afe omoù íaùoù úilledo afe illáùnùmo cuedo úritùomoù. Daje izói afe judíoñedùnomo cuedo úritùomoù. 19Mei íadù illáùcomùnùmo omoù íaùoù uille llezica, “¿Nùùe izói úritùcaù?” dáùnamo comecù faùñeno iri; daje izói “¿Nùùe uaillaù llóitùcaù?” daùíñeno iri. Mei omoù úrille llezica, Juzíñamui ómoùna úritaiteza. 20Afe llezica danù omoù comecù izói úriñeitùomoù. Moo Juzíñamui Ñuera Joreño ómoùdo úrilleza. 21Afe llezica comùnù danù íaùoù nahí áma Crístomo àùnotùmùena illa jira, jùáùmacùmo íena fállena fécaitiaùoù. Daje izói móotùaù danù íaùoù Crístomo àùnote jitótùaù fállena fécaitiaùoù. Iemo jùáù jitótùaù danù íaùoù móotùaùdo éoicana eróitiaùoù, íemo íaùoùna tùtátaitiaùoù. 22Nana comùnù cue àcoùnia ómoùdo éoicana eróitiaùoù. Mei íadù fuillànomo fáùcanocaiñeno ñue àùnoicaitùmùe dama jílloite. 23Daa jofue comùnù omoù duere fùnóadù, jùáùe jófuemo omoù jairi. Mei ua ómoùna dáùitùcue, nana Israel jófuiaùdo naù omoù jáiñenia uícodo raùre dúcùitùcueza; mei Nanoide ùima Jitó Crístodùcue. 24Llófuegamacùmona llófuetùmùe baùmo jamánomoidùmùe iñede. Daje izói ocuífùregamùe ie ocuídùmùe baùmo ocuínide. 25Llófuegamùe ie llófuetùmùe illa izói írede. Daje izói ocuífùregamùe ie ocuídùmùe illa izói írede. Jofo naama izóidùcueza, Beelzebú daùna Taùfe mámecù cuemo íaùoù jùtáadù, jofo ero úruiaù mámecùna dájena jàtaitiaùoù. Iemo afe úruiaùna cue baùmo fùeni úritiaùoùza. 26Ie jira comànùna jacàruiñeno iri. Mei nana báinino daùna uaillaù jino uáfodo càozite. Daje izói nana báinino itàfuiaùna jino uáfodo onoille. 27Birui jítùfomo úrilla izói báinino ómoùmo cue llógana, uire uáfodo monari comànùmo omoù lloiri. Daje izói ómoùna báinino cue daùna uai, comùnù dáanomo uáidota fùcùre lloiri. 28Omoù àezù tàtaitùnona jacàruiñeno iri; mei omoù joréñona tùtánidiaùoùza. Mei jùáùfo boode iraimo caù àezù naa caù joreño duere fùnótaitùmùena omoù jacàruiri. 29Onódùomoùza mena duera ófocuizaù duera úcubedo ùbárega. Mei daùí íaùoù ráifiñede íadù, afémacùmona omoù Moo Juzíñamui daùíñenia dácuiño tùide izói ana báùiñeite. 30Mei uafue, omoù ùfócùmo ùfótùraùaù illa dàgatùraù facádoga. 31Mei daùítadeza jacàruiñeno omoù iri. Omoù, aillo ófocuiñuaù baùmo ráifidùomoù. 32Comùnù eróicana nana cuena jiéruitùnona monamo ite cue Moo eróicana jiéruitùcue. 33Mei íadù comùnù eróicana cuena jáanotùnona, afe izói monamo ite cue Moo uiécori afémacùna jáanoitùcue. 34Comùnù dájena uái illùfue bínùemo lluáùbitùcueza daùíñeno iri. Mei jùáùfodo dájena uái illùfue lluáùbiñeno, fuirilla izoide lluáùbitùcue. 35Cuemo àùnuamona dáamùe ie moo dùnena íena ruifíruicaite. Afe daùí cue bíllamona dájena uái íñeitiaillùnoù. Daje izói ei cuemo àùnua jira afengo jiza dùnena ruifíruibicaite. Afe daùí cue bíllamona dájena uái íñeitiaùnguaù, íemo jùáù cuemo àùnuamona mio ie jùfaiño dùnena ruifíruibicaite. Afe daùí cue bíllamona dájena uái íñeitiaùnguaù. 36Iemona illa dàgamùe dama ie jofo ero comùnù dùnena éoigamùena mámeitiaùoù. 37Nùnó daa come ie moo, ie eina cue baùmo izíruia, afémùe cuemo dúinide. Daje izói nùnó daa come ie jitona, nùbaù ie jízana cue baùmo ie izíruia, afémùe cuemo dúinide. 38Iemo jùáù, comùnù dama afémùe tùtácanamo náfuiano cuedo jáiacañedùmùe afémùe cuemo dúinide. 39Ie jira ie cáanano rairuíacadùmùe áfena táùnomo fáùfitaite. Mei jùáùfodo cue àcoùnia ie cáanano táùnomo fáùfitùmùe afe fáùfidena baùmo ziiño illànona máiñoite. 40Iemo Jesús naù úrillano daùde: Omoùna caùmare uáidotùno, daje izói cuena caùmare uáidote. Iemo cuena caùmare uáidotùno daje izói cuena orédùmùena caùmare uáidote. 41Juzíñamui uai jino llóraùma Juzíñamui dùbénedo bíllado afémùena caùmare uáidotùmùe, dájeze afémùe jùrídua izói jùrídoite. Daje izói ñúemùena caùmare uáidotùmùe afe jùáùmùe ñue íllado, afémùe jùrídua izói jùrídoite. 42Daje izói nùnó daa come cue llófuegamacùmona jabóidùmùemo daa due jiza mánaùde jáùnoina jirótaadù, afémùe cuedo jailla jira, afe jirótatùmùe uáfuena íeùena mameca raa jùrídoite, dùnori Jesús ie oréllùmacùmo llófuete.

will be added

X\