SAN MARCOS 1

1Juzíñamui Jitó Jesucristo lloga ñúefue bie izói taùnede. 2Jaiai uícodo Juzíñamui uai jino llóraùma Isaías cuete: Mai cacai, o uiécodo cue rafue llotàmùe orédùcue, o jáille io ñue ùfóllena. 3Táùzicùmo caillàdùmùe uai ñue cacaide; daùde: Mai omoù Ocuíraùma jaille io ñue fùnori; ie macalle io jaàcùna tuiñori, daùde. 4Afe izói ùfo jokoraùma Juan táùzicùmo càocaizaùbite. Dùnomo comùnù jitáirede ùfo jokoillena afémùe ñue lluáùbite. Iaùoùna daùde: Omoù comecù ifue ñúefuena méidoredùomoù. Ie mei ùfo jokoredùomoù . Iemona Juzíñamui omoù comecù fùénidùfuiaù dóite, daùde. 5Iemona nana Judea énùe imacù, Jerusalen comùnù dùga, Juan llógamo cacáreizaidiaùoù. Cacáillano íaùoù comécùmo ite fùénidùfuiaù uáfodo jino llotíaùoù. Daùí íaùoù llua méifomo imani Jordámo Juan ùfo jokokaiaùoù . 6Juan jùtaca ùniroi camello itàraùaù fùnoina. Ie cùraigù llaùtáinafe igoraù fùnoina. Fíuaù rùte; jazicù ie càiji jirófùrede. 7Comànùmo llócaillano daùde: Fui cue méifodo bíitùmùe, ùere cue baùmo rùire ocuífùreitùmùe. Iemona ie ùdaù ico igaù zuitánidùcue, mei jofófene jamáimùedùcueza. 8Jae jáùnoido ómoùna ùfona jokodùcue, ñuera iodo omoù jáiacana jino llóllena; mei íadù afe bíitùmùe Ñuera Joréñodo ómoùna uícaitaite, ñuera iodo éùcùtaiñeno ñue omoù jáillena, daùí daùde Juan. 9Aféruillaùdo Jesús Nazarétmona bite. Afe Nazaret jofue Galilea énùemo ite. Billano Juan illánomo dúcùde. Afénomo Juan íena Jordámo ùfo jokode . 10Jáùnoimona jino billa llezica Jesús mona túijicaillana cùode. Daje llezica Ñuera Joreño fàùcùri izói Jesumo ana bíllana Jesús cùode. 11Afe llezica monámona uai cácacaide; daùde: O ùere cue izíruiga Jitódùo. Ori ùere caùmare itùcue, daùde. 12Afe méifodo raùre Ñuera Joreño Jesuna táùzicùmo orede. 13Dùnomo tóùñega ràllenùaù càgùmo Jesús cuarenta dàgarui ite. Afénomo Satanás (Taùfe jùáùfodo mámecùredùmùe) Jesús facátate. Aféruillaùdo Juzíñamui abù imacù ángeles daùnámacù Jesús cánuaùbitiaùoù. 14Ie mei illaùma Herodes ùfo jokoraùma Juan llavétate. Juan llavébilla mei, Jesús Galilea énùemo jaide. Jáillano Jesús, Juzíñamui ñuera rafue lluájide. 15Jesús bie izói daùde: Ja aféruimo dúcùde. Ianori íllamona Juzíñamui nana íemo jaùnáidùmacù dáaziena caùmare íllena gaùrítaùbiteza. Iemona jíllonafue omoù àùnuano, omoù comecù ífuiaù méidori afémacùmo dájena omoù jaùnáillena, daùde. 16Jesús Galilea jorai fuédado mácajide. Jaillano Simona cùode ie ama Andrés dùga. Facóraùma íaillùnoù. Llóiji jóraimo dotáfùrediaillùnoù. 17Jesús íaillùnoùna daùde: Mai cuedo ómùcoù bi. Chámunùaù ómùcoù jenófùrena izói, afe izói comùnù jenóraùnùna ómùcoùna jóoneitùcue, daùde. 18Raùre íemona íaillùnoù llóiji fàianona, afémùedo jáidiaillùnoù. 19Ie mei Jesús baù jabo jaillano Zebedeo jitó, Santiágona cùode, ie ama Juan dùga. Iaùoù llóiji cúaidùno, nocáe ero ráùicana niródiaillùnoù. 20Jesús íaillùnoù jàùrite. Iaillùnoù moo Zebedeo nocaemo fùénocaillano ie canóraùmacù dùga, Jesudo jáidiaillùnoù. 21Ja Capernaumo dúcùdiaùoù. Ie mei ocózinaillaruimo Jesús Juzíñamui uai llófueracomo jofo llófuiaide. 22Afémùe llogáfueri fáùgacaidiaùoù. Ua nùbaù ràimùe izói ñue llófuellofuede. Ocuícafue llófueraùnù afe daùí llófueñediaùoù. 23Afe llezica Juzíñamui uai llófueracomo fùénidena jóriaùredùmùe ite. 24Afémùe ja Jesumo caillùde; daùde: Nazaret ímùe, Jesús, ¿nùfue cócoùmo illa? ¿Caù fatátaùbitùo? Ona onódùcue. Juzíñamui àaùfuenidùmùedùo; afémùe rafue ñue lluáùbitùmùedùo, daùde. 25Iemo Jesús fùénide jóriaùmo rùire úrite; daùde: ¡Llàùcai! Bímùe fáùcanocaillano oni jai, daùde. 26Iemo fùénide jóriaù afémùena izire docáitate. Ie mei jamánomo caillàdemo afémùemona oni jaide. 27Ie jira nana naùraù jacànaitiaùoù. Jira conímamo jùcánotiaùoù: ¿Bie mùnùca? ¿Mùnùca bie como llófueinafue? Bie Jesumo rùire ocuíllafue ite, fùénide jóriaù oréllena. Afe fùénide jóriaù afémùena àùnofùrediaùoù, daùdíaùoù. 28Ie jira Jesús mámecù nana Galilea énùe fuédado raùre jùca jalleide. 29Juzíñamui uai llófueracomona jino billano, Jesús, Simón ie ama Andrés íaillùnoù icomo jaide, Santiago, Juan dùga. 30Dùnomo Simón jùfaiño abù cuaríllamona ùnàranomo bàide. Afengo ùrárenana Jesumo llotíaùoù. 31Iemona aféngomo áùnozillano, Jesús afengo onoù llàùnota, íena caifo naidánete. Afe llezica afengo abù cuarilla aféngomona llàùcaide. Daje llezica jarire íaùoù jitailla güille afengo baù íaùoùmo atùde. 32Aféruido, jitoma ana zójicaidemo, ja nauíoicailla llezica, nana afénomo ite ùráredùno, fùénidena jóriaùredùno dùga, Jesumo atàdiaùoù. 33Nana dùno jofue naùraù afeco naze fue ibàrùmo gaùrízùtiaùoù. 34Jesús aillo íaùoùmo ite dùga ie duico jíllotate. Afe llezica aillo fùénide jóriaùaù Jesús jino comànùmona orede, mei íadù Jesús afe jóriaù úriñeillena íaùoùmona rairuide, mei afémùena onódiaùoùza. 35Ja monáioicaidemo, naù jítùreoidemo, Jesús cazíllano jino jófuemona oni tùù daùdànomo jaide, dùnomo Juzíñamuimo úrillena. 36Afe mei Simón ie nabáiñùaùri Jesús jénuaidiaùoù. 37Baillánona íena daùdíaùoù: Nana o jenódiaùoù, daùdíaùoù. 38Iemo Jesús íaùoùna daùde: Aùnori itàcuaùmo mai caù jai, dùnomo daje izói ñúefue caù lluájillena; mei afe jira jino bitàcueza, daùde. 39Daùí Jesús nana Galiléado macade. Naga illánuiaùmo Juzíñamui uai llófueriracomo llócaide. Afe llezica comànùmona fùénide jóriaù jino orede. 40Jesumo chíinaite izóidùmùe áùnozide. Ana dújuano daùde: Cue o jíllotaiacaniadù cuena jíllotaredùo, daùde. 41Ie jira Jesús afémùemo dúecaide. Jira ónoùdo jétano daùde: Jùù, ona jíllotaiacadùcue. Mai o abù jácaiteza, daùde. 42Daùí dáùnamona afe duico ùráredùmùemona cùóbicaiñena. Ja ñúemùe. 43Iemo Jesús afémùe orede. Daje llezica rùire ocuíllano daùde: 44¡Cacai! Bumo lloñeno iri. Dama lletáriraùma sacerdote daùnámùemo jaillano, o abù ácatari. Dáaruido Moisés jaiai ocuica abù duafue ráana, mai afémùemo izájiri. Iemona comùnù o abù jíllotana fàdùitiaùoù, daùde. 45Mei íadù afémùe jaillano nana comànùmo afe ie jíllonafue lluájide. Iemo aillo comùnù Jesumo izire gaùríoidiaùoù. Ie jira ja Jesús bu jófuemo uáfodo jáinide; mei íadù jino jofue iñénanomo mácajide. Mei íadù nágagobiaùmona bizájidiaùoù afémùena càoillena.

will be added

X\