SAN LUCAS 2

1Aféruillaùdo énùe jamánomoidùllaùma Agusto nana comùnù mámecùaù cuiájillena ocuide. 2Siria énùemo Cirenio illáùmana illa llezica, bie nánora mámecùaù cuiájillena ocuica. 3Naga come ie móotùaù illánomo ie mámecù cuiájirediaùoù. 4Ie jira José Galilea énùemo ite Nazaret jófuemona jaide Judea énùemo. Afémùe David izíemona comuídeza, David jocóinanomo Belemo jaide. 5Móotùaù illánomo José María dùga mámecùna cuiájidiaillùnoù. Afengo jae jùcánogango Josemo ùníreillena, íemo ja úruereacade. 6Iemo Belemo íaillùnoù illa llezica afengo úrue jocóllùruimo dúcùde. 7Dùnomo afengo nánora jitó llàide. Jócua mei ùníroido ferànote. Iemo juráreto ecáranomo rallaù jóbiano ie bùtade, mei afe íaillùnoùmo comùnù dúcùranomo illùno iñédeza. 8Belén jofue onimo dáarie ovéjaùaù úiñoraùnù naùona íaùoù ovéjaùaù úiñofùrediaùoù. 9Uái daùí itíaùoùmo raùre Juzíñamui abù ímùe ángel daùnámùe íaùoùmo càocaide. Afe llezica Juzíñamui quenírie íaùoù ábùedo egáiñozùde. Aferi ùere jacànaitiaùoù. 10Mei íadù Juzíñamui abù ímùe íaùoùna daùde: Jacàruiñeno iri, mei ñuera rafue ómoùmo lluáùbitùcueza. Bie ráfueri nana comùnù ùere ióbitiaùoù. 11Birui jaiai illaùma David jófuemo omoù Jíllotaraùma jae jococa. Afémùe caù Ocuíraùma Cristo. 12Afémùena omoù onóillena afe úrue ùníroido ferànoga, íemo juráreto ecáranomo bùtaca báitùomoù, daùde. 13Afe llezica Juzíñamui abù ímùemo aillo jùáùe mona imacù ofíoide. Afémacù Juzíñamuimo aillo ñúefuiaù llotíaùoù: 14Caifoide Juzíñamuimo ite ebírenafuiaù omoù lloiri. Afe dáaruido afémùe caùmare eróinamacùmo comécùna uái illafue íiteza, daùdíaùoù. 15Iemona, Juzíñamui abù imacù abùdo monamo jailla mei, ovéjaùaù úiñoraùnù danù conímana daùízùtiaùoù: Mai mei Belemo caù jai; bie Juzíñamui caùmo lloga ie jocóinafue mai caù méiñuai, daùdíaùoù. 16Jira jarire jáidiaùoù. María José dùga cùódiaùoù. Iemo jùáù juráreto ecáranomo bùtaca úruena cùódiaùoù. 17Afena cùóillano, Juzíñamui abù imacù afe úrue ífuena íaùoùmo llúana jino llotíaùoù. 18Nana afefue cacádùno afe dáùnari ùere caùmare fáùgacaidiaùoù. 19Mei íadù María nana aféfuiaù comécùmo jóoniano áfemo uibíoicaide. 20Iemo ovéjaùaù úiñoraùnù dùnena meine abùdo jaide. Jailla llezica nana íaùoù cacana, íemo íaùoù cùónado Juzíñamuimo ñúefue llotíaùoù. Iemo daje izói ebírenafue Juzíñamuimo nitádiaùoù. Mei nana íaùoùmo daùna izói íteza. 21Jócuamona jubekuiro iemo daámani dàgarui íllamona, dúemùe bacano ùcoù quetátatiaùoù. Afe llezica Jesuna ie mámecù jùtádiaillùnoù, mei afecù nano María naù úruenina llezica Juzíñamui abù ímùe aféngomo llóteza. 22Iemo dùga irui íllamona, Moisés ocuica uai llua izói, María abù àaùnina daùíllena nàcùduafue fúillamo, úruena Jerusalemo uitíaillùnoù. Afénomo ite Juzíñamui gaùríracomo úruena Juzíñamui íena íllena acátajidiaillùnoù. 23Daùí fùnódiaillùnoù Juzíñamui ocuica uaimo daùí cúeina jira. Afe uai daùde: “Nana nánora jococa ùiza Juzíñamui íena mamérede.” 24Jira jáidiaillùnoù Juzíñamui daùna fecalle raa fecállena. “Mena júcugù, nùbaù mena fàùcùri fatá Juzíñamuimo omoù fecari,” aféuai daùí daùde. 25Aféruillaùdo Jerusalemo Simeón na mámecùredùmùe illa. Afémùe ùere ñúemùe; Juzíñamuimo àùnofùrede. Israel naùraù faùríconùmona baùrolle úiñote. Simeón Juzíñamui Ñuera Joréñodo úicaigamùe. 26Afe Ñuera Joreño, Simeón naù tàiñenia Juzíñamui orelle Crístona càoite, daùí ie fùdàtate. 27Ie jira Jesús móotùaù íaillùnoù, gaùríracomo Jesuna uilla uícodo, Juzíñamui Ñuera Joreño afe Simeón gaùríracomo jáillena ùfode. Iemona José María dùga, jaiai ocuica fànofùrena izói Jesuna íaillùnoù fànuaùbilla llezica, Simeón Jesús ie ónoùmo llàùnote. 28Simeón íena llàùnua llezica Juzíñamuimo ñúefue llocana daùde: 29Juzíñamui, mai birui caùmare tàiredùcue, mei o ocuífùregamùedùcue, o cuena daùna izói nana ñue fuitádùo. 30Dama cue uído caù Jíllotaraùmana cùódùcue. 31Afémùe ja nana comùnù eróicana o jóonegamùe. 32Afémùe judíuaùñedùno ñúefuiaùna onótaitùmùe. Iemo jùáù afémùe o comùnù Israelmo ñúefuiaùna nítaite, daùí daùde Simeón. 33Jira José María dùga Simeón úruena daùí ie dáùnari fáùgacaidiaillùnoù. 34Ie jira Simeón uáillaùdo íaùoùna cáùmacaitade. Iemo María na, Jesús eina daùde: Eroi, bie úrue Juzíñamui mamécamùe. Dùga Israel comùnù íena ruifíruillamona táùnoficaitiaùoù. Iemo jùáù aillo comùnù íemo àùnuamona ñúemacùna jáitiaùoù. Afémùe onótate raa ízoite, íemo aillo comùnù íena àaùruitiaùoù. 35Afedo illa dàgamùe ie comecù ifue onoille. Mei íadù ómona bie nana, jáirede lloefai izoide, dango o comecù izire fànoite, daùí Simeón daùde. 36Afénori daa rùngo illa. Afengo Juzíñamuimona ie oga uai llófuefùrede. Afengo mámecù Ana; Fanuel jiza. Iemo jùáù Aser náùraùmona comuídùngo. Afengo ùere éirogù. Afengo jitáùngona illa llezica ùnírede. Afengo jubekuiro iemo mena dùga fùmona afémùe dùga ite. Afe mei afengo fecàngona jaide. 37Iemo birui aféngomo ochenta y cuatro dùga fùmona fecàngona ite. Afengo Juzíñamui gaùríracomo jaca ífùrede, mei afénomo mona naùo dùga Juzíñamui ocuífùregangona ite. Afengo ùere Juzíñamuimo úrifùrede, íemo jùáù ùere fàmairite Juzíñamui ióbitallena. 38Simeón Jesudo úrilla llezica afengo afénomo bite. Iemo úrue dùbéfodo Juzíñamuina “Fùgora” daùna mei, afengo nana Jerusalemo ite jíllollena uíñotùnomo úrite. Dúemùe Jesús ñúefuiaùna afengo íaùoùmo llote. 39Iemona, nana Juzíñamui ocuica uaillaù íaùoù fuita mei meine Galilea énùemo jáidiaùoù. Afénomo danù íaùoù jofue Nazaremo fùébizaide. 40Afénomo afe úrue ùere íocùre móonaite, íemo jùáù ráfuena baitádùmùena móonaite. Afe llezica Juzíñamui afézamo caùmare eroide. 41Jesús moo íaillùnoù naga fùmónaùaùdo Jerusalemo pascua ráfuemo jáifùrede. 42Jesús nagakuiro iemo mena dùga fùmona fuita mei, íaùoù fùnófùrena izói afe ráfuemo nana jáidiaùoù. 43Afe rafue záillamona, jofomo meine íaùoù jailla llezica, afe úrue Jesús Jerusalemo fùébicaide. Afeza fùébicaillana ie ei, José dùga onóñediaillùnoù. 44Nùbaù caù onóigamacù dùga bite, daùdíaillùnoù. Daa mona daùí iodo comécùidiaillùnoù. Mei íadù íaillùnoù onóigamacù càgùdo jenódiaillùnoùmo 45afézana cùóñediaillùnoù. Jira meine Jerusalemo íena jénuaidiaillùnoù. 46Afe mei daruiámani íllamona Juzíñamui gaùríraco eromo afézana baitíaillùnoù. Ocuica uai llófuetùno càgùmo ráùidena baizájidiaillùnoù. Afeza afémacù úrillamo cacáreide. Afe llezica afeza afémacùmo jùcánofùrede. 47Nana afeza íaùoù uaillaù úana cacádùno fáùgacaidiaùoù; daje izói ie ráfuena baitari. 48Ie moo íaillùnoù íena càoizailla llezica íaillùnoùna jacànaitade. Ie ei íena daùde: Cue jitó ¿nùbái cócori bifue fùnódùo? Cue o moo dùga ùere coco comécùna llícùtatùo, ona ùere zuure jenódùcocoza, daùde. 49Mei jira Jesús íaillùnoù uai ote: ¿Mei nùbái cue jenódùomùcoù? Cue Moo llogáfuemo cue járitaitùcue; ¿áfena onóñedùomùcoù? daùde. 50Mei íadù afe íaillùnoùna afeza dáùnana onóñediaillùnoù. 51Afe mei afeza ie moo íaillùnoù dùga abùdo Nazaremo jaide. Iemo íaillùnoù ocuíllana jeire ófùrede. Ie ei nana bífuiaù comécùmo jóonete. 52Afe llezica Jesús ñue zairíoicaide, íemo onócana jaca jaide. Afe llezica Juzíñamui naa comànùri afémùemo jiéruitiaùoù.

will be added

X\