SAN JUAN 2

1Daruiámani íllamona, jadà Caná jófuemo, Galilea énùemo, áùrenamona ùráùzillafue fùnódùno. Jesús ei afénomo ite. 2Jesús naa ie llófuegamacùri ja afe áùreina ráfuemo uáidogamacù. 3Afe ùráùzillafuemo jirórai, vinoi fuilla. Ie ei Jesuna daùde: Ja vino iñede. 4Jesús uai ote: Ei, ¿nùbái cuena daùí daùdùo? Cue jiéruillaruimo naù dúcùñede, daùde. 5Mei íadù afengo afénomo ite jirolle atàraùnùna daùde: Mai, nana afémùe daùna dùga fùno, daùde. 6Dùnomo jubekuro iemo dá dùga ùcàruaù, nofàruaù ráùide. Judíuaù afe ùcàruaù oruítajano jùáùmacù ñue oréllena nàcùdofùrediaùoù, íaùoù abù fùénidùfue dóllena. Naga ùcàrumo ochenta o cien litros oruízùte. 7Iemo Jesús atàraùnùna daùde: Jadíe ùcàruaù jáùnoina oruítari, daùde. Iemona fuemo jibíezùdiaùoù. 8Iemo Jesús íaùoùna daùde: Due uano rafue náamamo uiri, daùde. Daùí fùnódiaùoù. 9Iemo afe rafue naama jaùnoi facádemo, jáùnoiñede. Jae vino. Rafue naama onóñedemo ùcàruaù jáùnoina oruízùte. Danù atàdùno áfena onona. Afe vino nimánuanona, rafue naama rùngo óiacadùmùe uáidote. 10Iena daùde: Nágamùiaù ñúeji nano fueñe atàfùrediaùoù. Ie mei nana uáidogamacù aillo jirolle mei, jamai vino atàfùrediaùoù. Mei íadù naù biruido ñúeji ja o éenoga, daùde. 11Afe vino méiduafue ua Jesús nanoide uaido daùngo comuítaga raa; afefue Galilea énùemo, Caná jófuemo fùnoca. Bie uaido comuítaga raado afémùe ie ebírede ràino jino càotate. Iemona ie llófuegamacù ñue íena àùnotiaùoù. 12Ie meífodo Capernaúmo, Jesús jaide ie ei dùga, ie ámatùaù dùga, ie llófuegamacùri. Dùnomo ja baù nùga mona itíaùoù. 13Aféruillaùdo Judíuaù pascua rafue áùnozide. Iemona Jesús Jerusalemo jaide. 14Afe dùnomo gaùríraco eromo juráriaù, ovejaù, íemo fàùcùrillaù dùeze fecáriraùmacùna Jesús cùode. Dáanomo úcube méidoraùnù ráùidiaùoù. 15Afena càoillanona Jesús ñécùgaù móillano jiura fùnode. Afedo gaùríraco erómona nana fecáriraùnù íaùoù juráriaù ovejaù dùga jino jiude. Daje llezica úcube méidoraùnù úcubetunillaù Jesús ana jutade. Iaùoù úcube facádorabani Jesús oni caitade. 16Fàùcùri fecáraùnùna daùde: Bie raa benómona oni omoù ui. ¡Cue Moo jofo fecáriracona omoù maméñeno iri! daùde. 17Ie mei afémùe llófuegamacù jaiai cuegáuai úibicaidiaùoù. Afe uai llote: “ O jofo cue ràiduamona cue abù íñeite izoide,” daùde. 18Iemona Judíuaù afémùemo jùcánote: ¿Mùnàcado o ràinona caù ácatatùo? ¿Bie raa o fànuana bu o ocuilla? daùdíaùoù. 19Jesús íaùoù uai ote: Cue ràino ómoùmo bie izói ácataitùcue. Bie gaùríraco omoù júdaù, ie mei daruiámani íllemona meine nane caifo cue raiñolle, daùde. 20Jae judíuaù Jesuna daùdíaùoù: Cuarenta y seis fùmona niga gaùríracoca; ¿íeca daruiámani íllamona meine abùdo caifo o ráiñoitù? daùdíaùoù. 21Iadù afémùe daùna uai gaùríraco, dama ie abù llote. 22Iemona Jesús tàidùnomona meine abùdo cáaillano ie llófuegamacù bie daùna uaimo uibíoidiaùoù. Daje llezica Cuegáuaina àùnotiaùoù nana Jesús íaùoùna daùna uai dùga. 23Jesús Jerusalemo illano, pascua rafue llezica, aillo comùnù afémùena ñue àùnotiaùoù. Ua íaùoù cùófùnina afémùe uaido fànuana cùódiaùoù. Afena càoillano afémùena àùnotiaùoù. 24Mei íadù Jesús afe comànùmo ie abùna naù rairuide. Mei nana imacù comécùna onódeza. 25Jùáù come afémùemo comùnù ífuena llónide. Dama afémùe dùnena íaùoù comecù ífuena onode.

will be added

X\