SAN JUAN 1

1Naga raa táùnia uícomo afe Uai daùnámùe Cristo jaca ite. Afe Uai jaca Juzíñamuimo ite. Afémùe Juzíñamui. 2Ua nanóidùruimo afémùe Juzíñamuimo ite. 3Afémùedo Juzíñamui bínùe naa ráanùaùri fùnode. Mùnàcana iñede afémùe fùnóñegana. 4Afémùemo cáallùno ite. Afe cáallùno nana comùnù egáiñote. 5Afe egáiñotùno jaca jítùredùnomo egáiñote; íadù afe jítùredùno afe egáiñotùnona jaca dúitanide. 6Daa Juzíñamui orécamùe bínùemo bite. Afémùe mámecù Juan. 7Afémùe uai nabáiraùmana bite egáiñotùnodo ñue úrillena. Daùí úrizaùbite, afémùe daùnáfuedo nana comùnù àùnollena. 8Juan dama egáiñotùmùeñede. Fia afémùe orécamùe egáiñotùmùe uai nabáiraùmana úrizaùbite. 9Afe egáiñotùmùe uáfuena ñue egáiñotùmùe. Bie egáiñotùmùe nana caùmo egáiñote. Afe egáiñotùmùe bínùemo dúcùzaùbite. 10Afe Uai daùnámùe bínùemo ite; Juzíñamui afe Uai daùnámùedo bínùe fùnode, íadù bínùemo itùno afémùena onóñediaùoù. 11Afémùe ie énùemo bite, íadù ie comùnù afémùena llàùnoñediaùoù. 12Mei íadù dáarie mei afémùena llàùnotiaùoù; afémùena àùnotiaùoù. Afe àùnotùno ràinoredùuaina igáiaùoù, Juzíñamui úruiaùna íaùoù jáillena. 13Afe úruiaù come móotùaù úruiaù izói cómuitañega. Come móotùaù bie énùe comuilla izói, comuítatiaùoù. Afémacù íaùoù comecù jítainafuedo comuítatiaùoù, íadù Juzíñamui úruiaù dama Juzíñamuimona comuide. 14Afe Uaina maméidùmùe caù come abù izói dama íficaide. Ie mei caù càgùri nano nùé dùno ite. Afémùe comécùmo ñúefuiaù illa, ua nana izíruillafue uafue dùga. Ie jira afémùemo ite ñue ebírenafue caùmo càocaide; afe ebíredùfue dama Moo Juzíñamui daade Jitó ie. 15Juan afémùeri jéerie ñúefuedo úrite. Daùde: Baie cue úrillamùe, ómoùmo cue llogámùe, cue óodana bitàmùe. Afémùe jae cue uiéco dùbénemo jaide, cue íñeniadù íteza, daùde Juan. 16Afémùe aillo ñuera ráfuiaùmona caùmo ñue ézùcùgafuiaùna llàùnotùcaù. Ua nana fáùcanocaiñeno llàùnotùcaù. 17Juzíñamui caùmo ocuícafue Moisedo oreca, íadù izíruinafue uáfuiaù dùga Jesucrístodo bite. 18Buna jaca Juzíñamuina cùóñena; mei íadù dama daade ie Jitó, ua Moo comecù áùnomo itàmùe, baie Juzíñamui ífuena caù onótatùmùe. 19Jerusalemo ite judíuaù, dárie lletáraùnù Levítanùaù dùga Juaamo orédiaùoù. Daùí íaùoùna orede báimùemo jùcánollena, “Búdùo” daùíllena. 20Afémùe jáanoñeno llote. Daùde: Cue Crístoñedùcue, daùde. 21Nane dáanomo íemo jùcánotiaùoù: ¿Búdùo mei? ¿O Juzíñamui uai llóraùma, Elíadùo? daùdíaùoù. Juan daùde: ùéñedùcue, daùde. Iemo nane jùcánotiaùoù: ¿Nùù Juzíñamui uai llóraùma bille daùnámùedùo? daùdíaùoù. Jira uai ote: ùéñedùcue, daùde. 22Ie jira íena daùdíaùoù: ¿Mei búdùo? caù orédùnomo faùríogafuena caù uíllena. ¿Mei nùe izói caùna o abù ífuena dáùitùo? daùdíaùoù. 23Juan íaùoù uai ote: Cue dama jofue iñénanomo caillùde uáidùmùedùcue. Baù Juzíñamui io jaàcùna zùtari, jaiai Juzíñamui uai llóraùma Isaías daùna izói, daùde. 24Juan dùga úrizaùbitùno jae Fariséuaùmona orécaiaùoù. 25Ie mei Juaamo jùcánote: Mei Crístoñedùo, Elíañedùo, Juzíñamui uai jino llóraùmañedùo, ¿nùbái mei ùfo jokuoaùbifùredùo? daùdíaùoù. 26Juan íaùoùna daùde: Fia jáùnoido ùfo jokodùcue . Mei íadù omoù càgùmo daa omoù onóñegamùe ite. 27Cue óodana afémùe bite, íadù cue jinomo baitade. Afémùe eùba ico igaù zuitánidùcue, mei jamáimùedùcueza, daùde. 28Nana afe Juaamo jùcánollena Betábaramo úritiaùoù. Betábara énùe Jordán imani ruicáfellemo ite. Ja dùnomo naui Juan comùnù ùfo jokofùrede . 29Afe meifo iruido Juan ja Jesúna cùode. Jesús Juaamo áùnozide. Aùnozidemo Juan daùde: ¡Eroi! Juzíñamui Cordero daùna ie Ovéjana mamécamùe. Ua, afémùe nana comùnù fùénidùfue oni dóraùma. 30Naui afémùe cue llogámùe “Cue óodana daa ùima bite. Ua óodana bitàmùe cue baùmo baitade, mei afémùe cue jinófenemo íteza; daje izói cue íñeniadù afémùe jae nano itàmùeza.” Daùí naui afémùedo úritùcue. 31Dama afémùena onóñedùcueza, búdùmùeza. Iadù jáùnoido comùnù ùfo jokoùbitùcue, Israel naùraù afémùena ñue onóillena, daùde. 32Ie emódomo daùde Juan: Ja Juzíñamui Ñuera Joreño, Espíritu Santo, bímùemo monámona ana bíllana cùódùcue. Fàùcùrina eroide. Iemo afémùemo fùébide. 33Jaca nanómona onóñedùcue nùbaù bu. Mei íadù jáùnoido comùnù ùfo jokollena daùí cuena ocuídùmùe cuena daùde: “Ñuera Joreño daa ùímamo ana bíllana íemo afémùemo fùébillana o cùóadù, afémùena ónoitùo. Afémùe Ñuera Joréñona itátatùmùe.” Daùí cuena daùde. 34Ja íena cùódùcue. Ie jira ñue llóraùmadùcue. Uáfuena llotùcue. Afémùe Juzíñamui Jitó, daùde Juan. 35Afe meifo iruido Juan mena ie llófuegamùe íaillùnoù dùga, meine batà dáanomo ite. 36Jesús mácajana cùóillano, Juan daùde: Eroi bímùe Juzíñamui Cordero daùna ie Ovéjana mamécamùe, daùde. 37Iemo Juan llófuegamùe íaillùnoù ie daùnáfuena cacáillanona oni Jesumo jáizaidiaillùnoù. 38Ie mei Jesús jino érocaidemo, afémùemo íaillùnoù jáizaillana cùode. Iaillùnoùna daùde: ¿Bu mei jenódùomùcoù? daùde. Afe íaillùnoù afémùena daùde: Llófueraùma, ¿nùnomo itùo? daùde. 39Jira Jesús faùríote: Eróizaùbi, daùde. Iemona iedo jáidiaillùnoù. Afémùe illánona càoizaidiaillùnoù. Ie mei, nùbaù jitoma ana ítemo, afémùeoùri iruido fùébidiaillùnoù. 40Daa afe íaillùnoùmona ua Juan llogáfuena cacádùnomona, Jesús dùné jáidùmùe Andrés. 41Afémùe Simón Pedro ama. Afe Andrés, nano fueñe abùdo ie ama Simón baizajide. Baizájillano íena daùde: Mesíana, Juzíñamui mámecùgamùena jae baitùcaù. Cristo jùáùfodo mamécamùe, daùde. 42Ie mei Andrés Jesús illánomo Simona uite. Dúcùdemo Jesús íena cùóillano daùde: O Simonna, Jonás jitódùo. Iadù biruímona Céfana mámeitùo. Pedro jùáùfodo mameina. 43Afe meifo iruido Jesús Galilea énùemo jáiacade. Jaillano Felipe baizájide. Afémùena daùde: Cuedo bi, daùde Jesús. 44Afe Felipe Betsaida jofue ímùe. Andrés Pedro dùga daano imacù. 45Ie mei Felipe dùnena Natanael baizájide. Baizájillanona daùde: Moisés ocuica uai cuegánicomo llogámùe ja cùódùcaù. Ua Juzíñamui uai jino llóraùnù llua izói, afe íaùoù llogámùena cùódùcaù. Afémùe Jesús, José jitó, Nazaret jofue ímùe, daùde Felipe. 46Natanael dùnena daùde: ¿Nùga ñúefue jadà Nazarémona fàdùitùo? daùde. Felipe uai ote: Eróizaùbi, daùde. 47Jesús Natanael áùnozillana cùóillano daùde: Benomo bite nahí israelita ímùe; jàfuiafue afémùemo iñede, daùde. 48Ie jira Natanael Jesumo jùcánote: ¿Nùe izói cuena onódùo? daùde. Iemo Jesús íena daùde: Felipe naù ona uáidoñenia, ona cùódùcue. Ua higuera anamo o íllana cùódùcue, daùí Jesús daùde . 49Iemo Natanael daùde: Llófueraùma, O Juzíñamui Jitódùo. Israel Illáùmadùo, daùde. 50Jesús ie uai ote: ¿Dama cue dáùnana higuera anamo ona cùódùcue iedo daùi cuena àùnotùo? jùcánote Jesús. Afe emódomo Jesús íena daùde: Bie rafue jinomo jùáùe áillue ráfuena càoitùo, daùde. 51Iemo afe emódomo Jesús afémacùna daùde: Uáfuena ómoùmo llóitùcue. Mona túiñuana càoitùomoù. Iemona Juzíñamui abù imacù, ángeles daùnámacù, cuemo ana bíitiaùoù, caifo cúemona jáitiaùoù. Mei Nanoide ùima Jitódùcueza. Afena càoitùomoù, .

will be added

X\