HEBREOS 4

1Ja birui Juzíñamui uafue caùmo lloga caùmare comécùna uái ocózinaillana caù olle uai caùmo ite. Aféuai naù caùmo illa llezica mai ómoùmona dáamùe aféuai comécùmo óñeillena daùítadùfuemona mai abà omoù rairuiri. 2Mei uafue caù bie ñúefuena llogámacùdùcaù. Ua afe jaiai Egíptomona baùrócano ñúefuena llóina izói ñúefuena llogámacùdùcaù. Mei íadù íaùoù cacana uai fùgo íaùoùna canóñede; mei àùnoñediaùoùza fia táùnona cacádiaùoùza. 3- 4Mei íadù Juzíñamui lloga caùmare comécùna uái ocózinaillùnomo nahí jofo jáidùnodùcaù, mei ie uaina ñue caù àùnofùrenado. Birui Jesumo caù àùnuamona, caùmare comecù jacàruiñenafue dùbénemo jóonegacaù. Jira ocózinairanomo táùjùñeno caù illa izói, ja caùmare uái itùcaù. Ie mei uire Juzíñamui illánomo ñue afémùe dùga caùmare uái íitùcaù. Jaiai àùnoñedùnona Juzíñamui daùde: “Iaùoùmo cue ràicaillano ñue rùírede uaido daùdùcue: Afe cue lloga caùmare comécùna uái ocózinaillùnomo jaca dúcùñeitiaùoù,” daùdùcue. Daùí Juzíñamui íaùoùna daùde. Mei íadù ua íaùoù caùmare illùfue Juzíñamui are uícomo mamécaza; mei ja are énùe ie comuítajaruimona, nana Juzíñamui ie fùnócafuiaù, naa caùmare caù illàfuiaùri, ja fuitádeza. Mei Juzíñamui jùáùnomo ie Cuegáuaimo afe ie ocózinaillaruido úrite; daùde: “Juzíñamui jubekuiro iemo dá dàgarui táùjùde; ie táùjùna mei jubekuiro iemo mena iruimo nana ie fùnócafuiaùmona caùmare uái ocózinaide”. 5Afe mei jùáùruido ie Cuegáuaimo Juzíñamui daùde: “Cue lloga caùmare comécùna uái ocózinaillùnomo dúcùñeitiaùoù”. 6Iemo ñúefuena nanoide cacádùno àùnoñenamona afénomo jofo íaùoù jáinina méifomo, áfeo naù jùáùmacù jáillena túide. 7Ie jira Juzíñamui dùga fùmona jailla mei, David roránicuaùdo comùnù uáiduano meine jùáùe billùrui íaùoùmo llote. Afécuaùmo, due jiza íllamona cue lloga izói, Juzíñamui daùde: “Birui Juzíñamui daùnáuaina cacádùomoùza omoù comécùna rùíretañeno iri”, daùde. 8Mei íadù Josué afe jaiáidùnona nahí caùmare come comecù jacàruiñenanomo uiñede. Ie jira dùga fùmona illa mei Juzíñamui meine abùdo comùnù caùmare illàruina úrite. 9Iemona afe nahí caùmare come comécùna uái ocózinaillafue naù ite, Juzíñamuimo jaùnáidùmacùna danù íaùoùena maiñóllena. Afe ñue caùmare caù illùfue ocózinaillaruimo caù ocózinailla izoide. 10Mei naga afe Juzíñamuimona oga caùmare illàfuena maiñódùmùe, dama ie jílloille naa ie nàcùdogano fáùcanocaillano, caùmare uái ite. Ua Juzíñamui naga ráanùaù ie fànua fuilla mei, ocózinaillano caùmare uái ite. Afémùe uái illa izói caùmare uái itùcaù. 11Ie jira afe caùmare caù illàfuena mai ñue omoù maiñori. Mai benómona daùí omoù ífùreiri, ómoùmona buna jáiairagùma bífuena íaùoù àùnoñenado àaùfuemo baùílla izói omoù báùiñeillena. 12Nana Juzíñamui lloga uai, jaca íocùre cáadùmùe izoide. Afe uai jaca nùnomo rùíredeza, buna oni caitánide uai. Aféuai comùnù ùfócùaùmo déifùrede; ua íaùoù comécùna zuitáfùrede. Mei jùù, jaíre jicaùca lloéfaido abù ñeta ùere jofo ícurumo raùre dúcùzailla izói, afe izói Juzíñamui uai nana caù comecù ífuiaù onótate. Uáfuena caù comecù facáduana naa caù comecù jítaillafuiaùri fàdùano ñue uáfodo jaàcùna jino caùmo onótate. 13Nana Juzíñamui fùnócafuiaù íemona oni retáidonide. Ua, daa Juzíñamui cùóñenamùena iñede. Nana caù comécùillafuiaù caù fùnócafuiaù dùga, uáfori caù nahí Jùcánoraùma ui anamo ite. 14Ja Juzíñamui Jitó, Jesús, mona úillùe illano ùere caifófenemo jaillano, Juzíñamui illánomo dúcùde. Dúcùillano Juzíñamui dùbénemo caùdo ñue raùre úriraùmana jaide; ua afémùe caùdo úrifùredùllaùmana jóonega. Afe bie úriraùma caùmo íllaza, mai nana afémùemo caù comécùillù; afémùedo caù àùnogafuiaù fáùcanocaiñeno jaàcùna rùire ñue íemo caù àùnoillù. 15Afe caùdo Juzíñamuimo úrifùredùllaùma nana caù abù ràidolle ràino iñénana onode. Ua afe caù ràino iñénamona caù féiraifùrenana afémùe onode. Ie onónamona caùmo dúecaifùrede; mei afémùe caù izoide cómena íficaillamona, nana fùeni facátafuiaùna caù cacana izói cacade íadù afe fùénidùfuiaùmo baùíñede. Iemona Juzíñamui dùne jáiredùcaù. 16Ie jira Juzíñamui illáùmana illánomo caù úrizaillù; mai omoù jacàruiñeno afe caùdo úrifùredùllaùmado Juzíñamuimo raùre úrifùreiri. Daùí íemo úriredùcaù caùna ie dúecaillano caù fùeni fùnócafuiaù ùba caùmo óñeillena; daje izói afémùe caù jitáillùruido caù canóllena, afémùemo úriredùcaù.

will be added

X\