EFESIOS 6

1Uruiaù, omoù cacai. Crístomo àùnotùnodùomoùza, o moo uai jeire omoù olle ùere jitáirede, mei afe bifue Juzíñamuimo jaàcùna jóideza. 2Bie lletara uai llua mei, Juzíñamui dáanomo ñue caù illùfue llote. Daùí nana ie lletara uáimona dama bíuaido Juzíñamui caù ñue illùfue llote. Afe llétaja uai bie izói daùde: “O moo, o ei dùga, ñue jacàruiri, 3áfedo caùmare o íllena, daje izói bie énùemo are o íllena.” 4Ja úruiaùredùno, mai omoù cácarei. O úruiaùna comécùna ràicaitañeno iri. Mei jùáùfodo rùire llétaja uaido ñue íaùoùna llófuefùreiri. Daùí íaùoùna ñue omoù móonaitari, caù Ocuíraùma Jesumo ñue íaùoù àùnollena. 5Ocuífùregano, mai omoù cacai. Bínùemo ite omoù ocuídùmùe dáùnana ñue jeire omoù oíri. Cristo ocuíllamo o táùjùna izói o táùjùtatùmùemo ráairuiñeno ñue táùjùiri. Afémùe ocuíllana ñue jacàruiri. O táùjùtatùmùe uaina nùbéfodo oñeno iri. 6O ocuídùmùe eroille llezica ñue táùjùri, daje izói afémùe iñena llezica náamonaze ñue táùjùiri. Dama ocuídùmùe eroille llezica, íocùre táùjùdùmùena iñeno iri. Afe izoide táùjùde come jamai come ióbitade. Afe izói iñeno jùáùfodo omoù iri. Cristo táùjùtagano izói, Juzíñamui comecù jitáinafuena izire omoù fùnori, afémùe omoù ióbitallena. 7Comecù ñue jitaina izói caùmare omoù táùjùri. Jamai come íena táùjùñeno, caù monamo ite Ocuíraùma íena ñue omoù táùjùiri. 8Mei ja onódùomoùza, illa dàgamùe ie ñue táùjùfùrenado caù monamo ite Ocuíraùmamona ñúefuena jùrídoite. Rairuícamùe, ráiruiñegamùe dùga dájerize nano íaùoù táùjùnaze jùrídoite. 9Ocuífùredùno, mai daje izói omoù táùjùtaganomo ñue dúecaifùreiri. Afémacùna fùeni omoù jácùdoñeno iri. Daade caù Ocuíraùma anamo nana dájena itàcaùza, omoù úibicairi. O táùjùtagano monamo ite Ocuíraùma anamo illa izói, o jùáù daje Ocuíraùma anamo itùo. Afémùe da cómena eneno maméñedeza. Illa dàgamùe dájerize mamede. Aféfuemo omoù úibicaifùreiri. 10Mei ámatùaù, caù Ocuíraùma Crístomo ite ràinodo benómona mai rùire omoù iri. Caù Ocuíraùma Jesumo omoù jaùnáinamona rùire abà omoù mameri. Mei, afémùe jamánomo ràiredeza. 11Juzíñamui lloga abù ràidua uai, ñue jeire omoù oíri, naa ie ñuera ézùcùgafuiaùri. Mei jùù, dáarie comùnù abù ràidollena ñue fuiríllena llojécuiroi jùtádiaùoù. Afe íaùoù jùta izói, nana Juzíñamui caù ràidua uai, mai jeire omoù oíri. Afe uaido Taùfe jàfuia uaina uáitaredùomoù. 12Jamai abùna maùride come dùga fuiríñedùcaù. Mei jùáùfodo fùénide jóriaù dùga fuirídùcaù. Afémacù caifo caù acónimo táùfodo macádiaùoù. Afe caù dùga fuirífùrede jóriaù nana bínùemo ite jítùfodo jaide fùénidùmacùna fùeni ocuíoide. Bínùe comànùna “Cáùedùomoù” daùíoicaidiaùoù, mei “Omoù náamadùcaù” daùífùrediaùoù. 13Ie jira Juzíñamui lloga abù ràidua uáillaùdo abà omoù rairuiri. Afe bie uaido jobáirillaruimo ñue abùna ràidoitùomoù. Daùí abùna ràidotùomoùza are ñue ràinoredùnona íitùomoù. 14Ie jira rùire omoù iri. Fuiríraùma cùraigù ife rùire tirànua izói jùzíñeno ñue ie fuiríllena, afe izói Juzíñamui lloga ua rafue jeire omoù oíri. Daje izói ñue jaàcùna omoù íllado nágarui ñue abà omoù ràidofùreiri. Afe bie omoù jaàcùna illafue, fuiríraùma jogobe ràidollena jùtaca llojeco izoide. 15Afe fuiríraùma fuirízailla llezica ie ùdaù ico rùire maùga izói, áfedo rùire ie naidáillena, afe izói Juzíñamui comécùna jacàruiñeno uai jeire omoù oíri. Afedo abùna rùire mámiano, fùénidùfuemona ómoùna anáfenoñeiteza. 16Iemona illa dàgaruillaùdo Juzíñamuimo omoù àùnogafuena féitañeno iri, mei áfedo Taùfe caùmo mameca fùénidùfuiaùna oni caitáredùomoù. Omoù àùnogafue jae fuiríraùma abù ràidollena úifùrega llojeco fùnoina escudo izoide. 17Iemo Juzíñamui lloga jíllona uai jeire omoù oíri, mei aféuai, ùfo ràidollena jùtáfùrega ùfo ico llojeco izoide. Iemo nana Juzíñamui uáillaùna mai jeire omoù oíri, mei afe Juzíñamui uai, Ñuera Joreño ómoùmo fecaca fuirira llojébùcù izóideza. 18Nana bie cue ocuícafuiaù, mai Juzíñamuimo jàcano fùnori. Jaca Ñuera Joréñodo izire Juzíñamuimo omoù jùcáfùreiri. Bie izói omoù íllena, nana bífuiaùna fáùcanocaiñeno ñue abà omoù rairuíoicairi. Daje llezica nana Juzíñamuimo jaùnáidùnomo Juzíñamuimo omoù jùcáfùreiri. 19Daje izói jùáù cuemo jùcáfùreiri; náùraùmo cue úria, Juzíñamui cue uai nabáilleza. Iemo jacàruiñeno íocùre íaùoùmo cue úrillena, Juzíñamuimo omoù jùcari, naui báinino lloga jíllona uai jino comànùmo cue fùdàtallena. 20Bie ñuera uaido comànùmo úrillena Juzíñamui orécamùedùcue. Afe uai àcoùnia, ja birui llavécamùedùcue. Iemo, bífuedo ñuera lluájitùmùe izói jacàruiñeno naùre cue úrillena, mai Juzíñamuimo omoù jùcari. 21Caù izíruiga ama Tíquico, caù Ocuíraùma Jesumo táùjùnana fáùcanocaiñeno canófùredùmùe. Afémùe nana cuemo itàfuiaùna ómoùmo jino llóite, naa jùáùe cue fùnócafuiaù dùga. 22Jira, bímùe ómoùmo orédùcue, cue illafue ómoùmo jino llóllena. Iemo jùáù áfedo omoù náùreficaillena, íena ómoùmo orédùcue. 23Moo Juzíñamui, caù Ocuíraùma Jesucristo dùga, caù ámatùaùmo ñue comecù uái illùfue ómoùna ñue onótaiteza. Daje izói Juzíñamuina ñue omoù izíruillena jùcádùcue. Ie jira Juzíñamui omoù àùnogafuena aillo móonaitaiteza daùdùcue, afe bífuiaù omoù maiñóllena. 24Nana caù Ocuíraùma Jesucrístona féitañeno izíruitùnona, Juzíñamui ñue íaùoùna ézùcùiteza. Mai; ja nùùe. Daùí íteza.

will be added

X\