COLOSENSES 4

1Ocuíraùnù, omoù anamo ite ocuífùreganomo ñue jaàcùna omoù eroiri. Afémacù jitaica raamo uibíoicana omoù ocuífùreiri. Mei monamo omoù Ocuíraùma ítena onóredùomoùza. 2Mai fáùcaiñeno Juzíñamuimo omoù úrifùreiri. Jaca afémùemo cáaoina izói úriri. Afe llezica “Fùgora” Juzíñamuina omoù daùífùreiri. 3Daje izói cáùena Juzíñamuimo omoù jùcáfùreiri, caù Ocuíraùma uaillaù ñue caù llócaillena. Juzíñamui bie izói caùna itátallena omoù jùcari. Daje izói naui comùnù fùgo ónoñega Cristo dùbénedo uai, uáfori cue llófuellena omoù jùcari, mei daùí llófueredùcueza. Naui afefue cue llua jira ja birui llavébidùcue. 4Mai omoù Juzíñamuimo jùcari, bie ñúefue cuemo dúina izói, onóreoicana jino cue llóllena. 5Crístomo àùnoñedùno càgùmo jaca ñue onódùmùe izói omoù ífùreiri. Nágarui Cristo illafue afémacùmo raùre omoù ácatafùreiri. 6Nágarui cáùmafuiaùdo úriredùo. Daje izói jaca ñue oíacanado o úriri, illa dàgamùe uai ñue o óllena. 7Caù izíruiga ama Tíquico, cuemo birui itùfue ómoùmo lluájite. Afémùe fáùcanocaiñeno ùere cue canófùredùmùe. Daje izói afémùe caù Ocuíraùma cue dùga ocuífùregamùena ite. 8Ie jira afémùena ómoùmo óreitùcue, birui caù illafue ómoùna onótallena; íemo jùáù omoù comecù náùretallena. 9Afe llezica jùáùmùe Onésimo mámecùredùmùe Tíquico dùga jáite. Afémùe caù izíruiga ama, íemo jùáù ùere àùnofùregamùe. Afémùe ómoùmacù ie. Afe íaillùnoù nana benomo ífùredùfuiaù ómoùmo llóitiaillùnoù. 10Iemo cue llavébilla llezica cue nabai Aristarco, uaillaù ómoùmo orede. Daje izói Bernabé enaize Marcos uaillaù ómoùmo orede. Marcos dùbénedo jùáùe lluáfuiaù ja onódùomoùza. Afémùe omoù méiñuaiadù, caùmare íena omoù uáidori. 11Iemo jùáù Jesús ómoùna uáidote. Afémùe jùáù Jústona mámecùredùmùe. Juzíñamui illaùma illano dùbénedo cue táùjùna llezica, daa afe bimacù judíuaùmona Crístomo àùnotùno cue canódùno. Afémacù ùere daa cue ióbitadùno. 12Iemo jùáù Epafras uaillaù ómoùmo orede. Afémùe ómoùmacù ie. Daje izói Cristo ocuífùregamùe. Afémùe ómoùena jaca izire Juzíñamuimo jùcáfùrede, fáùcanocaiñeno Juzíñamuimo omoù àùnollena. Daje izói Juzíñamui dùbénedo ñue omoù móonaillena íemo jùáù nana Juzíñamui comecù jítaina izói jaàcùna ñue omoù fùnóllena, afémùe Juzíñamuimo jùcáfùrede. 13Afémùe ùere ómoùmo comécùillana uaina nabáifùredùcue. Daje izói afémùe jùáù Laodicea jofue comànùmo ùere comécùifùrede, naa Hierápolis jofue comànùri. 14Iemo jùáù izíruiga manóriraùma Lucas uai orede, daje izói Demas. 15Iemo jùáù Laodicea jófuemo ite ámatùaù uáidori. Daje izói Ninfas daùnámùe omoù uáidori, naa ie jofomo gaùrífùrede àùnotùno dùga. 16Bie rabe omoù nana facádua mei, Laodicea Juzíñamuimo gaùríracomo facádollena omoù oreri. Daje izói Laodicéamo cue oreca rabe omoù dùné dúcùadù, nana omoù facádori. 17Jùáù Arquípomo lloiri: “Mai cacarei, Juzíñamui omo jóonega ie táùjùna mai ñue jaàcùna o fuitari,” daùíri. 18Cue Páblodùcue. Afena uafue daùíllena, bie uáidua uai dama cue ónoùdo ómoùmo cuetùcue. Onóitùomoùza, cue mei llavébidùcueza; ie jira Juzíñamuimo cue dùbénedo úriri. Juzíñamui ñue ómoùdo eróiteza. Mai daùítadeza. Ja nùùe.

will be added

X\