COLOSENSES 1

1Cue Páblodùcue. Iemo cue nabai Timoteo dùga ómoùna uáidotùcoco. Juzíñamui comecù jítaina izói Jesucristo orécamùedùcue. Afe orécamùedùcue daùíacana uai, Jesucristo ñúefuena lluájitagamùedùcue. Cue ama izóidùmùe Timoteo dùga, 2Colosas jófuemo ite féitañeno àùnofùrede ámatùaùmo bibe cuetàcoco. Omoù daje izói Crístomo jaùnáidùomoù. Caù Moo Juzíñamui ómoùmo caùmare eróicaiteza. Afe llezica Juzíñamui dùbénemo icàriñeno uái illùfue Juzíñamui ómoùmo fécaiteza. 3Omoùena Juzíñamuimo coco úrilla llezica jaca caù Ocuíraùma Jesucristo Moo Juzíñamuina “Fùgora” daùífùredùcoco. 4Mei Cristo Jesumo omoù àùnuana cócona ja fùdàtatiaùoùza. Daje izói Juzíñamuimo jaùnáidùnona omoù izíruillana cócomo llotíaùoù. 5Afe bie izói itàomoù, mei monamo ómoùmo éenoga maiñolle raamo ñue ocuíritùomoùza. Afe ómoùmo lloga ua uai omoù cacánamona, ñue ocuíritagaomoù. Afe lloga ua uai ñuera jíllona uai. 6Afe daje lloga uai náganuiaùmo llócaillado oni aillo móonaioicaide. Ua, ríganùaù llùzilla izói, ùere jebuide. Mei daje izói afe uai omoù cacana mei, omoù càgùri aillo jebuídeza. Juzíñamui caùna izíruillana omoù cacana mei, afe izíruillana ua ráfueza ja omoù onónamona, afe ñúefue ómoùmo aillo oni móonaitagaza. 7Caù izíruiga ama Epafras bie ñuera uai ómoùmo llófuete. Afémùe naui caù méifomo afe uai llúamo táùjùde. Ie jira afémùe ómoùena Cristo ñue ocuícamùe, mei afe llezica afémùe Crístomo féitañeno ùere àùnofùredùmùeza. 8Afémùe Ñuera Joreño ómoùmo comuítaga cuena omoù izíruillafue cuemo lluáùbite. 9Jira áfena caù fùdànaruimona biruimo jaca fáùcanocaiñeno ómoùena Juzíñamuimo úrifùredùcoco. Juzíñamui comecù jítainana ñue omoù onóillena afémùemo jùcáfùredùcoco. Daje izói nana jùáùforie ùfocù úrillana omoù onótallena jùcádùcoco, naa Juzíñamui dùbénedo onóigafuiaùri. 10Afe bíemona caù Ocuíraùma Jesumo jaùnáidùno illa izói, ñue íredùomoù. Mei afe izói omoù ille jitáiredeza. Daùí omoù íllamona afémùena nágarui ióbitaitùomoù. Afe afémùe ióbilla raa be nùùe: Riga llùzíllajùaù aillo illa izói, omoù fùnoca ñúefuiaù aillo omoù jebuítallena; íemo jùáù Juzíñamuina jamánomo ñue omoù onóillena. 11Daje izói nana caù ebírede Juzíñamuimo ite ñuera ràinodo omoù ñue náùreillena afémùemo jùcáfùredùcoco. Daùí jùcáfùredùcoco nana ómoùmo cómuitùfuiaùna járitaiñeno fàaicana omoù ocuíoillena. Daje izói caùmare aféfuiaùna omoù ocuíoillena ómoùena jùcádùcoco. 12Nane daùí omoù comecù náùreillamona caùmare caù Moo Juzíñamuina “Ùere fùgora” omoù daùífùreillena jùcádùcue. Mei nana afémùemo dúidùnomo ie fecalle zíiñona illùfue ómoùena batà Juzíñamui illa úzeredùnomo omoù maiñóllena, afémùe ómoùna ñue fùnódeza. 13Mei uáfueza, Taùfe ocuífùrega jítùfomona Juzíñamui caùna jíllotate. Jílluano ie izíruiga Jitó illáùmana illánomo caùna jóonete. 14Mei afémùe Jitó tàillado, caùmo ite àaùfuiaù féitajano, Juzíñamui caùna jíllotateza. 15Afe bie caù Moo Juzíñamui jaca cùóñenamùe íadù, comùnù cùónamùe izói ie Jitodo ana bite; íemona afe Jitó Juzíñamui nùùe ua izóidena caùna onótate, naa ie comecù ífuiaùri. Afe Jitó nana comuítaga ráanùaù baùmo jamánomoidùmùe. 16Juzíñamui ie Jitodo nana monamo itànuiaùna fùnótate, naa énùemo itànuiaùri. Càoide ráanùaù naa càoñena raa dùga, nana afémùedo Juzíñamui fùnoca. Mei uáfueza, daa fùéñeno, nana afe caù cùóñena ràinoredùnona naa ocuídùllaùnùri, íemo jùáù Juzíñamui abù imacù dùga, dáamùedo fùnócaiaùoù. Nana afe ie Jitodo fùnoca. Daje izói afémùe íena fùnoca. 17Mei afe Cristo nana ráanùaù naù íñenia afémùe jaca íteza. Daje izói dáamùedo nana ie fùnoca ráanùaù oni féiraiñeno ñue jaàcùna itíaùoù. 18Afe baùmo Cristo nana afémùemo jaùnáidùno afe ùfo daùnámùe. Iemo nane afémùemo àùnotùno ie abù daùnámacù. Afémùe afe bie ie abù daùna àùnotùnona zíiñona cáatatùmùe, mei afémùe tàidùnomona fueñe meine cáadùmùenaza. Afémùe daùí fueñe meine cáadùmùena jaide, nana itàfuiaù baùmo jamánomoidùmùena íllena. 19Nana Juzíñamui zíiñona illa izói, nana afe izói Cristo íllena Juzíñamui jitaide. 20Nane daje izói afe Cristo tàillado, Juzíñamui nana afémùe comuítaganuiaùna icàrafuenino dájena caùmare uái illàfuemo jóoneacade. Mei uáfueza, nana bínùemo itàfuiaù naa comùnù dùga, íemo jùáù nana monamo itànuiaùri, Cristo cruzmo tàillado Juzíñamui éoiñeno dájena caùmare uái itátaacade. 21Naui dùga àaùfuiaù omoù fànuamona Juzíñamuimona ùere jùcánemacù izóidùomoù. Daje llezica omoù comécùdo Juzíñamuina éoidùnona itàomoù. Mei íadù ja birui Juzíñamui afémùe dùga ómoùna icàrafuenino dájena uái illàfuemo jóonete. 22Cristo tàizailla llezica ie abù izi cácanado, Juzíñamui daùí ómoùna caùmare dájena uái illàfuemo jóonete. Afémùe bie izói fùnode, àaùfuenidùnona, daje izói nàùfuenidùnona afémùe uiécomo caù ie jóoneillena. Uáfueza, afémùe bie izói fùnode íeùena caù íllena. 23Bie izói uáfuena omoù íllena, fáùcanocaiñeno jaca àùnoredùomoù. Afe izói amena ana jùca jainade rùire illa izói, rùire íredùomoù. Daje llezica ñuera jíllona uaina omoù cacánamona omoù maiñoca caùmare ocuírillafuena fáùnocainidùomoù. Afe bie ñuera jíllona uai ja nágagobiaùdo llócaiga. Iemo afe izói afe llócaigamo cue jùáù canódùcue, mei afe uai llócaillena Juzíñamui jóonenocaigacueza. 24Birui omoù àcoùnia duere cue zefuíllari ióbidùcue. Mei áfedo Cristo abù daùna afémùemo àùnotùnori nana uícodo lloga naù duere cue zefuíllana ñue àcoùmo fuitáredùcue. 25Mei omoù ñue íllena Juzíñamui cuemo jóonenocaigafuedo nana afémùemo àùnotùno cánoitùmùena jáidùcue. Mei uáfueza, Juzíñamui nana comànùna llóiacaiga uai, afe uai jino cue llúana àcoùmo fuitállena jóonenocaigacue. 26Afe bie ñuera uai jaiai nùnómona ua biruimo comùnù fùgo onóñediaùoù; dùga igàmaùaù záilla méifomo afe uai naù retáiruiga raa izói joide. Mei íadù ja biruimo íeùedùnomo ja jino báifitate. 27Juzíñamui ja judíoñedùnomo afe bie naui báinino ite uai ñuera áillue cáùmafuena jino ómoùmo onótaiacade. Bie báinide uai daùna, Cristo ómoùmo illa llote. Iemo ùco jùáùruido ñue caùmare omoù illàfuemo omoù ocuírillena afémùe jino dénoite. 28Caù bie Crístona jino uáfodo llotùcaù. Afe llezica nana comànùna ñue rairuídùcaù. Daje izói nana ñúefuiaù ñue íaùoù onóillena afémacùna nana llófùredùcaù. Afe izói naga come Crístomo dájena jaùnáillamona afémùe dùbénedo ñue íaùoù móonaillena llófùredùcue. 29Bie cue fuitállena, nana Cristo cuemo iga máùriedo fúirienailla izói nágarui Juzíñamuimo izire jùcáfùredùcue.

will be added

X\