LOS HECHOS 5

1Mei jùáùmùe Ananías, ie aù Safira dùga, daa illánùe fecádiaillùnoù. 2Bímùe nano baa nùeze úcubena jeruide. Jùáùe dájeze úcubena nana ñue ite ízoi orécamacùmo izájide. Aféfuena ie aù nana ñue onode. 3Jira Pedro íena daùde: Ananías, ¿nùbái mei Taùfe o comécùna féitate, Ñuera Joréñomo taùno o llóllena? ¿Nùbái mei o illánùe nano nùeze feca ùba úcubena abùmo maiñódùo, daùí jàfueridùo? 4¿Nano fueñe afe énùe óùeñede? Jùù, óùe. ¿Afe o fécaja mei afe úcube óùeñede? Jùù, óùe. ¿Nùbái mei daùí afe fùnóllena comecù facádùo? Comànùmo taùno lloñédùo, mei íadù Juzíñamuimo taùno llotùo, daùde. 5Ie jira áfena cacáillano, Ananías énùemo baùíllano tàibicaide. Nana afefue fàdùaùbitùno ùere jacànaitiaùoù. 6Mei jira nano ba nùga jitócomùnù bite. Ie abù jabànota ie raùájidiaùoù. 7Afe mei daámani dùga horas íllamona Ananías aù jofo bite. Naù ie ùni tàillana fùdàñede. 8Jira Pedro jùcánote: Cuemo llone, ¿afe ómùcoù daùna dùeze afe énùe fecádùomùcoù? Jira afengo daùde: Jùù, áfeze. 9Jira Pedro daùde: ¿Nùbái mei dáafueritùomùcoù, Juzíñamui Ñuera Joreño o ùco facátallena? Jino batà o ùni raùájidùno bitíaùoù. Jabe daje izói ona úitiaùoù. 10Afe llezica afengo Pedro anamo baùíllano tàibicaide. Jitócomùnù jofo billano afengo tùíllana càoizaùbitiaùoù. Mei jira jino uillano ie ùni abùmo íena raùájidiaùoù. 11Nana Juzíñamuimo àùnotùno nana aféfuiaùna fùdàdùmacùri ùere jacànaitiaùoù. 12Aféruillaùdo comùnù càgùri orécamacù aillo onótate raa, cùóraùnina ráanùaù dùga fùnódiaùoù. Nana Salomón jinófenemo macáranomo gaùrídiaùoù. 13Buna jùáùmacùmona íaùoù dùga daane gaùríllana jacàruitiaùoù; mei íadù comùnù íaùoùmo ñue izire comécùidiaùoù. 14Aillo comùnù ùíñùaù rùngónùaù dájeze Ocuíraùma Jesucrístomo àùnuaùbitiaùoù. 15Uafue jamánomo àùnotiaùoù. Mei jira ùráredùno jofo abù íuemo, naa íaùoù bàiralluaùri jino bùródiaùoù. Afénomo Pedro áfedo jaille llezica afémacùmona nano dámùerie, Pedro jana anamo itábicaitiaùoù. Afedo jíllozùtiaùoù. 16Afe llezica aillo áùnomo ite jofue comùnù Jerusalemo bitíaùoù. Iaùoù ùráredùnuiaù atàdiaùoù fùénide jóriaùdo áùfedogamacù dùga. Nana jíllotagaiaùoù. 17Iemona lletáriraùnù illaùma, afémùeoùri ite saduceo imacù ùere úradoizaidiaùoù. 18Ie jira orécamacùna llaùtada afe jófuemo ite llavéracomo ùbáizaidiaùoù. 19Mei íadù Juzíñamui abù ímùe naùo llavéraco naze tuizáùbite. Jino íaùoù uánona daùde: 20Gaùríracomo omoù jai. Dùnomo naidáillano comànùmo nana bie comecù cáataite uáillaùdo úrizairi, daùde. 21Aféfuena cacáillano, afe jùáùrui monáiacademo jofo gaùríracomo jáidiaùoù. Jáillano llófuiaide. Afe llezica lletáriraùnù illaùma afémùemo itànori, Nahíllaùnù gaùríranomo gaùrídiaùoù. Afe Nahíllaùnù Israel naùraù éicomùnù. Gaùríllano llaveca orécamacù atàtatiaùoù. 22Mei íadù llavériraùnù llavéracomo dúcùillano orécamacùna baiñédiaùoù. Daa fia afefue abùdo lluáùbitiaùoù. Daùdíaùoù: 23Llavéraco ñue rùire ùbaide naa naze jinófene úiñotùnori eróiediaùoù baizájidùcaù. Mei íadù caù zuitádùcaùmo afeco eromo buna iñena, daùdíaùoù. 24Aféfuena cacáillano lletáriraùnù illaùma, gaùríraco úiñoraùnù illaùma, íemo nanoide lletáriraùnùri ùfo júdaùzite; jùcánotiaùoù: ¿Bífuiaù nùnomo jùca jálleite? 25Afe llezica daa ùima daùízaùbite; íaùoùna daùde: Llavéracomo omoù àbaicogamùiaù ja gaùríracomo comùnù llófuetiaùoù, daùde. 26Iemona úiñoraùnù illaùma naa llavériraùnùri íaillùnoù uájidiaùoù. Mei íadù duere fùnóñeno íaillùnoùna atàdiaùoù, “Comànùna nófùena caù níjùite” daùnano jacàruitiaùoù. 27Iaillùnoù átùanona, Nahíllaùnù uícomo íaillùnoùna naidánetiaùoù. Iemo lletáriraùnù illaùma íaillùnona daùde: 28Afe mámecùdo ómùcoù llófueñellena jamánomo rùire rairuídùcaù. ¿Ja mùnùca fùnódùomùcoù? Nana Jerusalén comànùmo ómùcoù llófuiafuiaù jùca jalleide. Afe llezica afe ùima tàilla àcoùnia caùmo nitáacadùomùcoù, daùde. 29Mei jira Pedro jùáùe orécamacù dùga uai ote: Juzíñamui uai jeire caù olle comùnù llogáuai baùmo ñuera. 30Caù jáiairagùma Juzíñamui Jesuna tàillanomona cáatate. Bie Jesús coráùrabùcùmo agüíneta omoù fagámùe. 31Juzíñamui caifo monamo uano nabézimo íena raùnade. Afe llezica afénomo Illáùmana jóonete. Dáanomo Jíllotaraùmana jóonete. Daùí Juzíñamui Israel náùraùmo íaùoù illafue méidollùrui jóonete, íaùoù àaùfuiaù dóllena. 32Aféfuemo uai nabáiraùmadùcaù. Daje izói Ñuera Joreño aféfuemo uai nabaide. Nana ñue cacáredùmacùmo afe Ñuera Joreño Juzíñamui iga, daùde. 33Aféfuena cacana llezica, ràicaidiaùoù. Iaillùnoùna fáiacadiaùoù. 34Mei íadù ràimacù càgùri fariseo ímùe ite. Afémùe mámecù Gamaliel. Afémùe ocuícafue llófueraùma. Nana comùnù íemo ñue comécùidiaùoù. Afémùe náidaillano ocuide: Nano dáallegoù bimacù oni jùáùnomo ui, daùde. . 35Afe meifodo ràimacùna daùde: Ùsrael comùnù, cacarei. Baimácùmo omoù fùnóllùfue abà omoù rairuiri. 36Jùáùfuemo omoù úibicairi. Naui nàgarui íllamona Teudas dúcùzaùbite. Dúcùillano daùde: “Jamánomoidùmùedùcue. Illáùmaitùcue,” daùde. Iemona cuatrocientos dàgamùe afémùedo jáidiaùoù. Mei íadù íena fatíaùoù. Nana afémùedo jáidùno ráùdozinaidiaùoù. Iemona afefue nùné táùnocaide. 37Afe mei comùnù mámecù cuiájillaruimo, Galilea ímùe Judas dúcùzaùbite. Aillo comùnù íedo jáidiaùoù. Daje izói íena fatíaùoù. Afe izói nana íedo jáidùno ráùdozinaidiaùoù. 38Ie jira bimácùna omoù fáùcanocai; afémacùna áùfuedoñeno. Mei bifue ùíñùaù íeza, fuizájite. 39Mei íadù Juzíñamui ifue, táùnocaitanidùomoù. Abù omoù rairuiri, Juzíñamui dùga omoù fuirízaiñeilleza, daùde. 40Nana ja jiéruificaidiaùoù. Mei jira orécamacù jàùritiaùoù. Iaùoù dúcùnamona íaùoùna zechénotiaùoù. Afe meífodo Jesús mámecùdo úrillana íaùoùna rairuídiaùoù. Afe mei íaùoùna fáùcanocaidiaùoù. 41Orécamacù ràimacù uícomona jino jáidiaùoù. Ióbioicaidiaùoù, mei Juzíñamui íaùoùmo ñue comecù facáoillaza. Jesudo jaùnáinamona méaifuedo duere zefuídiaùoù. 42Ie mei nágaruido Jesudo úritiaùoù. Afe izói llófueoidiaùoù. Gaùríracomo, comùnù jófuedo daje izói llófuiaidiaùoù.

will be added

X\