3 JUAN 1

1Ja éicomedùcue, ocuíraùmadùcue. Cue izíruiga nabaimo bibe cuetùcue. Bímùe mámecù Gayo. Afémùena uáfuena izíruitùcue. 2Cue izíruiga ama, ori Juzíñamuimo jùcáfùredùcue áfedo nana o fùnócafuiaù ñue móonaillena. O abù caùmare náùreillena jùcádùcue, o joreño ñue nàfuenina izói. 3O ñúefuedo macáfùrenafue dáarie ámatùaùmona cue fàdùamona, afe cuena ùere ióbitade; mei ua onódùcueza o jaca ñúefuedo macáfùredùo. 4Ua ie baùmo cue ióbillena iñede. Afe cue cacana cue jitótùaù uáfuemo comécùidiaùoù; áferi jamánomo ióbidùcue. 5Izíruiga ama, o illánomo ite ámatùaùna o canóllena fùgora. Ie mei oni jùáùnomona bite ámatùaùna o canóllena jamánomo ñuera. 6Juzíñamui mámecùdo gaùrídùmacù uícomo íaùoùna o izíruillafue jino llotíaùoù. Izire daùdùcue: Mai íaùoù cano; íaùoù jáillùruimo jitaica raana íaùoùmo ine; áfedo caùmare íaùoù jáilleza. Ua Juzíñamuimo ióbilla izói íaùoù cano. 7Mei jira afémacù Jesucristo táùjùnafuedo jáizaidiaùoù. Afe cánuana Juzíñamuina ónoñegamacùmona llàùnoñediaùoù. 8Ie jira íaùoù jitaica raana caù fùnóredùcaù, afémacùna caù canóredùcaù. Afedo íaùoù uáfuena llúana canódùcaù. 9Juzíñamui mámecùdo gaùrífùredùnomo cuegafue lluabe naui orédùcue, mei íadù Diótrefes caù ocuilla ràinona óiacañede, íaùoù càgùmo úicofiacadùmùe illa jira. 10Ie jira cue jáiadù ie fùeni mácafue jino uáfodo onótaitùcue, nana ie fùeni úrioinafue, ie táùnofuerena caùna uáitaoinafue dùga. Ie mei afe baùmo bitùno ámatùaùna afémùe llàùnoñede. Afe llezica afe bitùno llàùnoacadùmacùna rairuíllano, afémùe gaùrídùmacùmona íaùoùna jino jiude. 11Izíruiga ámatùaù, fùeni onótarafuiaùdo jáiñeno iri. Ñúefue fùnori. Ñúefuena fùnódùmùe Juzíñamui ímùe, mei íadù àaùfuiaù fùnódùmùe Juzíñamuina jaca onóñede. 12Nana comùnù Demétriori ñue úritiaùoù, mei afémùe ñue mácafue uáfori cùóideza. Danù caù nane aféfuemo ñue uai nabáiraùmacùdùcaù. Iemona uáfuena caù daùífùrenana onódùomoù. 13Ona aillo daùíacadùcue, mei íadù rabedo cúeiacañedùcue. 14Ona raùre càoillena úiñotùcue. Aféruido conima uiécomo eróicana úritùcoco. 15Comecù caùmare uái illáfuemo o iri. Benomo ite nabáiñùaù omo uai orédiaùoù. Izire daùdùcue nágamùerie coco nabáiñùaùmo conima uiécomo o uáidori. Ja nùùe.

will be added

X\