2 TESALONICENSES 1

1Cue Páblodùcue. Bie rabe Tesalónica jófuemo ite Juzíñamuimo gaùride ámatùaùmo cuetùcue. Benó cue dùga ite cue nabai íaillùnoù Silvano Timoteo dùga dáabemo caù uai cuetùcue. Caù Moo Juzíñamuimo jaùnáidùomoù. Daje izói caù Ocuíraùma Jesucrístomo jaùnáidùomoù. 2Ñue caù Moo Juzíñamui ézùcùgafuiaùmo omoù iri. Daje izói Juzíñamui fecaca comecù ñue uái illáfuemo omoù iri. Caù Ocuíraùma Jesucristo fecaca ézùcùgafuemo daje izói caùmare omoù iri, ie comecù ñue uái illafue dùga. 3Amatùaù, ómoùri Juzíñamuina “Ùere fùgora” daùífùredùcaù. Daùí ómoùna caù daùíllùfue ñue jaàcùna jóide, omoù àùnogafue oni aillo móonaioicailla jira. Danù conímaùaùna jamánomo ñue izíruioicaidùomoù. Iemona áferi Juzíñamuina ”Aillo fùgora” daùífùredùcaù. 4Ua omoù ùere àùnogafue jùáùe Juzíñamuimo gaùrídùnomo aféfueri ióbioicana úritùcaù. Jùáùmacù, Jesumo àùnoñedùno, jacùre omoù duere fùnóllena racádiaùoù. Mei íadù afe duere omoù zéfuillafue càgùri, ñue comecù jaríreiñenafue jino càotatùomoù naa ñue omoù àùnogafuiaùri. 5Ja duere fùnótagamacùdùomoù, mei íadù Juzíñamui ómoùmo ñue comécùide ie illáùmana illàruimo ñue nàùfuenino omoù dúcùillena. Bífuemona Juzíñamui jùcánuafue ñue jaàcùna jóinana jino náùraùmo càotate. Afe Juzíñamui illáùmana illàruido duere fùnócaomoù. 6Mei Juzíñamui ñue jaàcùna fùnódùmùe, omoù duere fùnódùno ùbana duere íaùoùna fùnótallena. 7Ua caù izói duere fùnócamacùdùomoù, mei íadù Juzíñamui caù izói ómoùna caùmare ocózinaitaite. Ua caù Ocuíraùma Jesucristo bínùemo càocaillùruimo, afémùe caùna caùmare ocózinaitaite. Aféruimo afémùe ie jamánomo rùírede abù imácùri monámona càocaite; ua réùcùaù izoide càgùdo càocaitiaùoù. 8Juzíñamuina onóacañedùno Jesucristo íaùoùna duere fùnótaùbite. Daje izói caù Ocuíraùma Jesucristo ñúefuena jeire óiacañedùno duere fùnótaùbite. 9Nana afe fùénidùmacùna jaca nùnomo jílloñeno duere íaùoùna fùnótaite. Ua caù Ocuíraùma uiécomona jùca nùnomo dótaite. Afémùe ebire illánomona jùca nùnomo íitiaùoù. Ie ràinona ónoñeitiaùoù. 10Aféruido Jesucrístomo jaùnáidùno íena “Ùere fàgomùe” dáùitiaùoù. Daje izói nana ie uaimo àùnotùno íena caùmare ióbitaite. Ja ómoùmo caù llogáfuena ñue àùnotùomoùza. 11Bifue jira ómoùri Juzíñamuimo comecù úrifùredùcaù. Omoù nàùfuenino illafue Juzíñamuimo jùcáfùredùcaù, Jesucristo jàùrigamacùna omoù illa jira. Daje izói nana omoù comecù jitaina ñue illùfue, ñue àcoùmo Juzíñamui ràinodo fuitállena jùcádùcaù. Afe izói Juzíñamui uai omoù jeire úamona fùnócafuiaù fuitállena Moo Juzíñamuimo jùcádùcaù. 12Bífuemona caù Ocuíraùma Jesucristo mámecù omoù nàcùdogafuedo ñue caùmare úibicaitaite. Afe ùbana caù Moo Juzíñamui caù Ocuíraùma Jesucristo dùga ómoùna izíruillamona ñúefuiaù ómoùmo nítaite.

will be added

X\