2 JUAN 1

1Ja éicomedùcue; ocuíraùmadùcue. Ja Juzíñamui nùzeca cue mirùngo izóidùngodùo. Bie rabe ómoùmo cuetùcue naa o úruiaùri. (Bimacù iglesia daùna Juzíñamuimo gaùrífùredùno.) Naa o dùga afémacùna uáfuena izíruitùcue, mei dama cúeñedeza. Nana uáfuena onódùno daje izói afémacùna naa ori izíruitiaùoù. 2Ñue uafue àcoùnia ómoùna izíruitùcue. Afe uafue caù comécùmo ite; ie mei afefue jaca nùnomo caùri iite. 3Moo Juzíñamui ie Jitó caù Ocuíraùma Jesucristo dùga, ómoùna cáùmacaitaite. Afémùe dúecaillano jamánomo izíruillafuena ómoùmo llóite, naa comecù caùmare uái illafue dùga. Izíruillafuemona uáfuena nana aféfuiaùna caù onótate. 4O jitótùaùmona dáarie uafue daùna izói mácana fùdàdùcue. Afefue cuena ióbitade, mei Moo Juzíñamui daùí caù ocuídeza. 5Mirùngo izóidùngo cacarei. Ja birui omo izire jùcádùcue conímana caù izíruillena. Bie omo cuegafue comue ocuícafueñede. Mei íadù afefue nanómona caùmo ite. 6Bie izíruillafue daùíacade Juzíñamui ocuilla izói caù fùnóllena. Ja nanómona omoù cacana izói afe ocuícafue daùde: “Izíruillafuedo omoù macari.” 7Mei jùù, aillo jàfueridùno bie énùedo macádiaùoù. Afémacù Jesucristo ua come izói bíllana uáitatiaùoù. Daùítadùmùe jàfueriraùma. Afémùe Crístona uáitaoide. 8Afémùemona abù omoù rairuíoiri o táùjùnamona oga comecù ñúefue táùnocaiñeillena. Iemo jùáù afémùemona abà omoù rairuiri nana o táùjùna ùba ñue Crístomona jaàcùna óllena. 9Nàùmùe Cristo llogáfuemo comécùñeno nùbéfodo jáidùmùe, afémùe comécùmo Juzíñamui iñede. Mei íadù Cristo llogáuaimo comécùidùmùe comécùmo Moo Juzíñamui ite, ie Jitó dùga. 10Dámùe ómoùna llófuiaùbiadù, íemo bie Cristo llogáfuena atàñeniadù, íena uáidoñeno, jofo eromo llàùnoñeno omoù iri. 11Iena uáidotùmùe, afémùe lloga àaùfue dáafuena llàùnoiteza. 12Omoùna aillo daùíacadùcue, mei íadù rabedo cúeiacaiñedùcue. Omoù danù conima uiécomo cue úrizaillena úiñoitùcue. Afe daùí caù cáùmafue jaàcùna íficaite. 13Omoù ebuño izoide benomo ite iglesia daùna Juzíñamuimo jaùnáidùno daje izói Juzíñamui nùzécamacù. Afémacù omo uai orédiaùoù. Ja nùùe.

will be added

X\