1 CORINTIOS 2

1Ie jira omoù cue zúucaitaùbiñellena maméritùcue. 2Mei omoù zúucaitadùcuenia ¿mei bu cuena ióbitalle? Cue zúucaitadùno danù cuena ióbitalle, mei íadù cue dùnena ómoùna zúucaitaacañedùcue. 3Ie jira naui ómoùmo cue cuegábemo cue daùna izói cuetùcue. Omoùna zúucaitaùbiacañedùcue. Mei jùáùfodo cuena ióbitaredùomoù. Mei naui aféruimo uáfuena onódùcueza, cue caùmare illarui omoù caùmare íitùomoùza. 4Omoùmo naui cue orécabe cue cuia llezica, ùere cue comecù zúurenari éedùcue. Mei íadù omoù zúucaillena afébena cueñédùcue. Mei jùáùfodo ómoùna ùere cue izíruillana omoù onóillena cuetùcue. 5Mei íadù ómoùmo rùire úriacañedùcueza bie izói dáùitùcue. Dámùe fùeni illa dama cuena zúunaitañedeza, mei jùáùfodo cue baùmo nana ómoùna zúunaitade. Daùí daùdùcue ùere ràifuena jáiñeilleza. 6Omoù gaùrilla llezica afe cómemo omoù mameca duere fùnóllùfue ja fùgo báiteza. 7Mei benómona afémùemo jùáùfodo úriredùomoù. Naui ie fùnoca fùénidùfue omoù féitano caùmare íena omoù uáidori. Daje izói íena dúecairedùomoù, aillo ie zúunaillamona afémùe jamánomo anado fùeni jáiñeilleza. 8Ie jira ómoùmo izire jùcádùcue, afémùe omoù izíruilla meine abùdo íemo omoù onótallena. 9Naui uícodo bifue dùbénedo ómoùmo cuetùcue. Naui omoù cue llófuiana nùbaù jeire óitùomoù, nùbaù jeire óñeitùomoù; áfena cue onóillena ómoùmo cuetùcue. Daje izói, omoù comecù ifue onóillena afébedo ómoùna facátatùcue. 10Mei ja benómona, ómoùna fùeni fùnódùmùe omoù caùmare uáidoia, cue daje izói caùmare íena uáidotùcue. Meita afémùe fùeni fànuado cúemona nùno féitalle fùénidùno íadù, aféfuena féitatùcue. Uáfueza ñue ómoùna canóllena Cristo eróicana aféfuena féitatùcue. 11Mei afe zúunaitagamùe raùre abùdo íena caùmare uáidoredùcaùza, afe zúufuedo Taùfe raùre íena ana úiñeillena. Mei Taùfe comànùna bífuefùrena uaillaù ñue onódùcaùza. 12Jesucristo lloga uai Troas jófuemo jino cue lluáùbilla llezica, caù Ocuíraùma áillomacù cuena jiéruitajamona Juzíñamui cue ocuilla táùjùnafuena uáfodo caùmare fuitáredùcue. 13Mei íadù Coríntomona bíacade cue ama Tito afémùe cue cùóñenamona cue comecù uái iñede. Mei jira Troas imácùna facádonocaillano, oni Macedonia énùemo íena jénuaidùcue. 14Juzíñamuina ùere fùgora daùífùredùcaù; mei Cristo nana éoidùnona anáfenua izói, Juzíñamui dáfeodo, Cristo dùga, nágaruillaùdo caùna úicaiteza. Afe llezica ziórede raa caùmare jállia izói, afe izói Juzíñamui Crístona onóillùfuena caùdo nágagobiaùdo jùca jalléitate. 15Cristo Juzíñamuimo fecaca ziórede ugucù izóidùnodùcaù. Nana jílloitùnomo jallédùcaù, daje izói nùné féiraitùnomo jallédùcaù. 16Afe nùné féiraitùnomo tùtade jucui izói ùáùre jállecaide. Mei íadù jílloitùnomo caùmare íocùre cáatate jállia izói jállecaide. Bie Juzíñamui ebire mamérillafue, ¿bífuena bu mei ñue llàùnorena? Juzíñamui cuena cánua izói canóñenia jaca buna fùgo llàùnonide. 17Juzíñamui uaillaù jùáùmacùmo fécano úcubena llàùnoñedùcue. Afena jaca raiñóñeno llócaidùcue. Jùáùmacù úcube óllena afe uai jùáùfodo méidua izói méidoñedùcue. Mei jùáùfodo Juzíñamui orécamùe izói, afémùe eróicana jùáùma jàfueñeno uáfodo úritùcue.

will be added

X\