1 CORINTIOS 11

1Abùna onóñedùmùe izói due jiza úritùcueza. Raùre cue uai oñeno fàaicana cue úrillamo ómoùna cacáretaacadùcue. Mai fàaicana abà cue àùnuamo omoù cácarei. 2Omoùna ùere uríoifùredùcue. Afe omoù cue uríoilla Juzíñamuimona comuide. Dámùe ie áùreiacania jétañega jitaùngo óllena jùca ia mámiano jùcánote. Afe jùcánogango daa afémùemo ùníreirede. Mamécaruimo afengo moo aféngona izájite. Afe izói Crístomo ómoùna cue izájillena ja Crístodo mamédùcue. Ie jira ómoùri ùere uríoidùcue. 3Mei comùnù nánoidùngo Evana jaio bífuiano jàfuia izói, afe izói jùáùmacù ómoùna bífuiana jacàruitùcue. Afemona fùgo abà omoù ráiruiñenia jàfuefitùomoù. Iemona Crístomo ñuera comécùdo omoù comécùillana oni jùáùfodo féitaitiaùoù. Daje izói Crístona nahí omoù izíruillana féitaitiaùoù. Afena jacàruitùcue. 4Cue llócaiga Jesús izóiñedùmùena ómoùmo llotíaùoù. Afemo fàaicana caùmare ñue cacáreidùomoù. Afemo nùbaù omoù àùnollena jacàruitùcue. Iemo naui ómoùmo cue lloga o maiñoca Ñuera Joreño izóiñedena jùáùfoide joréñona abùmo maiñódùomoù. Iemo jùáù uícodo cúemona omoù cacana ua jíllona uai izóiñedena jùáùfoide uai jeire otàomoù. 5Birui baie omoù càgùdo jáillamacù “Caù bie Cristo orécamacù baùmo ñúemacùdùcaù,” daùdíaùoù. Mei íadù afémacù jofófenemo ráifiñedùmùedùcue, daùí comécùidùcue. Iemona ¿nùbái mei cuemo cacáreñeitùomoù? 6Mei nùbaù cue úrilla uai fùgo jínoñeniadù, naù cue onoiga rafue jino llúana dùbénedo ùere baitádùmùedùcue. Nana ómoùmo cue llócaillado afe bie cue onóigafuiaùna jaca nágarui jino ómoùmo ácatafùredùcue. 7Jíllona uai ómoùmo raiñóñeno cue llúado, omoù anamo cue abùna itátatùcue. Daùí itùcue cue baùmo ñúefuedo omoù jalléillena. Daùí cue illa ¿nùbaù fùénide? Daùítañede. 8Jùáùe Juzíñamuimo jaùnáidùno omoù cue canolle úcube ùbádiaùoù. Omoù càgùri cue íllena afe úcube cue llàùnua afémacùmona cue baùroca izoide. 9Omoù càgùri cue illa llezica, cue jitaica raana ite. Mei íadù áfena jaca ómoùmona raiñóñedùcue. Aféruillaùdo Macedóniamona bite caù ámatùaù, cuemo iñede raana fecádiaùoù. Afe daùí cue abùna rairuídùcue, omoù càgùmo nana cue fùnócafuiaù ómoùmo juare zúiñeillena. Iemo naui cue illa izói, afe izói omoù càgùri jaca daùí ífùreitùcue. 10Cristo ñúefue ua cue onona izói, afe izói nane jùáùfuena ua onódùcue. Afefue bie izói daùde: Nana Acaya énùedo raiñóñeno táùjùfùreitùcue. Afe cue táùjùna cue raiñóñenari cáùmacaitùcue. Iemo afe cuemo ite cáùmafue buna cúemona báùroñeite. Afena uáfodo onódùcueza. 11¿Nùbái mei daùí úritùcue? ¿Nùbaù ómoùna cue gáùñenado daùí úritùcue? ¡Ieñede! Omoùna ùere cue gáùnana Juzíñamui ñue onode. 12Mei íadù jaca cue fànua izói fùnóicaitùcue, cuena uáitatùno abà àùnotañeillena. Jaca ómoùmo raiñóñeno táùjùfùreitùcue, baie abà àùnotùno íaùoù abù àùnua raa cue baùróllena. Afémacù úcubena ómoùmona izire jùcáfùrediaùoù Cristo ua orécamùena cue illa izói íaùoù íllena. Mei úcube íaùoù ófùrenamo àùnotiaùoùza, áfedo “Cristo orécanodùcaù” daùíllena. Ie jira afe íaùoù àùnoga uai oni caitáacadùcue. Iemona jaca raiñóñeno ómoùna canófùreitùcue. 13Baie afémacù Cristo óreñega ùere taùno llotùno. Daje izói afémacù jùáùmacùna jàfuefùredùno. Iemo jùáù afémacù come jùfeia jùáùfo eroina izói, Cristo orécamacùna comànùna íaùoùmo comécùitaacadiaùoù. 14Afe bie jùáùfodo afémacù eróinafue cáùmona jánaùñede, mei dama Taùfe egáiñote Juzíñamui abù ímùena eróillena méidoficaideza. 15Ie jira, Taùfemo táùjùtagano ie méidoficailla izói méidoficaifùrediaùoù; afe jùáùfoide raa ízoiñede. Iemona jùfeide come eroina izói bimacù ñue ite comànùna eróillena abùna jùáùfodo méidotiaùoù. Mei íadù íaùoù fùnócaiga fùénidùfue dúina dùeze afémacù táùnocaitiaùoù. 16Nane dáanomo ómoùna dáùitùcue: Bie jabo abù cue àùnuamona cue úrillamona bu cuena “Uáùritaidùmùedùo” daùíñeno iri. Mei íadù daa come daùí comécùdo daùíadù, dama uáùritaidùmùe izói úritùcueza fia omoù eroiri, áfedo jabo abà cue àùnollena. 17Afe bie abà cue àùnua uaina, caù Ocuíraùmamo ite ràinodo cuena daùí daùítañede. Mei jùáùfodo dama uáùritaidùmùe izói úritùcueza. 18Mei danù íaùoù daùna ñuera uaido abà àùnotùnuiaù aillo íteza; afe íaùoù taùno abù àùnuana izói, afe izói abù àùnoitùcue. 19Omoù zánuano dáùitùcue, omoù jamánomo baitádùnodùomoùza, mai uáùritaidùmùe izói cue úrillamo caùmare fàaicana omoù cácarei. 20Mei ómoùna baie rùire táùjùtatùnona caùmare fàaicana cacáreidùomoù. Iemo jùáù ómoùmo ite raana báùruaùbitùno uaimo caùmare fàaicana cacáreidùomoù. Iemo jùáù ómoùna náamataùbitùno uaimo fàaicana caùmare cacáreidùomoù. Iemo jùáù omoù jámairuitùnomo caùmare cacáreifùredùomoù. Iemo omoù uiécona fatade izóidùno, afe nùù ómoùna fùeni úritùnomo fàaicana caùmare cacáreidùomoù. 21Bie izói cue daùna cuena meáiruitade, mei íadù dama cue jámairuillado dáùitùcue, cue bie afémacù fànua izói, cue fùnóllena fùgo ràinidùcue. Mei íadù aillo jùáùe comùnù jacàruiñeno daùífùrena izói, cue jùáù jacàruiñeno dáùitùcue, mei íadù áfedo uáùritaidùmùe izói úritùcue. 22¿Meita afémacù hebreo imacù? Cue jùáù daje izóidùcue. ¿Meita afémacù Israel naùraù iédiaùoù? Cue jùáù daje izóidùcue. ¿Meita afémacù Abrahámona comuídùno? Cue jùáù afémacù izóidùcue. 23¿Meita afémacù Cristo táùjùtagano? Cue bie afémacù baùmo Cristo ocuícamùedùcue. . Cue bie afémacù baùmo jamánomo táùjùdùcue. Cue bie afémacù baùmo zéchedogacue. Daje izói afémacù baùmo llavécacue. Iemo dùga ícaiño tùtáacagacue. 24Jubekuiro dàgacaiño judío naùraù duere cue fànua llezica, cuena zechénotadiaùoù. Nágarui duere cue íaùoù fànua dáruido treinta y nueve dàgacaiño cuena zechénotiaùoù. 25Iemo dacaiñoámani cuena ragüízùdo fatíaùoù. Iemo dácaiño nofàcùaùna cuena níjùdiaùoù. Iemo dacaiñoámani cue jailla áillue nocáe buide. Iemo dácaiño caù buíllamona daa naùo daa mona dùga afórede monaillai càgùmo itùcue. 26Dáanori uái iñeno ùere macáfùredùcue. Iemo dùga imani jacàredùnuiaùmo itùcue, íemo jacàrede meràrifùredùno càgùmo itùcue, íemo dama cue comànù jacàredùfuiaù càgùri itùcue naa jùcánemacùri. Iemo áillue jofue càgùmo ite jacàredùfuiaù càgùmo itùcue. Daje izói áillue naùraù jinomo ite jacàredùfuiaù càgùmo itùcue, íemo jùáù monáillaimo jacù cácadùcue. Iemo jùáù taùno ámatùaù càgùmo jacù cácadùcue. 27Daje izói juárede táùjùnamo itùcue naa féiredùfuiaùri. Dùga ícaiño mona naùo dùga ùnàñeno táùjùdùcue. Daje izói ùere jufi cácadùcue, íemo jùáù jaùnoi iñénari duere zefuídùcue. Dùga ícaiño Juzíñamuimo comecù fácano güiñeno jáicadùcue. Daje izói rólliemo duere zefuídùcue. Daje izói ùnícuironino jáicadùcue. 28Nane bífuiaù baùmo jùáùfuiaù cuemo comuide. Nágaruillaùdo náganuiaùmo ite Juzíñamuimo jaùnáidùnomo cue comecù úicaide. Iaùoùna abàoidùcue izói duere zefuídùcue. 29Iemona daa come fùgo Juzíñamuimo ie àùnoñenamona duere zefuíadù, afe cuena duere zefuítate. Daje izói dámùe àaùfuemo comecù nùne féiacaniadù, cue comecù nùné féizailla izoide. Iemona afe cuena meáidaitade; daje izói cuena ràicaitade. 30Mei afémacù táùnodo cuena abà àùnotaadù bie izói dáùitùcue: Cue maùríñenana jino ácatate raado ñue cue úrillena baùmo gáùdùcue. 31Caù Moo Juzíñamui bie cue daùna ua uaina onode. Afémùe caù Ocuíraùma Jesucristo Moo; íemo jùáù afémùe jaca nùnomo ióbioitaregaza. 32Naui Damáscomo cue illa llezica afe naùraù jabóidùllaùma naga nazemo úiñoraùnùna jóonete, llaùtada cue llavéllena. Afe naùraù nahíllaùma Areta mámecùredùmùe. 33Mei íadù jùáùe Juzíñamuimo àùnotùno, eróirafomona cùràgaùdo cuena ana agüínetiaùoù; mei afe jofue onífene cùrànua raa caifo jùcado íteza. Daùí afémacùmona botada jíllodùcue.

will be added

X\