1 CORINTIOS 1

1Páblodùcue. Juzíñamui comecù jítaina izói Jesucristo orécamùedùcue. Timoteo cue dùga illa llezica, Coríntomo ite Juzíñamuimo jaùnaide ámatùaùmo bibe cuetùcue. Daje izói Acaya énùemo ite nana Juzíñamuimo dúidùnomo bibe cuetùcue. 2Caù Moo Juzíñamui, caù Ocuíraùma Jesucristo dùga ómoùna ñue ézùcùiteza. Afe llezica ñue uái illano dùbénemo Juzíñamui Jesucristo dùga ómoùna jóoneiteza. 3Caù Moo Juzíñamuina ióbitaredùcaù, mei afémùe caùna dúeruite Mooza. Daje izói afe Juzíñamui ùere caùmo dúecaifùrede. Afémùe caù Ocuíraùma Jesucristo Moo. 4Nana duere caù zefuilla llezica, afémùe caùmo dúecaifùrede. Afémùe caùmo dúecaide, afe izói jùáùe duere zefuídùnomo caù dúecaillena. Afemona Juzíñamui caùmo lloga dúecaillafue jùáùmacùmo llóredùcaù. 5Mei Cristo duere zefuíllafue dùbénemo caù nabaia izói, afe izói Crístodo caùmo ùere ie dúecaillafue jeire óitùcaù. 6Ie jira, nùbaù dama duere cue zefuía, bie ómoùna cue canóllena. Iemo nùbaù Juzíñamui cuemo dúecaiadù, áfedo daje izói dúecaillafue, naa jíllonafue dùga óitùomoù. Iemona daje cuemo comuide duere zefuíllafue ómoùmo comuíadù, raùre járitaiñeno áfemo fùa ocuíriredùomoù. 7Omoù dùbénemo uáfodo onóigafuemo ñue àùnotùcue, mei ñue onódùcueza daje zefuíllafue dùbénemo omoù illa dùeze, afe izói Juzíñamui fecaca dúecaillafue óitùomoùza. 8Amatùaù, Asia énùemo cuemo comuide féiredùfuiaùna ómoùmo fùdàtaiacadùcue. Afénomo cuemo comuide rùírede facátafue ùere jamánomoideza, áfena ocuínidùcue. “Nùbaù bífuemona jílloñeno benó tàitùcueza,” daùífùredùcue. 9Aféruimo méinellena llavécamùe abù izói cue abù cacaide. Mei íadù tàidùno meine abùdo cáatate Juzíñamuimo cue àùnuana cue onóillena, afe zuufue cuemo comuide. Dama cue abà àùnoñeillena cue llófuete. 10Aféruimo Juzíñamui afe ùere jacàrede tàillafuemona cuena jíllotate. Afémùe naù birui jaca cuena jíllotaoicaide. Daje izói uíreitùruillaùdo afémùe aféfuemona cue jíllotallemo ocuíricaidùcue. 11Uáfuena, cuedo Juzíñamuimo omoù jùcáfùreiadù afémùe cuena jíllotaite. Aillo comùnù cuedo Juzíñamuimo úriadù, aillo íena ióbitaitiaùoù. Juzíñamui cue ézùcùa ñúefuiaùri íena ióbitaitiaùoù. 12Daa cue comécùdo onóigafueri ùere ióbidùcue. Afefue bie izói jóide: cue comecù úrilla uai nàfuenino bínùedo cue mácajana llote. Daje izói Juzíñamui eróicana jùáùmana jàfueñeno cue mácaja llote. Omoù càgùri bie izói rùire itùcue. Juzíñamui caùmare cue cánuado daùí itùcue. Dama cue fùbíllafuedo daùí iñédùcue. 13Omoùmo cue cuegábiaùmo báinino lloga uaina iñede. Omoù facádoia onoille raa ja uáfodo cuega. Nane jùáùfuena ñue omoù onóillemo ocuíridùcue. 14Aféfuena jabo onódùomoù. Afefue bie izói dáùiacade: Caù Ocuíraùma Jesús billàruimo ómoùri caùmare abù cue àùnua izói, afe izói cueri caùmare abù àùnoitùomoù. 15Nana bífuiaù ùere cue jiéruillamona, omoù eróizaillena fueñe maméritùcue. Daùí ménacaiño omoù cue éroizailleri ióbitùomoù. 16Macedonia énùemo cue jaille llezica omoù jarire cue méiñonocaillena comecù facádùcue. Afe mei Macedóniamona abùdo cue bille llezica nane dáanomo omoù cue éroizaillena maméritùcue. Afe daùí afe méifomo judéamo cue jaille llezica cuena cánoitùomoùza. 17Bie cue mamérillafuiaù comecù cue faca llezica, ¿cuena nùbaù jùáùfodo raùre méidofùredùmùe izoide daùdàomoù? Bie énùemo ite fùénidùno mamérilla izói nùbaù cuena mamérite daùdàomoù. Afémacù “Jii” daùdíaùoù; íemo méifodo daje llezica “Dama ite” daùífùrediaùoù. 18Mei íadù Juzíñamui uáfuena daùífùredùmùe illa izói, afe izói táùnona “Jii,” íemo “Dama ite” dáaruido ómoùna daùífùnidùcue. 19Mei Juzíñamui Jitó Cristo Jesús jaca táùnona “Jii,” íemo “Dama ite” dáaruido daùífùnideza. Iemo Silvano, Timoteo, íemo cue, Cristo daùna uaillaù omoù càgùri llotùcaù. Nana Cristo lloga uai táùnoñedeza, ua uai. Ie dáùnana méidofùnide. 20Mei afémùedo nana Juzíñamui uícodo llogáuai ñue jaàcùna zúideza. Ie jira Juzíñamuina caù ióbitaja llezica, Cristo Jesudo “Daùítadeza” daùífùredùcaù. 21Iemo jùáù Juzíñamui ómoùna naa caùri Crístomo rùire jaùnáitate, nana caù àùnogafuemona oni jùáùfodo caù báùiñeillena. Daje izói afémùe ie táùjùnafuemo ñue caùna jóonete. 22Juzíñamui ie Ñuera Joreño caùmo íllado caùna dama íeùena mamede. Afe ie Ñuera Joreño caùmo íllamona ùco jùáùruido Juzíñamui caùmo fecállùfuena caù llàùnollena uáfodo onódùcaù. 23Mei jùáùfuemo omoù comécùiri. Omoùna duéruitùcueza, ómoùna duere cue fànoñeillena, uícodo cue mamérilla izói naù ómoùmo biñédùcue. Juzíñamui afe bie cue uaina nabáillena jùcádùcue, aféuai uafue daùíllena. Cue daùna uai uáfueñenia, Juzíñamuina abà fatátaitùcue. 24Omoù àùnogafuena rùire ocuíacañedùcue, mei omoù àùnogafuedo Jesucrístomo ñue rùire jaùnáidùomoùza. Mei jùáùfodo conímamo táùjùna izói, omoù ùere aillo ióbillena ómoùna canóacadùcue.

will be added

X\