1 TESALONICENSES 3

1Mei jira afe baùmo are cue úiñonidùcue. Ie jira benó Aténasmo dama cue illàfuena maméritùcue. 2Afe llezica caù ama Timoteo ómoùna eróizaitadùcue. Afémùe Juzíñamui ñue táùjùtagamùe. Afémùe caù dùga Jesucristo ñúefue jino llúamo táùjùde. Omoù àùnogafuemo ómoùna ñue rùire naùre itátaite. 3Iemona ómoùmona buna baie duere omoù fùnóinamona omoù àùnogafuena féitañede. Mei afe bie zúufuiaùdo duere caù fùnóbille jitáirede. Afena onódùomoùza. 4Afe emódomo naui ómoùri caù illa llezica afe duere caù zefuíllùfue ómoùmo llotùcaù. Afe daùí ómoùmo ja íficaide. Ja onódùomoùza. 5Ie jira áfena ja ùere cue ocuíñenamona, omoù àùnogafuedo mácajana jùcánotadùcue. Mei Taùfe ómoùna fùénidùfuemo baùítate izóinamona cue comecù jacàruioide. Daùí caù táùjùna táùnomo jùfánofide izoide. 6Mei íadù ja birui Timoteo Tesalónicamona meine dúcùde. Afémùe ñue omoù àùnuafue izíruillafue dùga caù lluáùbite. Caùna izíruillano caùmo omoù uibíoinafue Timoteo lluáùbite. Ie mei ómoùna caù cùóacana izói caùna ùere cùóacadùomoù; daùí Timoteo caùmo lluáùbite. 7Iemona aillo duere caù fùnóinafue illa llezica omoù àùnogafuedo ñue jaàcùna omoù mácajana fùdàdùcue. Aferi caù comecù ùere ñue fàrazite. 8Caù Ocuíraùmamo ja birui ñue jaùnáidùomoù. Afena caù onónamona caùmo cómofuena comuide. 9Ua ómoùri ùere ióbidùcaù. Juzíñamui uiécomo caùna ùere ióbitadùomoù. Afe aillo cáùmafueri Juzíñamuina ùbana “Ùere fùgora” fáùcanocaiñeno daùíredùcaù. 10Mona naùo dùga conima uiécomo eróicana ómoùmo caù úrillena Juzíñamuimo izire jùcádùcaù. Afe llezica omoù àùnogafuemona naù fùébide uai jaàcùna caù fuitállena Juzíñamuimo jùcádùcaù. 11Omoù caù eróizaillena daa caù Moo Juzíñamui naa caù Ocuíraùma Jesucrístori caù canóllena jitáidùcaù. 12Omoù àùnogafue oni móonaillena caù Ocuíraùmamo jùcádùcue. Afe izói conímana omoù izíruillena jùcádùcue; daje izói naa jùáùmacùaùri. Omoùna caù izíruilla izói mai nana jùáùmacùna omoù izíruiri. 13Omoù comecù jaàcùna jóonellena jùcádùcue. Daje izói caù Moo Juzíñamui uiécomo omoù nàfuenillena ñue fùnócafue jùcádùcue. Iemona caù Ocuíraùma Jesús billàruimo méairuiñeitùomoù. Aféruimo nana íemo jaùnáidùno afémùe dùga bené biite.

will be added

X\