1 JUAN 4

1Bie énùe táùnofuiaù llotànona oruízaideza. Afémacù “Juzíñamuido úritùcaù,” daùdíaùoù. Izíruiga ámatùaù, ¡omoù cácarei! Naga “Juzíñamui dùbéfodo úritùcaù” daùdàmùena àùnoñeno iri. Mei íadù íaùoùna facátari, nùùe joreño íaùoùmo íllana onóillena, Juzíñamui ie, nùbaù íeñede. 2Juzíñamui Joréñona itàmùe omoù onóillùfue llóitùcue. Nágamùe Jesucristo ua cómena bínùemo bite jino onótatùmùe, afe cómemo Juzíñamui Joreño ite. 3Mei íadù daùí jino onótañedùmùe Juzíñamui Joréñoñedùmùe. Afémùemo Crístona uáitafùrede jóriaù ite. Afe izóidena fùénide jóriaù bíllena ja cacádùomoù. Mei afe jae bie énùemo ite. 4Jitótùaù, omoù Juzíñamui iédùomoù. Omoùri itàmùe baùmo ràinorenamona, afe táùnofùredùnona jae anáfenodùomoù, mei íaùoù daùnáfuiaù omoù àùnoñena jira. Bínùemo ite táùnofùredùnori itàmùe jabóidùmùe. 5Afémacù Juzíñamuina bacáuairedùnomo jaùnáidùno, ie jira Juzíñamuina bacáuaido úritiaùoù. Iemona bínùemo ite Juzíñamuina àùnoñedùno afémacùmo cacáreidiaùoù. 6Mei íadù caù Juzíñamui iédùcaù. Juzíñamuina onódùmùe caùmo cacáreide. Mei íadù Juzíñamui íeñedùmùe caùmo cacáreiñede. Afedo uafue uaina llófueinafuena onódùcaù; daje izói jàfuetena llófueinafuena onódùcaù. 7Izíruiga ámatùaù, conímana caù izíruilla jitáirede; izíruillafue Juzíñamuimona bíteza. Nana izíruillafuiaùredùno Juzíñamui jitótùaù. Afe llezica Juzíñamuina onódiaùoù. 8Juzíñamui jamánomo izíruillafuiaùna oruídùmùe, ie jira izíruillafuenidùmùe Juzíñamuina onóñede. 9Juzíñamui daade ie Jitó ana énùemo orede afémùedo cáananona caùmo íllena. Afedo ie caùna izíruillafue caùmo ácatate. 10Afe óriado uáfuena izíruillafuena caùna fùdàtate. Juzíñamuina caù duéruia nahí izíruillafueñede. Mei íadù afémùe caùna dúecaillano cáùconi ie Jitó ória, afe nahí izíruillafue. Ua Juzíñamui caù fùénidùfuiaù àcoùnia caù jùáùnona duere fùnóllùmùena ie Jitó orede. 11Izíruiga ámatùaù, Juzíñamui daùí caùna izíruillamona, afe izói conímana caù izíruillafue jitáirede. 12Juzíñamuina jaca buna cùóñena; mei íadù conímana caù izíruia Juzíñamui caù comécùmo ite. Afe illa dáaruido Juzíñamui izíruillafue caùmo ñue rùire comuíoicaide. 13Juzíñamui dùbénemo caù íllana, caù comécùmo Juzíñamui íllana ónorede. Afena ie Ñuera Joreño caùmo fecáinado onódùcaù. 14Moo Juzíñamui ie Jitó orede afémùedo comùnù jílloillena. Iena danù cùódùcaù. Afena jino uáfodo llotùcaù. 15Nágamùerie Jesús Juzíñamui Jitona onótatùmùe, jaca Juzíñamui dùga ite. Daje izói Juzíñamui afémùe comécùmo ite. 16Daùí Juzíñamui caùna izíruillana fùdàtagacaù. Aféfuena àùnotùcaù. Juzíñamui jamánomo izíruillafuiaùna oruídùmùe. Izíruillafuemo itàmùe Juzíñamuimo ite. Afe izói Juzíñamui afémùe comécùmo ite. 17Daùí jamánomo ñuera izíruillafue caùmo comuíoicaide. Iemona íiraùruimo facátallùruido ñue íena àùnofùredùnona íitùcaù. Mei Jesucristo bie énùemo ñue cáùmamùena illa izói afe izói itùcaù. 18Izíruinafuemo jacàruillafue iñede. Mei jira ñue jaàcùna izíruillafue jácùfuena jino orede. Mei jácùfuemo duere fùnótajano ite. Ie jira jacànaitùmùe ñue jaàcùna izíruioicaiñede. 19Caù Juzíñamuina izíruitùcaù, nano fueñe caùna ie izíruilla jira. 20Dámùe daùíadù “Juzíñamuina izíruitùcue” mei íadù afe llezica ie daano cómena éoia, afémùe táùnofueredùmùe. Uafue dámùe ie cùona daano cómena izíruiñede, afe llezica cùóñena Juzíñamuina izíruinide. 21Juzíñamui caùmo iga daa ocuícafue. Afe bie ocuícafue daùde: “Juzíñamuina izíruitùmùe daje izói ie aùno cómena izíruiri,” daùde.

will be added

X\