1 CORINTIOS 7

1Ja omoù cuemo jùcánoga uaillaù afe ùbádùuai llóitùcue. Uáfueza dámùe áùreiacañenia dama illa fùgora. 2Mei íadù aillo jùruifue íteza, naga ùima áùrede. Daje izói naga rùngo ùnírede. 3Aùredùmùe dama ie aù afémùe dùga íacana dùeze, afémùe írena. Iemo daje izói ùníredùngo ie ùni afengo dùga íacana dùeze, afengo írena. 4Ùníredùngo “Cue abù daùngo cuemo dúide,” daùínide. Afengo abù ie ùni íeza. Daje izói áùredùmùe “Cue abù bie dama cuemo dúide,” daùínide. Ie aùmo jaùnáideza. 5Ùima ie aù dùga íacania ráiruiñeno jiéruiri. Daje izói rùngo ùni dùga íacania ùni ráiruiñeno jiéruiri. Mei íadù nùbaù jùáùruido da come ie aù dùga nano nàgarui ùere Juzíñamuimo íaillùnoù comecù facáacana llezica, aféruillaùdo dájena iñédiaillùnoùna ñuera. Afe mei nane raùre meine dájena írediaillùnoù. Mei are dájena íaillùnoù jáicañenia, abù jitáinafuena ocuíninamona fùeni íllena Taùfe íaillùnona facátaiteza. 6Bífuiaù caùmare ómoùe íllena llotùcue. Rùire lletara uai daùna izói lloñédùcue. 7Cúemona nana comùnù cue áùnino cue illa izói itíaùoùna, ñuera. Mei íadù Juzíñamui illa dàgamùiaùmo jùáùfoide ocuilla ràino fecade. Dámùe áùnino dama illa ocuírede. Jùáùmùe áùnino dama illa ocuínide. 8Ja birui áùnidùnomo naa fecànguaù dùga úritùcue. Damádùmùe dama cue illa izói itíaùoùna ñuera. 9Mei íadù dámùe ie abù jitáinafuena ócuiñenia afémùe raùre áùrede. Daa come ie abù jitáinafue íena anáfenoa fùénide, íemona raùre áùrena ñúena. 10Mei íadù áùredùno ùníredùno dùga afémacùna bie izói ocuídùcue. Ùníredùngo ie ùnina jaca dotánide. Bie ocuilla uai dama cúeùeñedeza, caù Ocuíraùma Cristo ie. 11Mei íadù ùníredùngo ie ùni dotáadù afengo daùngo írede; mei jùáùfodo afengo afe daùí íacañenia, afengo meine ie ànimo abùdo bírede. Daje izói áùredùmùe ie aùna jaca fáùcanocainide. 12Iemo jùáùfue dùbéfodo caù Ocuíraùma úriñedeza, dama cue ñue fùbíllafuemona úritùcue. Daa Jesumo àùnotùmùemo naù àùnoñede aù íadù, íemo afengo naù afémùe dùga íacana llezica, afémùe afengo dùga írede. Afémùe afe ie aùna dotánide. 13Daje izói daa Jesumo àùnotùngo ie ùni naù Jesumo àùnoñede íadù afémùe afengo dùga íacana llezica afengo afémùe dùga írede. Afengo afe ie ùnina dotánide. 14Mei jùù, Jesumo àùnoñede áùredùmùe Jesumo àùnote aùmo jaùnáillamona Juzíñamui ñue fùnócamùena jaide. Daje izói Jesumo àùnoñede ùníredùngo ie Jesumo àùnotùmùemo jaùnáillamona, Juzíñamui ñue fùnócangona jaide. Afe izói iñéniadù, omoù jitótùaù àùnoñedùno úruiaù izói itíaùoù. Mei íadù afe izói jóoiñede. Afémacù Juzíñamui ñue fùnócaiaùoù. 15Mei íadù Jesumo àùnoñedùmùe izire ie aùna oni oréacania, dama daùítadeza; orérede. Daje izói Jesumo àùnoñedùngo izire ie ùni fáùcanocaiacania, dama daùítadeza; fáùcanocairede. Aféfuena júfidoñeno iri, mei Juzíñamui “Nágarui uái omoù ífùreiri,” caùna dáùdeza. Bie izói íficaiadù Jesumo àùnote ama naa àùnote mirùngo dùga rairuínino afe àùnoñedùmùemo jaùnáitanide. 16Mei íadù Jesumo àùnote ùníredùngo cácarei. Naù ónoñegaza nùbaù odo o ùni jílloite. Daje izói Jesumo àùnotùmùe cácarei. Naù ónoñegaza nùbaù odo o aù jílloite. 17Iemona illa dàgamùe dama Juzíñamui íemo jóonia izói, afe izói nágaruillaù írede. Iemo, fueñe Juzíñamuimo caù àùnua llezica aféruimo caù táùjùna izói, afe izói naù birui táùjùredùcaù. Bie izói nana Jesumo gaùrídùnona ocuídùcue. 18Dáamùe Juzíñamuimo àùnua llezica ie bacano ùcoù quetátañenia, dama daùítadeza; quetátañeno iri. Daje izói jùáùmùe Jesumo àùnua llezica jaiai quetácaza dama daùítadeza; jùáùfodo júfidoñeno iri. 19Dáamùe ie bacano ùcoù quetaca nùbaù quétañega áfena náfueñeno iri. Mei jùáùfodo Juzíñamui comecù jítainafue jeire caù ollena ùere ráifina. 20Illa dàgamùe fueñe Juzíñamuimo ie àùnua llezica aféruimo ie illa izói, afe izói naù birui írede. 21Aféruimo jùáùma jeruícamùena o ia, áfemo járitañeno iri. Mei íadù afe ùímamona oni o jáillùno o báia, áfena maiñori. 22Mei jùù, dáamùe como fueñe Juzíñamuimo ie àùnua llezica, aféruido afémùe jùáùma ocuífùregamùe. Ja ie àùnua mei Juzíñamui dùbéfomo afémùe bu ráiruiñegamùena jaide, caù Ocuíraùma táùjùnafue ie fùnóllena. Mei daje izói jùáùmùe como fueñe Juzíñamuimo ie àùnua llezica, aféruido afémùe bu ráiruiñegamùe. Ja ie àùnua mei Cristo izire ocuífùregamùena jaide. 23Juzíñamui ùere ráifidena ùbácaomoùza. Iemona jùáùma rùire ocuífùregamùena omoù iñeno iri. 24Amatùaù, omoù cácarei, ómoùmona illa dàgamùe como fueñe Juzíñamuimo ie àùnua llezica, nanómona ie táùjùna izói, Juzíñamui eróicana áfemo táùjùfùreiri. 25Mei birui nahí áùnidùno naa ùnínidùngotùaù dùga afémacù ifue llóitùcue. Afémacù cue lletalle uaina caù Ocuíraùma cuemo lloñede, mei íadù cue fùbíllamona cue onoiga uai llóitùcue. Mei Juzíñamui cue cánuado cue lloga uaina àùnoredeza. 26Mei birui ùere jacàredùruillaùza, cúemona bifue ñue cùoide: daa come birui ie illa izói jùáùfodo méidoñeno írede. 27Mei birui ja áùredùo, afe mei áùnidùmùena abùna maméñeno iri. Mei daje izói, birui naù áùnidùoza, mai rùngona oñeno iri. 28Mei íadù o áùrenia, afefue fùénidùfueñedeza. Daje izói daa jitaùngo ùnírenia, fùénidùfueñedeza. Mei íadù biruillaùdo naga áùredùmùe naa ùníredùngotùaù dùga íaùoù illafue áùnidùmacù baùmo ùere juárede. Afe bie júaredùfuiaùmona ómoùna rairuídùcue. 29Amatùaù, ómoùna cue daùíacanafue bie izói jóide. Bínùemo Juzíñamuina caù ióbitallùrui aréiñede. Ja benómona caù illàfuena jùáùfodo maméredùcaù. Birui áùredùmùe, áùnidùmùe izói írede, raùre jùáùmacù jacàredùfuemona cánuaillena. 30Daje izói come tàillamo zúunaitùno birui zúunaiñedùno izói íredùomoù. Daje izói caùmare ùráùzizaidùno ja birui caùmátaiñedùno izói íredùomoù. Daje izói nana ráanùaù ùbáritùno ja birui íaùoù ùbaca raana “Cáùeiñede” daùífùredùomoù. 31Iemo bínùe ráanùaù fecáfùredùno, daje izói afe ráanùaùri caùmátaidùno ja birui afe ráanùaùmo fùgo járitainidùomoù. Mei bie caù cùona énùe naa ie ráanùaùri ja fúioicaideza. 32Omoù gágudùfuiaùmona oni ómoùna óiacadùcue. Dáamùe naù áùnina llezica, caù Ocuíraùma ífuiaùmo járitairede, caù Ocuíraùma ióbitallena. 33Mei jùáùfodo áùredùmùe ie aù ióbitallena, bínùe ráanùaùri járitaifùrede. Iemona afémùe mena ocuídùmùe anamo ite izóidemona, ie fùnóacagafuiaùna fùnónide. 34Rùngónùaùmo jùáù daje izóidùfue ite. Naù ùnínidùngo caù Ocuíraùma ífuiaùmo járitaite. Afengo joreño naa ie abù dùga Juzíñamui íena ùere íacade. Mei íadù ùníredùngo ie ùni ióbitallena bie énùe ráanùaùri járitaide. 35Ñue omoù íllena bífuiaù ómoùmo llóitùcue. Omoù áùreiacanafuena rairuíñedùcue. Mei jùáùfodo comùnù eróicana ñue jaàcùna omoù illàfuena jitáidùcue. Iemo jùáù caù Ocuíraùma Jesús ocuícafue jùzíñeno jeire omoù óllena, bífuiaù ómoùmo llóitùcue. 36Mei ómoùmona daa come comécùdo daùíadù: “Cue jùcánogango dùbénedo ñue jaàcùna fùnóñedùcue,” íemo afe llezica afengo are dùnó jitáùngoñeiteza, afémùe comecù ñue faca izói, izire ie áùreiacana izói áùrede. Ie jùcánogango ie olle fùénidùfueñedeza, afe íaillùnoù áùrena rairuínide. 37Mei íadù jùáùmùe jùáùfodo comecù facáadù, mei afe ñuera. Ie jùcánogangona ie aùna ie óiacañenia daje izói afefue jùáù ñuera; mei afémùe ie jùcánogango raùre óñeillena ie comecù ñue daùna izói, jùca ia ñue mamédeza. Afe izóidùfue àaùfueñede. 38Nana bíuaillaùmona bie izói onódùcaù. Jùcánogango otàmùe ñúefue fùnode, íemo jùcánogangona oñédùmùe afe baùmo ñúefue fùnode. 39Ùníredùngo, ie ùni naù caana llezica, ie ùnimo cuinaca izói jaùnaide. Mei íadù ja ie ùni tùilla mei, afengo bumo jaùnáiñede. Jesumo àùnote afengo gáùgamùemo ùníreirede. 40Mei íadù cue comecù faca izói, afengo meine nane ùníreiñedenia baùmo caùmare iite. Bie uai ómoùmo cue llua llezica, Juzíñamui Ñuera Joreño cuemo ite izoide daùdùcue.

will be added

X\