1 CORINTIOS 14

1Mei ie jira, afe izíruillafue ùere jeire omoù oiri. Afe ua llezica Juzíñamui Ñuera Joreño fecaca jùáùforie táùjùnana fùbíllena izire omoù jenori. Omoù jenolle llezica, Juzíñamuimona onoiga uai jino llua baùmo izire jùcari. 2Mei íadù dámùe naù llófueñega jùáùzie uaido úriadù, dama Juzíñamuimo úrite. Comànùmo úriñede; mei afémùe úrillana buna canóñenaza. Afe ónoñega uaido úritùmùe Ñuera Joréñodo úrite, mei íadù afémùe daùna uai uáfodo onóñena báinino jóoide. 3Mei jùáùfodo afe Juzíñamuimona onoiga uai llotàmùe, comànùmo úrite íaùoù joreño dùbéfuemo íaùoù ñue móonaitallena; daje izói ñue íaùoù náùreillena, íemo jùáù íaùoù caùmare fàrallena. 4Afe jùáùzie uaido úritùmùe dama ie joreño dùbéfuemo móonaite; mei íadù afe Juzíñamuimona onoiga uai llotàmùe, Juzíñamuimo jaùnáidùnona ñue móonaitaite. 5Afe naù llófueñega jùáùzie uaido úrillana nana ómoùena jitáidùcue. Mei íadù Juzíñamuimona onoiga uai jino omoù llóllena ùere baùmo jitáidùcue, mei afe onoiga uai jino llua, jùáùzie uaido úrilla baùmo ráifide, Jesucrístomo àùnotùno aillo móonaitallena. Mei íadù afe jùáùfoide uaido úritùmùe úrilla dobáiñoraùma íadù, afefue ñuera; mei áfedo nana Juzíñamuimo jaùnáidùno danù íaùoù joreño dùbéfuemo daje izói ñue móonaitiaùoùza. 6Ie jira ámatùaù cácarei. Uire omoù cue uáiduaùbia omoù càgùri Ñuera Joreño úritate jùáùzie uaido cue úriadù, cue úrilla ómoùmo due jiza ráifiñede. Mei jùáùfodo Juzíñamui caùmo onótagafuiaùdo cue úriadù afefue ómoùmo ráifide. Daje izói omoù ùfocù ua uaina cue déitaiadù afefue ráifide. Iemona daje izói Juzíñamuimona onoiga uai ómoùmo jino cue lloia afefue jùáù ráifide. Daje izói omoù cue llófuia ráifide. 7Mai nana omoù rúado taiga raamo ñue comécùiri, áfemona ñue onóillena. Afe raa jaca comécùnideza. Be totíbacui, íemo arpa, íemo juaù dùga caùmare fùcùre úrite, mei íadù jùáùma fùeni taia, áfena cacádùno afe úrilla uaina ónoñeitiaùoù. 8Daje izói comùnù jobáiriacana llezica, uáidua juaù táiñeniadù comùnù fùgo áfemo mámeriñeitiaùoù. 9Afe izói ómoùmo íficaide: dáamùe jùáùfoide ónonide uaido omoù llófueia ie dáùnana buna onóñena. Afémùe táùnomo úrite. 10Uáfodo onóigaza; bie énùemo dùga jùáùe naùraù uaillaù ite. Afe uáillaùna onódùnomo nana aféuaillaù ñue baite. 11Mei íadù cuemo úritùmùe uaina cue ónoñenia, afémùemona jùcánemùedùcue. Daje izói afémùe cúemona jùcánemùe. 12Ie jira, afe Ñuera Joréñomona fecaca táùjùnana fùbíllena omoù ùere gaùna llezica, mai Juzíñamuimo jaùnáidùnona ñue móonaitallùfuiaùna ùere izire omoù jùcari. 13Afe jira naù llófueñega jùáùzie uaido úritùmùe afe ie daùna uaina ñue jino llúana fùbíllena Juzíñamuimo jùcárede. 14Mei jùáùzie uaido Juzíñamuimo cue úriadù, ua cue joréñodo úritùcue, mei íadù cue ùfocù úrilla, táùjùñeno oni eneno ite izoide. 15Mei íemona ¿nùfue fànoitùcue? Cue joréñodo naa cue ùfocù úrillado Juzíñamuimo úriredùcue. Daje izói cue joréñodo naa cue ùfocù úrillado afémùemo róredùcue. 16Mei jùù, dama o joréñodo Juzíñamuimo o úriadù o áùnori ite, áfemo fùbítañega cacáreidùmùe, Juzíñamuina fùgora o daùífùrenafue dùbénemo ínide. Mei o dáùnana onóñedeza. 17Mei nùbaù Juzíñamuina fùgora o daùífùrena Juzíñamuimo ñue cacaide, íadù jùáùmana dama ie joreño dùbénedo ñue móonaitañede. 18Nana omoù baùmo jùáùzie uaido úriredùcue. Aferi ùere Juzíñamuina fùgora daùdùcue. 19Mei íadù Juzíñamuimo jaùnáidùno gaùrífùrena llezica, ónoñega jùáùfodo jóide uaillaù baùmo, jubekuiro dùga ñue onoiga uai cue dáùnana gáùdùcue, jùáùmacù cue llófuellena. Mei íadù diez mil féirede jùáùzie uai afémacù càgùmo cue úrillana gáùñedùcue. 20Amatùaù, úruiaù comecù faca izói, afe izói comecù omoù facáñeno iri. Mei jùáùfodo éicomùnù izói comecù omoù facari. Mei íadù fùénidùfue dùbénemo jézaùnidùno izói omoù iri. 21Jaiai caù ocuilla uai cuegánicomo Juzíñamui íemo cacáacañede Israel náùraùna bie izói daùde: Bie náùraùna jùáùe uáillaùdo úritùnodo duere fànoitùcue; onínemacùdo íaùoù llétaitùcue. Mei íadù afe bie uaido naù cuena náfueñeitiaùoù. Daùí caù Ocuíraùma daùde, aquíe izói ie uai llote. 22Mei daùí afe jùáùzie uaido úrillana fùbíllafue Juzíñamuimo àùnoñedùnomo dúide, jùáùe onótate raa izói íaùoùna onótallena. Ùùnotùnomo dúiñede. Mei íadù Juzíñamuimona onoiga uai jino llúana fùbíllena Juzíñamuimo àùnotùnomo dúide, jùáùe onótate raa izói íaùoùna onótallena. 23Mei jira nana Juzíñamuimo jaùnáidùno dáanomo gaùrilla llezica, íemo nana omoù jùáùzie uaido omoù úriadù ie mei áfemo fàbitañega àùnoñedùno omoù càgùmo bíadù, nùbaù “Uáùritaidùno izóidùomoù,” dáùitiaùoù. 24Mei jùáùfodo Juzíñamuimona onoiga uai jino omoù llua llezica, íemo fàbitañega àùnoñedùmùe omoù càgùmo bíadù, ie comécùmo ite fùénidùfuena uáfodo ónoite. Nana omoù dáùnana cacáillano afémùe dama ie comécùna méiñotaite. 25Afe daùí dama ie comecù onóigafuiaù jino càocaillamona, cañàcùdo ana dújullano Juzíñamuina cáùmadoite. Iemona: “Uáfuena, Juzíñamui omoù càgùri íteza” dáùite. 26Mei jira, ámatùaù, omoù gaùríllùfuiaù bie izói írede: Omoù gaùrilla llezica ómoùmona dáarie Juzíñamuimo rollàrua jino llóiacade. Iemo jùáùmùe llófueiacade, íemo jùáùmùe Juzíñamui íena onótagafue jino llóiacade, íemo jùáùmùe jùáùfoide uaido úriacade, íemo jùáùmùe afe jùáùzie uaido úrilla jino dobáiñoiacade. Nana bífuiaù ñuera. Mai bífuiaù daùí íteza, Juzíñamuimo jaùnáidùno ñue móonaillena, daje izói íemo naù àùnoñedùno àùnotallena. 27Jùáùzie uaido omoù úriadù mena come dáaruido úrinide. Jùáùmùe úrilla llàùcailla méifomo úriri. Daámani come daùí úrirede. Naga come jùáùfoide uaido úrilla fuíllamo ie lloga uai dobáiñorede. 28Mei íadù uai dobáiñoitùmùe íñeniadù, mai nùe izói jùáùfoide uaido daùíñeno iri. Dámùe úriacania dama ie comécùdo Juzíñamuimo úriri. 29Daje izói afe Juzíñamuimona onoiga uai llotànomona damùeámani úrirede, íadù daje llezica úrinidiaùoù. Llotàmùe fuilla méifomo íemo cacáreidùno faùríorediaùoù, ie dáùnana ja Ñuera Joréñomona comuide, nùbaù íeñede daùíllena. 30Mei íadù dámùe uai jino llua llezica, Juzíñamui jùáùe ana ráùidùmùemo jùáùfue íena onótaiadù afémùe raùre fueñe úritarede. Nano fueñe úritùmùe ie úrillana fáùcanocairede. 31Afe daùí nana omoù Juzíñamuimona onoiga uai llotùno llórediaùoù. Uafue dámùerie jino llórediaùoù, áfedo nana omoù onóicaillena; daje izói áfedo nana omoù comecù náùrecaillena. 32Nana afe Juzíñamuimona onoiga uai llotùno danù íaùoù joréñona rairuírediaùoù, naù jùáùmùe úrilla fuiñena dùno. 33Mei Juzíñamui caùmare uái illùfue comuítatùmùe; íemo, úrillana féitate gáguana afémùe comuítañede. Nana jùáùnomo ite Juzíñamuimo jaùnaide gaùrídùno fànua izói birui ómoùna fùnótaitùcue. 34Juzíñamui ióbillena omoù gaùrilla llezica, càgùmo ite rùngónùaù úrilla rairuírede, ùíñùaùna ie llófuellena. Juzíñamui ocuilla uai daùna izói, aféngotùaù ùima anamo caùmare írediaùoù. 35Aféngotùaù daa rafue onóacania, jino jofomo íaùoù ùnimo jùcánorede. Daa rùngo comùnù gaùrilla càgùri úria meaire cùoide. 36Mai cácarei, ¿Meita Juzíñamui uai danù ómoùmona comuide, daùí comecù facádùomoù? ¡Daùíñede! Daje izói aféuaina danù ómoùmo llógaza comécùñeno iri; mei dùga jùáùmacù íena, daje uaina jae llogáiaùoùza. 37Daa come Juzíñamuimona onoiga uai jino llotàmùedùcue daùíadù, bie ómoùmo cue cuegáfuiaù caù Ocuíraùma Jesucristo caù ocuilla uai afémùe daùírede. Daje izói daa come Ñuera Joréñodo úritùmùedùcue daùíadù, afémùe cue cuega dùbénemo Jesucrístodo caù ocuilla uai daùírede. 38Iemo afe cúegana aillù cue daùna bie izói daùíacañedùmùemo omoù náfueñeno iri. 39Cue ámatùaù, bíemona Juzíñamuimona onoiga uai jino llua jeire omoù oiri. Iemo da come jùáùzie uaido úria, rairuíñeno iri. 40Mei íadù afe llezica, omoù llollàuaina jaùcuíñeno daje fuémona jùáùmamo meaire càotañeno lloiri. Daje izói nana omoù jetaca raana jaùcuíñeno ñue jaàcùna maméfùreiri.

will be added

X\