UWUGUBULILWE WA YOHANE . 22

1Swe munyivaha akundagila umukoga ugwa ululenga ulwa uwumi lwilangala nda kilole, ulwikwika ku kigoda icha uwutwa cha Nguluvi na Umwanang'olo. 2Umukoga ugo gwa nyilimige gwikola pagati na gati pa ilikuya ilikomi lya iboma kangi. Mulubali lwa umukoga ugo kwekwina mubiki ugwa uwumi ugwavelekige amaveleko kanyichumi na kavili peguvesaga mwesi, gwavelekige na amahamba gakwe gwe mugoda gwa ukuvaponia avanu va ing'i mbesili. 3Kisukuli ikinu chechekivesaga kikotole che sakiva muboma yila. Ikigoda cha uwutwa cha Nguluvi na cha Umwanang'olo sakiva muboma iyo na avakami vakwe vamusunyalila. 4Vamuwona uwusu wakwe na ilitawa lyakwe lyandikwe pachanya paluhanda lwa uwusu wawo. 5Ikilo sisakiva kokili kangi sivavaguluma lung'ali lwa itala nave lisuva pakuva Umutwa Nguluvi savang'alikila, nawo sa vatema mbepali na mbepali. 6Swe umunyivaha akunigila, “Ing'ani isi sa inachene na sakufuuwa, Umutwa Nguluvi yeakuvapela avavisi umuhe vakwe, amutumite umunyivaha vakwe avalagile avakami vakwe ing'ani sesasusa silusika. 7“Lavage! Ngusa ngwangufya. Mufunyilile yeakwinatila ing'ani isa uwuvisi sesili mukitabu iki.” 8Nene Yohane, ndasiwene na ukupulika ing'ani isi. Napeyemulike na ukusiwona swe ngwitoosa pasi pamagulu ga umunyivaha yula ye andaje ing'ani iso, swe ndisaka ukumusunyalila. 9Neke umwene anigile, “Luleke nene ndimukami hela ndawe yuveve na avanyalukolo vako avavisi na mbevali avakwinatila indagilo isili mukitabu iki. Musunyalilage Nguluvi!” 10Kangi swe akunigila, “Ulasifiha ndasa kinyele ing'ani isa uwuvisi isili mukitabu iki, pakuva ikivalilo icha ukukwila kwaso ye kuhegelye. 11Lino yula yeipiga imbi avesage peapiga imbi na yu mwaafu aginage ukuva mwaafu, umunyakupiga inofu na Umwelu aginage ukuva mwelu.” 12“Lavage!” Atige Yesu, “Ngusa ngwangufya, na uluhombo lwendimupela yeyeavesaga munu wimila ifipigo fyakwe. 13Nene ye Alifa na Omega, Umuvango na umudugo, umuvele na umukwangu.” 14Vafunyilile vala avifuva imyenda jawo sambi, vatawulwe ukulya amaveleko ga umubiki ugwa uwumi, na ukutawulwa ukwingila ku boma ukugendela pa umulyango gwa iboma. 15Neke imbwa, avahavi, avagoni, avawulasi, avasunyalila ifihwananguluvi na mbevali aviwendaga ukulonga uwudesi, savikala kwivala pa iboma. 16“Nene Yesu, ndimutumite umunyivaha vangu awolelele ing'ani isi mumakanisa. Nene ndimwegalwa mulukolo lwa Dawudi. Nene nding'eng'esi iyilangala inema wufuku.!” 17Umuhe na Umwigani yeigomwa vatigile! “Wuse.” Umunu yeyeavesaga apulike ulu, na atigile, “Wuse.” Umunya ng'elu ase, yeisaka ululenga lwa uwumi asage ategule kitahomba chechekivesaga. 18Nene Yohane nguvakenyela mbevali avipulika ing'ani isa uwuvisi sesili mukitabu iki, umunu yeyeavesaga wone awile ikinu chechekivesaga mung'ani isi, Nguluvi amuwila ineseko isandikwe mukitabu iki. 19Na umunu yeyeakepusaga chechekivesaga mung'ani isa uwuvisi isili mukitabu iki Nguluvi amupoka iligawo lyakwe mu mubiki gwa uwumi na apono pakwe mu boma inzelu, ifilonge mukitabu iki. 20Nave yeitawula uwolelesi mufinu ifi itigila, “Nachene! Ngusa ngwangufya.” Ena! Wuse ve Mutwa Yesu! 21Uwuwuya wa Umutwa Yesu wuvelage na avanu mbevali va Nguluvi. Ena! a18:24 Talanda: Amagobole agakwilye amahombo ga myaka minyichumi na gihanu kwa umunu yeibalulila. b18:28 Idinali: Amagobole agakwilye mahombo ga myesi gidatu kwa umunu yeibalulila. a8:50 Muhisi: Yula yeaihiga inongwa sa avanu pe avanu visomye. a1:23 Vamutumbike: Vamutovelye na imisumali. b16:6 Ikitungwi: Icho chalekige na ibahali na nyanza ululenga lwapitukige lwiva liganga, ifipugu sifyahwanigi ukugenda. a12:2 Kuchanya kwa wudatu: Avanu va imisika gijo vihosige ukuta kuchanya kulipolofu. a6:14 Igwanda ya Ichuma: Avanyigalu va Ikilumi vafwalige igwanda ya ichuma visiika imambaga pe vakwihoma. b6:15 Ndatu: Vafwalige na indatu isa ichuma pe vakwihoma visiika amagulu. c6:16 Ingwembe: Vategulige ingwembe vasimye indibulo isaakige umoto pevakwihoma ligalu. a1:1 Avalongosi: Vevala avimilisi apangi va Asikofu. b1:1 Avatanzi: Vevala avatangilisi apangi va Semasi. a2:18 Mutavangu: Umutavangu va Kilisito ipa ye yula yeidalika na ukwigisa isisutine na Kilisito. a2:6 Vanikolayi: Kwekutigila avakami va Nikolasi. b2:17 Imana: Chekilyo che atawe Nguluvi pevevali mubalali. ?? ?? ?? ??

will be added

X\