UWUGUBULILWE WA YOHANE . 19

1Pesilutye iso ndapulike kinu wita liswi likomi lya amalugu ga avanu wolofu kuchanya, vitigila “Haleluya! Uwukombolwa, indolo na uludali ifyo fyakwe Nguluvi vetu! 2Pakuva uluhigo lwakwe lwa nachene na lugolofu. Amuhigite yula umugoni umwaafu ye ayiyasise ing'i mbeyili kwa uwugoni wakwe. Amudogwifye wimila ukubohola idanda ya avakami vakwe!” 3Vatigee, “Alumbwagwe Nguluvi! Ilisusi lya umoto ugwilalisa iboma iyo gwilila kuchanya mbepali na mbepali!” 4Na vala avavaha machumi gavili na vatayi na fila ifigawa finyawumi ifitayi swe vakwitosa pasi, vakumusunyalila Nguluvi yeateng'eme pachanya pa kigoda cha indolo vitigila, “Ena! Alumbwagwe Nguluvi.” 5Swe, ndawe lyapulisige iliswi uluhuma pakigoda icha uwutwa. “Mumulumbage, Nguluvi, nyenye nye vakami vakwe mbemuli, nyenye yemukumufuuwa, avadodo na avavina.” 6Swe ndipulika kinu wita liswi lya ililugu ilikomi lya avanu na iliswi lya ululenga ulolofu na ulwa umubumo umukomi, gwitigila, “Haleluya! Pakuva Umutwa Nguluvi vetu Munyaludali ye Mutema! 7Tuhekelelage na ukukimilila, tumupelage indolo, pakuva ikivalilo icha uluwungo lwa umwanang'olo yekifikite, na umwigani yeigelanise. 8Apelitwe uludali ulwa ukwifwika umwenda umunofu umwelu na ugwimalavadika!” (umwenda ugo ugwesilwe fye fipigo ifinofu fya avanu va Nguluvi.) 9Swe umunyivaha akunigila, “Wandike isi: Vafunyilile vala avalaalike kuluwungo lwa umwana Ng'olo!” Kangi swe akunigila, “Iso se ng'ani isa nachene sa Nguluvi.” 10Swe, nene ndagwe kinyalileme pamagulu gakwe ndisaka ukumusunyalila. Neke umwene anigile, “Luleke! Nene ndimukami hela ndawe veve na avanyalukolo vako; mbetuli tukwinatila uwanachene weatugubulye Yesu. Musunyalile Nguluvi! Pakuva uwanachene weatugubulye Yesu wewene we wukuvang'alikila avavisi.” 11Swe ndawe ndakuwonige kuchanya kudindwike; na uko kwekwina ifwalasi yimwi nzelu na umuhofi vakwe atambuligwe, “Mufuuwa na Inachene.” Uyo ayihiga na ukwihoma wimila uwugolofu. 12Amiho gakwe ndawe ulwenge lwa umoto, na eafwite ingela nzolofu kumutwe. Emwandike ilitawa lye umunu yeyeavesaga asukuli yealisele pesi yumwene hela. 13Eafwite umwenda ugwe musabike mudanda. Na ilitawa lyakwe uyo ye, “Lukani lwa Nguluvi.” 14Avanyigalu avakuchanya, vamuninilige we vahofile ifwalasi inzelu na iya ulutogo. 15Ilimage ilyugi luhumaga mumulomo gwakwe, na ukukola lilyo saavadwesa avamyanza. Umwene ye saatema kinyalugilimati na ukuhusa idifai mu savani ya ililakaali ilikomi lya Nguluvi umunyaludali. 16Mumwenda gwakwe, na pachanya pa iligulu lyakwe, emwandike litawa, “Mutema va Avatema na Umutwa va Avatwa.” 17Swe ngumuwona umunyivaha uyumwi imile mwisuva. Swe iyova akufilongela ifidege mbefili ifya gulukige mwilanga, “Muse! Mukong'ane pamwi paluwungo ulukomi lwa Nguluvi. 18Muse mulye imivili ija avatema, na ija avavina va avanyigalu, ija avanu avanyaludali, ija ifwalasi na avahofi ava ifwalasi vawo, muse mulye imivili ija avanu mbevali avatemapawo na avanyawingi, avadodo na avavina. 19Swe Nguyiwona ing'oko yimwi na umutema va ing'i na avanyigalu vawo vakong'ine pamwi sambi vihome iligalu na yula yeateng'eme pachanya pa ifwalasi, pamwi na avanyigalu vakwe. 20Neke ing'oko yila yagalulwe pamwi na yu muvisi va uwudesi yeapigige imiitu pa ng'oko. (Ukwimila miitu ijo, yealavayasise vala veve vina ikilagilo icha ing'oko, na vala avasunyalilige ulwihwano lwayo.) Ing'oko iyo pamwi na umuvisi vatoosiswe mbevali nda we vavili wevaliwufilima, mwitemela lya umoto ugwa ikibiliti. 21Avanyigalu vawo vawuligwe na ilimage ilyahumige mumulomo ugwa yula yealahofile ifwalasi. Ifidege mbefili swe filya neke figute inyama sawo.

will be added

X\